Inpaspasing 10:42 - Dibshon Mengi-kan Ni Pansigshan

⁴² Jet si‐katoy mismon engibetkag son si‐kami ja mengikowan shi totoo ni maypangkep son si‐kato, tan mengikowan ey si‐katoy pinidi nen Apo Shiyos ja mengigsheng ni panbenagan ali ni totoon ẃara pay laeng shi biyag tan angken sota toon nanketey da.

Inpaspasing 10:42 Iomraidhean Croise

San Lucas 16:28

Ta ẃaray agik ka dima et to ira banshaanan, say eg sha ngo peshasan iya digat shiya kawad‐an ko niman.’

San Lucas 22:22

Si‐kak sota kowan ni para padto nonta bayag da ey Anak ni Too, jet sigod ja inkesheng nen Apo Shiyos ey mesepol la meteyak. Nem kaasi met laeng sotan na toon mengibaag son si‐kak, ta meshosen pasiya!”

Inpaspasing 1:2

ingkato nonta akew wa indaw to la shi dangit. Nonta aneng nin i idaw to led dangit, inshalan ni Ispirito Santo jet inkowan toy pesing ira nonta pinidi ton too to ja apostol.

Inpaspasing 1:8

Nem iyay i ikowan ko son si‐kayo. Sota Ispirito Santo nen Apo Shiyos, man‐iyan so ni sakey tan sakey son si‐kayo say ẃaray panakabalin jon mengikowan ni maypangkep son si‐kak shi totoo, manshoki shi Jerusalem, Jodia, Samaria, tan shi emin na sakop niya dobong.”

Inpaspasing 17:31

Si Apo Shiyos, shinotokan to sota sakey ya too ja si Jesus, jet si‐katoy maka‐amten mengigsheng ni koston panbenagan ni tood ja dobong ingkatod ingka, jet ẃaray akew ja inkesheng nen Apo Shiyos ja ketongpal to ali. Si Apo Shiyos, inpanbiyag to si Jesus shi patey; isonga amta ni emin na too ey agpayson si Jesus i shinotokan to.” Kowan nen Pablo.

Inpaspasing 24:25

Jet si Pablo, intoro to ey say too, mesepol la nemnemen toy panmaptengan ni eshom, tan mesepol la tetngelen to shorog i bakdang to ja eg koma manbesol, asan kowan to pay ey ẃara aliy ma‐onod ja timpo ja onsangon emin i totoo son Apo Shiyos, jet si‐katoy pengigsheng nen Apo Shiyos no sipay maysedakan. Jet si Felix, timakot, jet kowan to ey, “Angken ondaw ka nin; no ẃaray ẃayak, pa‐odop taka mowan.”

Inpaspasing 5:20

“Daw kayo shima Timplo, jet jo itosho so ira nima totoo i maypangkep son Jesucristo, ey si‐katoy kedepo‐i nonta biyag ja inkari nen Apo Shiyos.”

I-Roma 2:16

Jet no onsabi ali sota timpo ja pengigsheng nen Apo Shiyos no sipay maysedakan, angken sota aramid sha, ono pangkep shen in‐em‐emot sha, po‐jasan nen Cristo Jesus. Sajay ya pemo‐jas nen Cristo i sakey nodta naka pan‐itoro ni olay, maypangkep son si‐kato.

2 I-Korinto 5:10

Ta emin kito, onsango kito so nen Cristo, jet bisna‐en toy dingdingka tayo nonta kawasha tayod biyag shiya dobong, no mapteng ono ngaaw, jet eẃaten tayoy sobadit nonta dingka tayo.

2 Timoteo 4:1

Jet iyay pay i ibilin ko son si‐kam Timoteo, jet sajay ya naka pemidin son si‐kam, kaon‐os‐osshong ali si Apo Shiyos tan si Cristo Jesus. Jet mesepol la nemnemen mo ey eg medamsis si Cristo, ta to di ita‐shel i pantoshayan to jet sotan may pengigsheng to ni panbenagan ingkatod ingka ni toon ẃara pay laeng shi biyag tan sota ira nanketey da.

2 Timoteo 4:8

Jet niman ma, ẃaray naysagana ja primiyok, jet sajay, enshiy eshom nem eg panbedin kon toon enshin polos i basol to shi dangit. Sajay ya primiyok, i‐awat nonta kostoy toka pengigsheng ja si Apo Jesus. Jet aliẃen si‐kak bengat i i‐awatan to so, no diket ẃara ngoy para so nonta ira eshom ja eman‐a‐agag ni idaw ali nen Cristo tep ensemek sha.

1 San Pedro 4:5

Nem aliẃen sotan i jo nemnemnemen, ta emin na aramid sha, songbatan sha di so nen Apo Shiyos shi ma‐onod alin timpo. Tep si Apo Shiyos, esagana ja menosa so nonta ira totoon ngaaw i aramid sha, angken sota ira nanketey da, tan sota ira ẃara pay laeng shi biyag niman.

Inpa-Amta Nen Jesucristo 1:7

No ka‐onoran alin timpo, ondaw mowan ali ja metaksholan ni kolpot et emin na too, tan angken pay sota toon timebek son si‐kato nontan da, asen sha. Jet emin na tood ja dobong, onnangis ira ni daringit sha. Siya, sajay aliy medeka.

Inpa-Amta Nen Jesucristo 22:12

Jet kowan nen Apo Jesus ey, “Tala‐ak den shagos et sobalitan koy sakey tan sakey son si‐kayo ni dingka to.