Inpaspasing 12:22 - Dibshon Mengi-kan Ni Pansigshan

²² Jet sota totoo, kimeljaw ira ni inshayaw sha son si‐kato, ja kowan sha ey, “Aliẃen esel ni too i esel to, no diket esel ni sakey ya shiyos!”

Inpaspasing 12:22 Iomraidhean Croise

Inpaspasing 12:21

Idi simabi sota akew wa pan‐a‐aspol sha, sotan na akew i pinidi nen Hirodis ja osalanan to so nonta baro ton kaibaro ni ari jet timongaw shi tongawan ton mapteng, asan pay nandiskolso shi sango‐an nonta totoo.

Inpaspasing 12:23

Jet nontan ma, bigla ja shinosa ni anghil nen Apo Shiyos si Hirodis, ta ineẃat toy in‐etekan so ni totoo, ey enshiy shayaw to son Apo Shiyos. Jet say shosa to, nakdang nga pasiya asan ma matey.

San Judas 1:16

Sajay iren sinan a‐aki tayo shi pamati, magotot ira jet shaka pay ikotot si Apo Shiyos pangkep nonta kowan sha ey ngaaw wa kasat sha. Say pipiyan shen dag‐en, sota kompormin edogit ja nemnemen sha. Ampet shaka ilastog i kompormin ẃara son si‐kara, tan edaing iren mengi‐kan ni en‐amis sa esel so ni toon namnama shen ẃaray kon‐oren sha son si‐kato.

Inpa-Amta Nen Jesucristo 13:4

Jet sota ira totood ma dobong, sota bowaja i nanshayawan sha, ta inpalobos to sota pantoshay nonta Animal. Sota ira totoo, nanshayaw pay ira so nonta na Animal, ja kowan sha ey, “Enshiy on‐inges so niyay ya Animal, tan enshiy makabaal ja on‐abak so!”