Biblia Todo Logo
Bìoball air-loidhne

- Sanasan -




Inpaspasing 11:30 - Dibshon Mengi-kan Ni Pansigshan

30 Jet say engi‐idaw nonta inedos sha, si Bernabe nen Saulo, jet in‐awat sha iyay so nonta ira pangolo ni emati shi Jodia.

Faic an caibideil Dèan lethbhreac




Inpaspasing 11:30
21 Iomraidhean Croise  

Nontan na timpo epaladoy kepespesing nen Ari Hirodis so nonta ira eshom ma emati.


Jet si Bernabe nen Saulo, nay‐oli ired Antiok ja edapod Jerusalem, ta kinsheng shay obdared man, jet inodop sha si Juan ja manngeshan met laeng ni Marcos.


Jet nontan ma, ẃaray shinotokan ira nonta apostol ja mengipangolo so nonta emati shi emin na dogad ja dinaẃan sha. Say inpasing sha ni olay ni inshotok sha so nonta mengipangolo, inbiyang sha nin i pangan sha, tan inshawatan sha ira, asan shaka ikowan ey, “Maka‐amta ma si Apo Jesus ja manbantay son si‐kayo, ta si‐katoy joka pati‐a.”


Jet si Pablo nen Bernabe, asdeg ton ekisongbat ira so niya ira toon edapod Jodia pangkep ni sajay ya banag. Jet nontan ma, sota ematid Antiok, ninemnem sha ey mapteng emo no ibetkag shes Bernabe nen Pablo ja ondaw shi Jerusalem ja en mekitbal so nonta ira sigod ja apostol shiman, tan mekitbal so nonta ira pangolo ni ematid Jerusalem, ni maypangkep nontan na inkowan ni edapod Jodia. Asan ẃara pay i eshom ja pinidiren kait sha ja mekidaw son si‐kara.


Jet ẃaray inpaw‐it ni ematid Jerusalem ja solat para so ni kait shen emati ja aliẃen Hodiyos. Say naysolat nodtan, kowan to ey, “Si‐kamin apostol, tan pangolo ni emati shiya Jerusalem, si‐kamiy engisodat niyay son si‐kayon a‐aki mi shi pamati ja aliẃen Hodiyos shita Antiok, Siria, tan Silisia. Jet sapay koma ta mapteng kayon emin shitan.


Jet idi mimotok ma ira shi Jerusalem, ebadeg i imdeng ira ngo nonta emati, pati sota ira apostol, tan sota ira pangolo ni ematid man. Jet si Pablo nen Bernabe, inistoriyaren emin i intolong nen Apo Shiyos son si‐kara.


Isonga sota ira apostol tan pangolo ni emati, na‐olnong ira ja nantatabalan sha iyay ya banag.


Jet emin sota dogad ja nanshandan sha ja kawad‐an ni emati, inkowan sha son si‐kara sota nantotodagan ira nonta apostol tan pangolo ni emati shi Jerusalem ja maypangkep ni parit ta dag‐en ni aliẃen Hodiyos ja memati, jet kowan sha ey sotan may pilit ta onoren sha.


Si Pablo, nonta ẃared Milito, engibetkag ni en engolop nonta ira pangolo ni emati shi Ipiso.


Nonta maykadẃen akew, nan‐o‐odop kamid Pablo, ja mi inon‐an si Santiago. Jet emin ira sota pangolo nonta ematid man, ẃara ira ngo.


Jet nontan, ẃaray sakey son si‐kara ja emati ja si Jose i ngaran to. Sota ira apostol, inbeshayan sha ni Bernabe, ta say olog to, “mengi‐kan ni pansi‐metan”. Sajay ya too, nay‐anak shi Cyprus, nem Hodiyos met laeng ja para tolong ni pari.


Piyan kon penemnem son si‐kam sota inshotok shaka so nonta ira pangolo ni emati. Jet nontan, insakpal shay takday sha son si‐kam ni in‐awatan sha son si‐kam ni nebeng ja mengiredan so nonta ira emati et inpadtora ey ẃaray i‐akan nen Apo Shiyos ja kabaalan mon dag‐en. Jet osal mo itan; karam i‐oway.


Iyay mowan i ikowan ko pangkep nonta pangolo ni emati. Sota ira pangolo ja mapteng i shaka pengiredan, agdalo sota ira eman‐obden pasiya ni shaka pantosho tan shaka pengikowan ni maypangkep so nen Jesucristo, mesepol la ma‐shoman i sowilshora.


No ẃaray toon kowan to ey ẃaray pangolo ni emati, ja nanbasol, karam nin patpati‐en, no sakey bengat i engikowan. Mesepol la showa, ono tedo i onpaneknek so, asan moka pati‐a.


Say kabol la indekjasan taka so shi Crete, say olnosen mo sota mesepol la ma‐olnos shitan. Say inkowan ko son si‐kam nontan ket menotok ka ni pangolo para so nonta ira emati shi sanseskey ya dogad ja kad‐an ni ematid tan.


No ẃara son si‐kayo i emansekit, to pa‐odop ali sota pangolo jod pamati, say ondaw ira di, ja sha ishawatan son Apo Shiyos, tan dag‐en sha sota sigod ja shaka pesing ja mengipojok ni dana, jet ingadnan sha pay i ngaran nen Apo Shiyos.


Edigat nga agpayso i timpo niman. Isonga si‐kayon pangolo ira nonta emati shi ka‐ili‐ili, iyay i piyan kon ikowan son si‐kayo. Waray kanebengan kon mengikowan niyay ta sakeyak ngon pangolo shi pamati, tan inon‐an kon mismo i inpandigat nen Cristo nonta inkatey to. Asan sakey pay, sakeyak nodta mekila‐kam nonta kaskasshaaw alin pesing nen Apo Shiyos shi toon emati son si‐kato. Jet iyay sota bilin ko.


Si‐kak i sakey ya kalekayan nodta emati son Cristo, jet sajay ya solat ko, para son si‐kam ma shinotokan nen Apo Shiyos, tan para so nonta ira annak mo. Podnon ensemek takejon emin jet aliẃen si‐kak bengat, no diket emin ira sota maka‐amta ni podno, ẃaray semek sha ngo son si‐kayo.


Si‐kak i sakey ya kalekayan nodta emati son Cristo, jet sajay ya solat ko, para son si‐kam Gayo, ja podnon ensemek ko.


Lean sinn:

Sanasan


Sanasan