Inpaspasing 11:26 - Dibshon Mengi-kan Ni Pansigshan

²⁶ Idi simbi to si Saulo, in‐ilaw tod Antiok, jet makatawen shen nantoro so nonta ira eshakel la emati. Jet shi Antiok i pilmiron nanshogi‐an ni kowan sha ey Kristiyano i ngaran ni emati son Cristo.

Inpaspasing 11:26 Iomraidhean Croise

San Mateo 28:19

Isonga ikowan ko son si‐kayo ey daw kayo shi emin na ili shiya dobong, jet itoshoyo i maypangkep son si‐kak say memati ira. Bonjagi jo ira shi ngaran nen Apo Shiyos ja Amak, shi ngaran ko ja Anak to, tan shi ngaran ni Ispirito Santo.

San Juan 2:2

Jet si Jesus tan sota ira too to, ineẃis sha ira nodtan na kasal.

Inpaspasing 1:15

Idi edabas i pigen akew, ẃaray esa‐nop pa sandasos tan showen polo ja emati son Jesus. Jet nontan, dimayat si Pedro shi sango‐an sha jet nan‐esel,

Inpaspasing 11:20

Nem sota eshom ma emati ja i‐Cyprus, tan i‐Sirini, dimaw ngo ired Antiok jet sha intoro so nonta ira toon aliẃen Hodiyos sota mapteng nga shamag pangkep so nen Jesus.

Inpaspasing 11:22

Jet sota ira emati ja ẃared Jerusalem, shinemag sha iyay ya inpamati ni aliẃen Hodiyos jet inbetkag sha ma si Bernabe shi Antiok, ja to asen sotan na epasemak.

Inpaspasing 11:27

Jet nontan, ẃara iray para padto ja edapod Jerusalem ja dimaw shi Antiok.

Inpaspasing 11:29

Jet nontan ma, sota ira emati, ninemnem ni sakey tan sakey son si‐kara ey ipakat shay kabaalan sha ja mengi‐kan ni tolong sha so nonta kakaasin a‐akira shi pamati ja ẃared Jodia.

Inpaspasing 14:20

Nem idi dimaw ira di sota kait nen Pablo ja emati, inedibongbongan sha, jet bimangon si Pablo. Dimaw mowan nodta siyodad jet idi maykadẃen akew, dimaw si Pablo nen Bernabe shi Dirbi.

Inpaspasing 14:22

Jet tinokon sha ira nin sota emati nodtan na dogad ja shinshindan sha, say onkedsang i pamatira. Inkowan sha pay son si‐kara ey, “Karejo ibi‐bi‐jag i pamatiyo angken ngantoy dag‐en ni apil la too son si‐kayo; nemnem jo ey si‐katejon mayda‐kam shi pantoshayan nen Apo Shiyos ket kenshat ta manda‐kam kito ni digat.”

Inpaspasing 14:23

Jet nontan ma, ẃaray shinotokan ira nonta apostol ja mengipangolo so nonta emati shi emin na dogad ja dinaẃan sha. Say inpasing sha ni olay ni inshotok sha so nonta mengipangolo, inbiyang sha nin i pangan sha, tan inshawatan sha ira, asan shaka ikowan ey, “Maka‐amta ma si Apo Jesus ja manbantay son si‐kayo, ta si‐katoy joka pati‐a.”

Inpaspasing 14:27

Idi mimotok ira, inolnong shen emin ira sota ematid man et inkowan sha son si‐kara sota dingdingka nen Apo Shiyos son si‐kara nonta maramen shaka pantongpala sota obden inpiyal nen Apo Shiyos son si‐kara; kowan sha ey si‐katoy engipedobos ni pantoshora so nonta ira aliẃen Hodiyos say memati ira ngo.

Inpaspasing 14:28

Jet sota ira apostol, eki‐iyan ira ni ebayag shi Antiok so nonta emati.

Inpaspasing 18:27

Nontan ma, si Apolos, ninemnem to ja ondaw shi Akaya. Idi inamta‐an nonta ira a‐aki shi pamati shi Ipiso, kowan sha ey, “Siya, mapteng itan na planom.” Jet nansolat ira so nonta kait shen emati shi Akaya, ja kowan sha ey, “Iyay da si Apolos son si‐kayo. Jet no onmotok da, awat jo.” Jet idi mimotok si Apolos shi Akaya, ebadeg i intolong to so nonta ira ematid man ja kinaasi‐an nen Apo Shiyos.

Inpaspasing 19:9

Nem sota ira toon maledamsis, eg sha pati‐en, tan ngaaw pay i shaka ikokowan so ni karakdan na Hodiyos ja emesa‐sa‐nop pangkep ni pamati son Jesus. Idi sajay i dingkara, say inpasing ma nen Pablo, inodop to ira sota emati, jet eg ira ma mekisa‐sa‐nop nodtan na sa‐nopan ni Hodiyos. Dimaw ira et shima iskowida‐an ni maistoro ja si Tiranos, jet inakew ja nantorod man si Pablo.

Inpaspasing 20:1

Idi enshi malay kolo, inolnong nen Pablo ira sota kait ton emati, jet tinokon to ira, asan toka ilekjas ira et dimaw shi Masidonia.

Inpaspasing 20:30

Tan ẃara pay met laeng son si‐kayoy maysi‐jan ja en mengi‐owap ni kait shen emati, say si‐kara konoy onoren sha.

