Inpaspasing 12:9 - Dibshon Mengi-kan Ni Pansigshan

⁹ Jet si Pedro, inonod to sota anghil et bimo‐day ira nodta badoran. Say ẃared nemnem nen Pedro, kowan to ey emankogkogip bengat, ja aliẃen agpayso sota emankepasemak.

Inpaspasing 12:9 Iomraidhean Croise

San Juan 2:5

Jet si Maria ja ina nen Jesus, inkowan to so nonta ira emankemakam nodta kasal ey, “No ngantoy ikowan nen Jesus, patiyo.”

Inpaspasing 10:17

Jet si Pedro, toka nemnemnemen pasiya iyay ya inon‐an ton inpa‐sas nen Apo Shiyos, ta eg to amta no ngarantoy olog to. Jet nontan ngo, sota ira toon inbetkag nen Cornelio, simpol sha sota baley nen Simon ja kad‐an nen Pedro, jet ireka mansessesked nodta pasbol.

Inpaspasing 10:3

Jet idi sakey ya akew ja oras ni alas tris ni mama‐shem, ẃaray inpa‐sas nen Apo Shiyos son si‐kato. Inon‐an ton mismo i anghil nen Apo Shiyos ja dimaw son si‐kato, jet inngadnan tos Cornelio.

Inpaspasing 11:5

“Nonta ẃara‐ak shi Jopa ja emansheẃat son Apo Shiyos, ẃaray inpa‐sas to son si‐kak. Inpa‐sas toy ekalbot alid dangit ja na‐iktan ni ẃanet sota epat ta shogo to; jet dimespag ali son si‐kak.

Inpaspasing 12:8

Jet sota anghil, inkowan to son Pedro ey isingpet ton emin i baro to tan kowan to ey i‐amag toy sinilas to, asan kowan to pay ey ibaro toy ta‐kep ni baro to, jet asan toka ikowan ey, “Kala, onod mowak.”

Inpaspasing 26:19

“Isonga si‐kak, Apo Agripa, ekak sopngilen sotan na intenengan kon edapo alid dangit.

Inpaspasing 9:10

Shima Damasko, ẃaray emati son Cristo ja si Ananias i ngaran to. Nanpa‐sas si Apo Jesus son si‐kato shi kokokip to nontan, jet inngadnan tos Ananias. Jet si Ananias, simongbat ja kowan to ey, “Apo, iyayak shiyay.”

Hodiyos 11:8

Jet si Abraham ngo, tep emati son Apo Shiyos, pinati to sota inkowan nen Apo Shiyos ey ondaw nodta dogad ja inkari ton i‐akan to. Jet dimaw nga agpayso ja indekjas to sota sigod ja dogad to, ey eg to pay nin amta no toway ikowan nen Apo Shiyos ey dogad ja daẃan to.