Inpaspasing 10:7 - Dibshon Mengi-kan Ni Pansigshan

⁷ Jet idi enaksheng nga inkowan nonta anghil iyay, indekjas nonta anghil si Cornelio. Jet si Cornelio, ena‐ẃal nonta showen baga‐en to, tan pinidi to pay i sakey so nonta ira solsharo ton emansilbi son si‐kato shi baley to, ja emati met laeng son Apo Shiyos.

Inpaspasing 10:7 Iomraidhean Croise

San Mateo 2:13

Idi naksheng den dimaw ira jay ya too, sota anghil nen Apo Shiyos, nanparang so nen Jose shi kokokip to ja kowan to ey, “Bangon ka et ibtik mo ita nga‐nga tan si ineto shi Egypt. Jet pan‐iyan kayo nin shiman ingkatod ekak ikowan ey on‐etan kayo mowan. Ta si Hirodis piyan ton pa‐enap ali iya nga‐nga ja kowan to ey bono‐en to.”

San Lucas 2:25

Jet nontan, ẃaray tood man ja si Simeon i ngaran to ja nanbaley shi Jerusalem. Makedsang i pamati to son Apo Shiyos, tan eshayaw ey mapteng nga too. Jet toka sesseskera i ketongpal nonta kari nen Apo Shiyos ey ẃaray ibetkag ton mengisedakan ni tood Israel. Jet say Ispirito Santo nen Apo Shiyos, ẃara son si‐kato.

San Lucas 3:14

Jet sota ira solsharo, kowan sha ngo ey, “Si‐kami ngay? Ngaranto ngoy pesing mi?” Si Juan, simongbat ja kowan to ey, “Sota sowilshoyo, si‐katoy enosan jo. Ibi‐jag joy joka pesing nga mengeda ni pilak ni too ja joka ira ta‐ta‐kota tan joka pebesoli ira angken enshiy basol sha.”

Inpaspasing 10:6

Sajay ya si Simon, eman‐iyan shima kilig ni baybay shi baley nen boloy to, ja si Simon, ja para amag ni kolti.”

Inpaspasing 10:8

Jet inistoriya to nin son si‐kara sota inon‐an to, asan toka ibetkag ira shi Jopa.

1 Timoteo 6:2

Sota baga‐en ja emati son Cristo i apo to, eg to koma nemnemnemen ey angken eg to pati‐en sotan na apo to ta naybilang ey agi tod pamati. Mesepol la singpeten to ngo eshan ja mansilbi so nonta apo to. Man‐obden kosto, ta say onkon‐od nodtan na obda to, kait ton emati, ta si Apo Shiyos, nan‐inges i semek to son si‐karen showa. Iyay pay i piyan kon itorom tan i‐adok mo shita toom.

Filemon 1:16

Nontan da, kowan tayo ey baga‐en bengat, nem niman ma, epateg ga agi tayo shi pamati son Cristo. Jet si‐kak, ensemek kon pasiya si Onisimo, jet sigosho si‐kam, mas pay ya sesmeken mo koma ey say sota naka penmek son si‐kato, ta niman, aliẃen baga‐en mo bengat, no diket emati pay so nen Apo Jesus, isonga agim ma shi pamati.