Inpaspasing 21:4

Jet inshingan mi ja mi inenap ira sota ematid man jet eki‐iyan kami son si‐kara ni piton akew. Jet sajay iren emati, inpa‐amta ni Ispirito Santo son si‐kara ey manda‐kam si Pablo ni digat shi Jerusalem; isonga inkowan sha son si‐kato ey angken eg ondaw.

Inpaspasing 26:28

Jet si Agripa, simongbat ja kowan to ey, “Moka namnama‐a ey eẃisen mowak ja memati son Jesus kabol nita ootik ka inkowan mo la?”

Inpaspasing 6:1

Idi emanshekel la pasiya sota ira emati, kepan‐ikotot nonta ira sa‐bon Hodiyos ja Grigo i esel sha sota ira koston Hodiyos. Ta sota ira Grigoy esel sha, kowan sha ey sota nankebalo son si‐kara, ediwayan ja eg ira nay‐aknan nonta mekan ja emankaiweshis ni inakew.

Inpaspasing 6:5

Jet sota ira esa‐nop ja emati, piyan sha sotan ja inkowan ira nonta apostol. Jet say pinidira, si Esteban ja inshalan ni Ispirito Santo ja makedsang i pamati to, tan say eshom, si Felipe, si Prokoro, si Nikanor, si Timon, si Parminas, tan si Nicolas. Saja si Nicolas, edapod Antiok, ja aliẃen nay‐anak ka Hodiyos, nem etod‐an ja manshedjaw son Apo Shiyos.

Inpaspasing 9:19

Idi naksheng nga nanpabonjag, engan et kimedsang mowan. Jet nontan, eki‐iyan si Saulo so nonta ira emati shi Damasko ni pigen akew.

Inpaspasing 9:38

Saja ilin Jopa, nay‐esop shima Lida; isonga idi inamta‐an ira nonta emati ey ẃares Pedrod man, engibetkag ira ni showen daki ja en mengikowan son Pedro ey pangpangaasi to koma, kano‐an ton ondaw ali shi Jopa.

1 I-Korinto 11:18

Waray engikowan son si‐kak ey no mesa‐nop kayo kono, kayoka mandilinasin, ja eg kayo man‐i‐inawatan. Jet singa naka pati‐a sota eshom ma kowan sha ali,

1 I-Korinto 12:12

Sajay ya kai‐akan ni Ispirito Santo nen Apo Shiyos so ni emati, arig toy bakdang ja eshakel i parti to. Jet sotan na parti, eshakel nem sakey bengat i bakdang ja naypeketan sha. Sajay i kay‐ingesan ni emati son Cristo, ta eshakel kito, nem sakey i bakdang nen Cristo ja naymongsanan tayo.

1 I-Korinto 14:23

No bilang ey sota esel la eg ma‐eẃatan i pan‐a‐sel jon manshedjaw son Apo Shiyos no mesa‐nop kayo, ey ẃaray ondaw ali ja eg emati ono badbado ja mengitneng, baka ikowan sha ey kayoka man‐engaw.

1 I-Korinto 4:17

Say amta‐an jo so ni koston ogadi ni toon emati son Cristo, sota inon‐an jon naka dagdag‐a. Isonga ibetkag ko la si Timoteo son si‐kayo, jet si‐katoy penemnem son si‐kayo nontan na dingdingkak. Si‐katoy naka piyala ja anak kod pamati ja ensemek ko, jet saja ikowan to la, si‐kato met laeng i naka itoro so ni emin na esa‐nop pa emati shima dogad ja dinawdaẃan ko.

I-Ipiso 3:15

Ta agpayso ma niman ey si‐katoy Ama ni emin na kalasin too shiya dobong, tan sota ira ẃared naykayang.

Santiago 2:7

Tan si‐kara ket shaka notnotnota pay i ngaran nen Cristo. Si Cristoy kowinta ey makatoo son si‐kayo, ja istay ya panshedjawan koma ni emin na too!

1 San Pedro 4:14

No ẃaray toon ngaaw i shaka ikokowan son si‐kayo maypangkep ni pamatiyo so nen Cristo, pan‐imdeng kayo, ta sajay i amta‐an jo so ey sota Ispirito Santo nen Apo Shiyos ja inbetkag to alid dangit, si‐katoy emengitoshong son si‐kayo.

1 San Pedro 4:16

Nem no say kabol la joka da‐da‐kami so ni digat ket sota maypangkep ni pamatiyo so nen Cristo, aliẃen jo ibaing, no diket pan‐iyaman kayo et so nen Apo Shiyos, ta nayngadnan kayo men too nen Cristo.

1 San Juan 2:27

Wara pay laeng son si‐kayo sota Ispirito Santo nen Apo Shiyos ja in‐akan nen Cristo, jet si‐katoy emengitosho son si‐kayo ni emin na podno ja enshiy o‐owap to. Isonga angken eg jo itolok ja itod‐an shakejo nonta ira aliẃen kait jod pamati. Sota intoro ngoreshan nonta Ispirito Santo nen Apo Shiyos son si‐kayo, si‐katoy nemnemnemen jo; karekayo mebegnad nodta apil la toro.

Inpa-Amta Nen Jesucristo 3:18

Isonga niman takejoka pan‐eẃisa ja menongkal ni balitok son si‐kak — sota poron balitok ja tinonaw ni apoy — say onbaknang kayon kosto. Panongkal kayo pay son si‐kak ni empotin baro, say ẃaray isa‐din jo nodta kabebaing nga inpandabos jo. Panongkal kayo pay son si‐kak ni agas, say ẃaray i‐agas jo shita matejon ekorab, say man‐esas kayo ma.