Inpaspasing 11:27 - Dibshon Mengi-kan Ni Pansigshan

²⁷ Jet nontan, ẃara iray para padto ja edapod Jerusalem ja dimaw shi Antiok.

Inpaspasing 11:27 Iomraidhean Croise

San Mateo 23:34

Jet niman, mengibetkagak da ngo son si‐kayo ni toon mengikowan ni esel nen Apo Shiyos, tan mengibetkagak ni eshom ma toon edaing nga mantosho ja ondaw son si‐kayo. Nem bono‐en jo ira sota eshom ja idansa shi koros, jet sota eshom son si‐kara, sepsepdaten jo ira shima sa‐nopan jo. Jet emin sota mebay‐an ja eg jo bono‐en, osilen jo pay ira shi ka‐ili‐ili.

San Lucas 11:49

Nay‐eshom kayo nodta aramid da nonta ap‐apo jo, isonga agpayso noman sota kowan nen Apo Shiyos ey, ‘Mengibetkagak da ngo son si‐kara ni totoon para padto tan sota eshom ma totoo ja mengikowan ni esel ko. Nem bono‐en sha sota ira eshom, tan pedigaten shay eshom.’ Sajay i inkowan nen Apo Shiyos tep amta to ey tima‐nil kayo ja en‐oges joy toka ibetkag ali son si‐kayo.

Inpaspasing 11:20

Nem sota eshom ma emati ja i‐Cyprus, tan i‐Sirini, dimaw ngo ired Antiok jet sha intoro so nonta ira toon aliẃen Hodiyos sota mapteng nga shamag pangkep so nen Jesus.

Inpaspasing 11:22

Jet sota ira emati ja ẃared Jerusalem, shinemag sha iyay ya inpamati ni aliẃen Hodiyos jet inbetkag sha ma si Bernabe shi Antiok, ja to asen sotan na epasemak.

Inpaspasing 13:1

Shima Antiok ja kawad‐an ira nonta emati, ẃara son si‐kara sota emengipa‐amta ni panpa‐amta nen Apo Shiyos son si‐kara, tan sota eshom ma para toro, jet sajay iray ngaran sha: si Bernabe, si Simeon ja Tolingan i sakey ya ngaran to, si Lucio ja i‐Sirini, si Manaen ja tagibi ni ama nen Hirodis ja gobinarol shi Galilia, tan ẃara son si‐kara si Saulo.

Inpaspasing 14:26

Jet manshokid man, nandogan ired barko ja imolid Antiok, ja edapo‐an sha nonta pilmiro, ta sota ematid man, si‐karay engibetkag son si‐kara nontan. Inshawatan sha pay sota ira apostol nontan ey si Apo Shiyos, eg to koma ira baybay‐an ni shaka pan‐eka‐ekad, no diket todongan to et koma ira nonta obdara. Jet niman men kinsheng sha, nay‐oli ired Antiok.

Inpaspasing 15:22

Jet nontan ma, sota ira apostol, tan sota ira pangolo ni emati, tan sota ira emin na esa‐nop nontan, emili ira ni ibetkag shen ondaw shi Antiok, ja meki‐odop so nen Pablo nen Bernabe. Say pinidira ja mekidaw, si Judas ja Barsabas i sakey ya ngaran to, tan si Silas, ta si‐karay sakey ya pangolo nonta ira emati shi Jerusalem.

Inpaspasing 15:30

Jet sota ira inbetkag sha, dimaw ira shi Antiok, jet inolnong shen emin ira sota ematid man. In‐awat sha son si‐kara sota solat,

Inpaspasing 15:32

Jet si Judas tan si Silas, ja edaing nga mengitosho ni inpa‐amta nen Apo Shiyos son si‐kara, eshakel i inkowan sha so nonta ira emati ja pansigshan sha. Jet mas kimedsang i pamatira nonta intenengan sha.

Inpaspasing 18:22

Idi mimotok shi Sisaria, nanshagas shi Jerusalem, jet to inon‐an ira sota ematid man, asan ka‐edaw shi Antiok.

Inpaspasing 2:17

ja esel met laeng nen Apo Shiyos, ja kowan to ey, ‘Shi ka‐onoran alin timpo, sajay i pesing ko: pan‐iyan ko i Ispiritok so ni emin na totoo jet sota ira annak sha, mengipadto ira ni maypangkep son si‐kak, jet ẃaray pa‐amtak so ni bedoleki tan nankedakay shi kokokip sha.

Inpaspasing 21:4

Jet inshingan mi ja mi inenap ira sota ematid man jet eki‐iyan kami son si‐kara ni piton akew. Jet sajay iren emati, inpa‐amta ni Ispirito Santo son si‐kara ey manda‐kam si Pablo ni digat shi Jerusalem; isonga inkowan sha son si‐kato ey angken eg ondaw.

Inpaspasing 21:9

Si Felipe, ẃaray potot ton epat ta bibiin para padto ja eg engaseẃa.

Inpaspasing 6:5

Jet sota ira esa‐nop ja emati, piyan sha sotan ja inkowan ira nonta apostol. Jet say pinidira, si Esteban ja inshalan ni Ispirito Santo ja makedsang i pamati to, tan say eshom, si Felipe, si Prokoro, si Nikanor, si Timon, si Parminas, tan si Nicolas. Saja si Nicolas, edapod Antiok, ja aliẃen nay‐anak ka Hodiyos, nem etod‐an ja manshedjaw son Apo Shiyos.

1 I-Korinto 12:10

Sota ira eshom, toka i‐akni ira ni baal shen mandeka ni milagro, jet sota ira eshom, toka itorong ja mengipa‐amta nonta inamta‐an sha son Apo Shiyos. Sota ira eshom, toka i‐akni ira ni panakabalin sha ja mengilesin nonta ira eman‐a‐sel shima esa‐nop pa emati, no agpayson intorong ni Ispirito Santo sotan, ono enshi. Sota ira eshom, toka i‐akni ira ni panakabalin shen manshedjaw son Apo Shiyos ni kalkalasin esel ja eg ma‐eẃatan, jet sota ira eshom, toka i‐akni ira ni daing ja mengi‐odog nontan na ekalkalasin esel.

1 I-Korinto 12:28

jet na‐na‐jew i obdayo. Si Apo Shiyos, ẃara iray shinotokan to son si‐katejon emati. Jet say mesepol la pasiya, sota apostol; say maykadẃa, sota mengitosho ni inpa‐amta nen Apo Shiyos son si‐kara; say maykatdo, sota eshom ma mengitosho; asan ẃara pay iray mandeka ni milagro, pemapteng so ni mansekit, ontolong, mengolnos ni kasapolan ni emati, asan sota man‐a‐sel ni ekalkalasin esel.

1 I-Korinto 14:32

Sota emengikowan ni esel nen Apo Shiyos, ẃara met laeng son si‐kato shorog i nemnem no onsalsheng ono mansesked nin.

I-Galasia 2:11

Sakey pay, eg sha‐ak intorayan ni kait kon apostol. Idi pinsak ka nanpasiyal si iya Pedro shi siyodad ni Antiok, kinowan ko noman na mismo shi karakdan, ta edawag ja aliẃen kosto sota dingka to.

I-Ipiso 4:11

Jet sotan na in‐akan ton kaasi, ekalkalasi; isonga ekalkalasi ngoy dag‐en tayo. Jet ẃara iray apostol, ẃara iray para padto, ẃara iray mengikowan met laeng ni maypangkep son si‐kato, tan ẃara iray emantosho tan emengiredan ni emati.