Inpaspasing 13:2 - Dibshon Mengi-kan Ni Pansigshan

² Jet sajay iren too, nonta pinsak, inbiyang shay pangan sha ta maramen ireka emanshedjaw son Apo Shiyos. Jet inkowan ni Ispirito Santo nen Apo Shiyos son si‐kara ey, “Ilesin jo si Bernabe nen Saulo, ta ẃaray obda ja piyan kon dag‐en sha para son si‐kak.”

Inpaspasing 13:2 Iomraidhean Croise

San Mateo 17:21

Nem sajay ya kalasin dimonyo, eg mebedin na pebtik bengat nem eg kita nin mengshaw ni tolong son Apo Shiyos tan mengibiyang ni pangan tayo.”

San Mateo 6:16

“Jet, no ibiyang jo nin ja eg mengan pangkep ni pamatiyo, eg mesepol la pa‐amtayo shi eshom ma too, ja inges toy kepesing ira nonta toon mengipa‐sas ni mapteng nga aramid sha say eg amta‐an ni karakdan ey ngaaw gayam i nemnem sha. Emedew shi dopara ey si‐kara, inbiyang sha nin i pangan sha maypangkep ni pamatira. Nem podno iya ikowan ko son si‐kayo. Sota ira toon sajay i itsora ni aramid sha, enshiy isobadit nen Apo Shiyos son si‐kara, ta singa ineẃat sha lay konkona sha nonta in‐etek ira ni totoo.

San Mateo 9:38

Si Apo Shiyos i mengibetkag ni toon mengepit, isonga si‐kato ngoy pengshawan jo say mengibetkag ali ni on‐atang.”

San Lucas 10:1

Idi naksheng iyay, si Apo Jesus, shinotokan toy piton polo tan showa so nonta ira too to, jet inbetkag to iren sanshedẃa ja en mengitosho shima emin na dogad ja kowan to ey daẃan to met laeng.

Inpaspasing 10:19

Jet nontan, kenemnemnema nen Pedro no ngantoy olog nonta inon‐an ton inpa‐sas nen Apo Shiyos son si‐kato. Jet ẃaray inkowan ni Ispirito Santo nen Apo Shiyos son si‐kato ey, “Asas mo, ẃaray tedon too ja emengenap son si‐kam.

Inpaspasing 10:30

Jet si Cornelio, insodsod to ja kowan to ey, “Nonta epat den akew wa dimabas, inges niyay ya oras nonta naka mansheẃat son Apo Shiyos ni alas tris ni mama‐shem, jet bigla ja ẃaray toon nanbaro ni emenenili ja dimayat shi sango‐an ko,

Inpaspasing 13:3

Jet idi naksheng i shaka panngidin tan shaka pansheẃat son Apo Shiyos, saja ira pangolo ni emati, insakpal shay takday sha son si‐karen showa nin, asan shaka ira ibetkag ja ondaw.

Inpaspasing 13:4

Jet si Bernabe nen Saulo, ja inbetkag ni Ispirito Santo, shimalong ira shi Silosia, jet nandogan ired man shi barko ingkatod Cyprus.

Inpaspasing 14:26

Jet manshokid man, nandogan ired barko ja imolid Antiok, ja edapo‐an sha nonta pilmiro, ta sota ematid man, si‐karay engibetkag son si‐kara nontan. Inshawatan sha pay sota ira apostol nontan ey si Apo Shiyos, eg to koma ira baybay‐an ni shaka pan‐eka‐ekad, no diket todongan to et koma ira nonta obdara. Jet niman men kinsheng sha, nay‐oli ired Antiok.

Inpaspasing 20:28

“Isonga niman, si‐kayon pangolo, asas joy bakdang jo shorog, tan asas jo pay sota ira emati son Apo Jesus ja inpiyal ni Ispirito Santo son si‐kayo ja bantayan jo. Singpet joy bantay son si‐kara ta kokowa ira nen Apo Shiyos. Nemnem jo ni olay ey kowinta ey binayshan to ira ni shala nonta Anak to ja imayos shi koros.

Inpaspasing 22:21

Nem say songbat to son si‐kak, kowan to ey, ‘Daw ka, ibetkag taka shima araẃin dogad ja kawad‐an ni toon aliẃen Hodiyos, jet si‐karay itod‐an mo ni maypangkep son si‐kak.’ ”

Inpaspasing 4:36

Jet nontan, ẃaray sakey son si‐kara ja emati ja si Jose i ngaran to. Sota ira apostol, inbeshayan sha ni Bernabe, ta say olog to, “mengi‐kan ni pansi‐metan”. Sajay ya too, nay‐anak shi Cyprus, nem Hodiyos met laeng ja para tolong ni pari.

Inpaspasing 6:4

Jet say metopog ga dag‐en mi ngo ni olay ja apostol, sota mansheẃat, tan en mengitosho nonta esel nen Apo Shiyos maypangkep so nen Jesus.”

Inpaspasing 8:29

Jet si Felipe, inshalan ni Ispirito Santo nen Apo Shiyos ja en mekilokan son si‐kato nodta kalisa.

Inpaspasing 9:15

Jet kowan mowan nen Apo Jesus son si‐kato ey, “Kenshat ta ondaw ka, ta pinidik si Saulo ey si‐katoy mengikowan ni maypangkep son si‐kak so ni totoo ja aliẃen Hodiyos, tan sota a‐ashira, tan angken so ni kait jon Hodiyos ja eg emati.

