Inpaspasing 10:9 - Dibshon Mengi-kan Ni Pansigshan

⁹ Jet nonta maykadẃen akew, sota inbetkag nen Cornelio, ẃara ired ma shalan ja shanshanin sebi‐en shay Jopa. Jet nontan ngo, dimaw si Pedro nodta nanshekdan na atep ni baley ya toka pan‐iyani, say en mansheẃat shiman son Apo Shiyos nonta alas dosi.

Inpaspasing 10:9 Iomraidhean Croise

San Mateo 20:5

Idi alas dosi, tan alas tris mowan, dimaw mowan sota toon ẃaray gardin to, jet sotan met laeng i inpasing to.

San Mateo 24:17

Sota toon maytompong nga man‐adibay shi bo‐dayan, eg to koma nemnemen ja onsekep shima baley to ja en mengeda nonta kompormin ẃara nodta naydaem ni baley.

San Mateo 27:45

Idi nonta alas dosi ni ka‐akawan, nanbolinget nodtan na dogad ingkato nonta alas tris ni mama‐shem.

San Mateo 6:6

No mansheẃat ka so nen Apo Shiyos, say pesing mo, daw ka shima kowadtom et pandekeb ka, asan ka manshawat so nen Apo Shiyos ja Amam. Jet si‐kato, ẃara nodtan na kowadtom ni moka pansheẃat ni abos mo, jet si‐katoy mengi‐kan ni konkonam.

San Marcos 1:35

Nonta daem mala, bimangon si Jesus et dimaw shi naydasin na dogad ja enshiy too, jet nanshawat son Apo Shiyos shiman.

San Marcos 6:46

Jet idi indekjas to ira, timiyed shima shontog ja en mansheẃat so nen Apo Shiyos.

Inpaspasing 10:3

Jet idi sakey ya akew ja oras ni alas tris ni mama‐shem, ẃaray inpa‐sas nen Apo Shiyos son si‐kato. Inon‐an ton mismo i anghil nen Apo Shiyos ja dimaw son si‐kato, jet inngadnan tos Cornelio.

Inpaspasing 6:4

Jet say metopog ga dag‐en mi ngo ni olay ja apostol, sota mansheẃat, tan en mengitosho nonta esel nen Apo Shiyos maypangkep so nen Jesus.”

I-Ipiso 6:18

Panshawat kayo ni olay so nen Apo Shiyos say todongan shakejo, jet karekayo on‐ekdas ja mansheẃat ni olay para so nonta ira emin na emati. Onod jo ni olay sota pengiredan ni Ispirito Santo son si‐kayo ni joka pansheẃat.

1 Timoteo 2:8

Isonga say piyan ko, no mesa‐nop i emati son Cristo shi emin na dogad, mesepol la sota dalekiy mansheẃat son Apo Shiyos. Nem no timpon pansheẃat, mesepol la metopog i nemnemen sha ja si Apo Shiyos bengat; aliẃen en metaksholan ni bonget ono empait ta nemnem so ni eshom.