Inpaspasing 12:25 - Dibshon Mengi-kan Ni Pansigshan

²⁵ Jet si Bernabe nen Saulo, nay‐oli ired Antiok ja edapod Jerusalem, ta kinsheng shay obdared man, jet inodop sha si Juan ja manngeshan met laeng ni Marcos.

Inpaspasing 12:25 Iomraidhean Croise

Inpaspasing 12:12

Jet si Pedro, idi inamta‐an to ey agpayso sotan na inkaybolos to, ninemnem to ey ondaw shi baley nen Maria ja ina nen Juan ja Marcos i sakey ya ngaran to. Ta nodtan na baley i esa‐nopan ira nonta emati ja emansheẃat son Apo Shiyos.

Inpaspasing 15:35

Si Pablo nen Bernabe, ebay‐an ngo ira shi Antiok, jet intoro shay esel nen Apo Jesus shiman, jet ẃaray eshom ma kait shen engitosho.

Inpaspasing 15:37

Timolok si Bernabe, nem piyan ton odopen sha si Juan ja manngeshan met laeng ni Marcos.

Inpaspasing 4:36

Jet nontan, ẃaray sakey son si‐kara ja emati ja si Jose i ngaran to. Sota ira apostol, inbeshayan sha ni Bernabe, ta say olog to, “mengi‐kan ni pansi‐metan”. Sajay ya too, nay‐anak shi Cyprus, nem Hodiyos met laeng ja para tolong ni pari.

I-Kolosas 4:10

Si Aristarko ja kadẃak shiya badoran, inkowan to ey pekikowan koy semek to son si‐kayo, jet angken si Marcos ja kasingsing nen Birnabe, inges to met laeng i kowan to. Jet say kowan ko pangkep so nen Marcos, karejo dibdibkan sota inkowan ko son si‐kayo nontan da ey no bilang ey ondabas da shita kad‐an jo, singpet jo.

2 Timoteo 4:11

Si Lucas bengat i ebay‐an shiyay ya kadẃak. Olop mo di si Marcos shiyay ta asdeg toy toka itolong son si‐kak.

Filemon 1:24

jet angken sota ira kait ko ja emansilbi so nen Jesucristo, ja si Marcos, si Aristarko, si Dimas, tan si Lucas, inkowan sha ngo ey pekikowan koy semek sha son si‐kam.

1 San Pedro 5:13

Sota ira emati ja i‐Babilonia ja inges jon pinidi nen Apo Shiyos, inkowan sha ey pekikowan kod ja solat koy semek sha son si‐kayo. Jet angken si Marcos ja naka ikarin anak ko shi pamati, piyan to ngon pekikowan ko ngoy semek to son si‐kayo.