I-Roma 1:1

Si‐kak si Pablo ja makasolat niyay, ja mismon inbetkag nen Jesucristo ja mansilbi son si‐kato. Si‐kak, shinotokan towak nen Jesucristo ja manbedin ni apostol to, say nak mengitosho nonta mapteng nga shamag ja edapo son Apo Shiyos.

I-Roma 10:15

Jet enshi pay i toon en mengitosho, no eg ibetkag nen Apo Shiyos. Nem ẃara met i inbetkag ton en mengitosho. Si‐katoy kaytoshongan nonta naysolat nonta bayag da, ja kowan to ey, “No itenengan tayo diy shanapshap ni katin ira nonta mengitosho ni mapteng nga shamag, kitoka man‐imdeng.” Isonga ẃaray mebedin na memati.

I-Roma 15:16

jet naka mansilbi so nen Cristo Jesus niya naka pengitosho so nonta ira aliẃen Hodiyos pangkep son si‐kato. Naka mansilbi ja singa sota parin para akan ni daton; nem say inpasing ko, intorok sota mapteng nga shamag ja edapo so nen Apo Shiyos, say eẃaten nen Apo Shiyos ira sota aliẃen Hodiyos. Jet ineẃat to ira ta singa indaton sha shorog i bakdang sha son si‐kato, ni intolok sha so ey sota Ispirito Santo to i mengitoshong son si‐kara.

1 I-Korinto 12:11

Emin iyay ya pesing, sakey i edapo‐an to: sota Ispirito Santo nen Apo Shiyos bengat. Jet toka i‐akan iyay ja iẃaris so ni sakey tan sakey ya piyan ton pengi‐kanan.

1 I-Korinto 7:5

Isonga karejo diẃayan iyay ya mesepol la dag‐en ni san‐aseẃa, malaksig no ẃaray nantolagan jon showa ey eg kayo nin mankadẃa say eg medingding sota pansheẃat jo son Apo Shiyos, ja si‐katoy topogen jo. Nem mesepol la mankadẃa kayo mowan na shagos no mepospos sotan da, ta amtayo met i itsora ni si‐katejon too. Amangan et no eẃisen shakejo nen Satanas ja mandeka ni ngaaw wa aramid.

2 I-Korinto 11:27

Naka emebdey ya pasiya ni sajay ya obdak, jet eminshakel la ekak pay maka‐ogip. Eminshakel la na‐ag‐agangak tep enshin polos i kenen ko tan na‐kewak pay ni shanom. Naka mekmektel ta enshiy koston barok.

2 I-Korinto 6:5

Jet iyay i eshom ma digat ja dina‐kaman mi. Dina‐kaman miy sepdat, dina‐kaman miy balod, dina‐kaman mi pay i bonget ni eshakel la totoo. Kamika emebdey ni obda, eg kami pay maka‐ogip ni medebi no sin‐arom, tan dina‐kaman mi pay i agang.

I-Galasia 1:15

Nem angken nonta ekak pay laeng gayam nay‐anak, sigod ja ninemnem nen Apo Shiyos ey kaasi‐an towak ali, ja ẃaray insagana to ja piyan ton dag‐en ko di, jet niman, si‐kato ma iyay.

I-Ipiso 3:7

Jet say kabol la kinaasi‐an towak so nen Apo Shiyos, pinidi towak ja ontolong ja mengitosho ni mapteng nga shamag maypangkep son Cristo Jesus. Jet si‐kato met laeng i mengosal ni panakabalin ton ontolong son si‐kak.

I-Kolosas 4:17

Say sakey pay, ikowan jo so nen Arkipo ey mesepol la itoloy ton dag‐en sota obden in‐awat nen Apo Shiyos son si‐kato.

1 Timoteo 2:7

Jet sajay i kabol la shinotokan towak son manbedin ni apostol ja mengitosho tan mengikowan ni podnon pamati so nonta ira toon aliẃen Hodiyos. Jet sajay ya inkowan ko, agpayso; aliẃen naka man‐o‐owap.

2 Timoteo 1:11

Si‐kak i sakey ya eshotokan ja manbedin ni apostol ja mengikowan nonta mapteng nga shamag ja maypangkep son Cristo,

2 Timoteo 2:2

Emin sota intorok son si‐kam ja intenengan ni eshakel la totoo, si‐kato ngoy itorom so nonta totoon moka piyalen mengitosho, say tod‐an sha ngoy eshom.

2 Timoteo 4:11

Si Lucas bengat i ebay‐an shiyay ya kadẃak. Olop mo di si Marcos shiyay ta asdeg toy toka itolong son si‐kak.

2 Timoteo 4:5

Nem si‐kam, tanshaanim, karam iba‐ba‐ngat i onod nima toro sha. Anosim ja manda‐kam ni digat, ipekat moy kabaalan mon mengitosho ni maypangkep son Jesucristo, tongpal mon emin sota nay‐awat son si‐kam ja dag‐en mo.

Hodiyos 5:4

Jet sotan na pari, aliẃen si‐katon shorog i emili ni bakdang to ja manbedin ni kangeto‐an na pari; si Apo Shiyos i kaonshotok so ni toon manbedin ni kangeto‐an na pari. Inges to si Aaron nonta bayag da: si Apo Shiyos i shimotok son si‐kato ja manbedin ni pilmiron pari.