Inpaspasing 12:6 - Dibshon Mengi-kan Ni Pansigshan

⁶ Jet si Pedro shima badoran, na‐ogip shi nankinaw‐an ira ni showen solsharo ja kowadja, ja binedod sha ni kolkolong, tan ẃara iray nankowadja nodta sakepan ni badoran. Jet nontan na dabi, kowan nen Hirodis ey no meẃa‐ẃa, ibo‐day tos Pedro ja bista‐en to ma.

Inpaspasing 12:6 Iomraidhean Croise

San Mateo 28:4

Isonga sota solsharon emanbantay, ireka manbebayedbed ni takot sha et singa etey ira.

Inpaspasing 12:5

Jet nontan ma, ẃares Pedro shi badoran, nem sota ira emati ja esa‐nop, nanshawat ira son Apo Shiyos ja pasiya ni maypangkep son si‐kato.

Inpaspasing 21:33

Jet sota apo ni solsharo, dimaw ali jet inelbat to si Pablo, jet inkowan to so nonta solsharo to ey bedoren sha ni showen kolkolong, asan toka ibag‐i ira sota totoo, ja kowan to ey, “Sipay ngaran niya joka pankebila? Ngantoy dingka ton engipasingan jon tan?”

Inpaspasing 28:20

nem say kina‐agpayso ni inpa‐odopan takejo so ja pangolo ira ni Hodiyos shiya Roma, piyan kon am‐amta‐en takejo. Tan piyan kon idawag son si‐kayo ey say kabol la naybaloshan ko ket saja naka pemati‐i nonta kepati‐a met laeng ni kait tayon Hodiyos, ey ẃaray ibetkag ali nen Apo Shiyos ja mengisedakan son si‐katejo.”

Inpaspasing 5:23

jet sha inkowan ey, “Enshi met da ira sota kowan jo ey mi odopen shi badoran. Sota sakepan ni badoran, naytolbek met, tan angken sota ira kowadja, ẃara met ira nodta pasbol ja emanbantay; nem idi do‐katan mi sota badoran, enshiy mi simbi! Angken sakey son si‐kara ket enshi nodta naydaem!”

I-Ipiso 6:20

Ta say kabol la naybaloshan ko shiya badoran ket, sota inbetkagan towak nen Apo Shiyos say nak ikowan sota mapteng nga shamag maypangkep so nen Cristo. Isonga kowan ko ey ireẃati jowak so nen Apo Shiyos, say aknan towak ni toled ja mengikowan nonta maypangkep ni esel to, ta si‐katoy nebeng nga dag‐en ko.

2 Timoteo 1:16

Naimbag ta ẃara si Onisiporo ja sanpamilja. Si‐kato bengat i emisbisita son si‐kak, jet si‐katoy emengi‐kan ni imdeng ko, ta eg to ibaing i inkaybalod ko. Isonga naka ishawat so nen Apo Shiyos ey sapay koma ta kaasi‐an to si Onisiporo tan sota pamilja to.

Hodiyos 13:6

isonga niman, marinel kito ma ja mengikowan ey, “Si Apo Shiyos, si‐katoy ontolong son si‐kak; isonga enshiy nak tekotan, angken ngantoy dag‐en ni eshom ma too son si‐kak.”