Inpaspasing 10:4 - Dibshon Mengi-kan Ni Pansigshan

⁴ Si Cornelio, mimorag ni takot to so nonta anghil, ja kowan to ey, “Apo, ngantoy ikowan mo son si‐kak?” Jet sota anghil, simongbat ja kowan to ey, “Si Apo Shiyos, intenengan toy shawat mo, tan amta toy mapteng nga tolong mo so nonta ira maligdigat. Isonga ninemnem toka.

Inpaspasing 10:4 Iomraidhean Croise

San Mateo 26:13

Jet agpayso iya ikowan ko son si‐kayo. Shiya intiron dobong, no maytosho sota mapteng nga shamag maypangkep son si‐kak, sajay ya dingka niyay ya bii, pekipedawag sha jet eg medibdibkan.” Kowan nen Jesus.

San Lucas 1:29

Eg amta nen Maria i pesing to nonta intenengan to sota inkowan ni anghil, tan toka en‐enapa nem ngarantoy olog nonta inkowan nonta anghil.

San Lucas 24:5

Sota ira bibii, injokmos shay dopara shi bo‐day ta etakot iren pasiya. Nem kowan nonta showen anghil son si‐kara ey, “Apay nga joka pan‐enaped ja kad‐an ni etey i toon mabiday?

Inpaspasing 10:31

jet kowan to ey, ‘Cornelio, si Apo Shiyos, intenengan toy shawat mo, tan eg to dibkan sota mapteng nga tolong mo so ni maligdigat.

Inpaspasing 14:9

Sajay ya toon epilay, ẃara nodtan na nanteneng ni pan‐ikowan nen Pablo. Jet si Pablo, intekel to iyay ya pasiya, jet idi indasin to ey kepati‐a niyay i panakabalin nen Apo Shiyos ja pemapteng son si‐kato,

Inpaspasing 22:10

Jet sota eman‐a‐sel, inbag‐an ko ja kowan ko ey, ‘Apo, ngantoy dag‐en ko?’ Simongbat si Apo ja kowan to son si‐kak ey, ‘Dayat ka, jet daw ka shi Damasko, jet ẃaray mengikowan son si‐kam shiman ni emin na piyan nen Apo Shiyos sa dag‐en mo.’

Inpaspasing 3:4

Nem si Pedro nen Juan, intekel sha iyay ya too, jet si Pedro, imesel ja kowan to ey, “Idmang mokami.”

I-Pilipos 4:18

Sota tolong jo son si‐kak ja inpaw‐it jo ali so nen Ipaprodito, ineẃat ko, jet sotan na in‐akan jo son si‐kak, imanay shi kasapolan ko, jet simobda pay. Sotan na dingkayo, singa may‐eshig ey si Apo Shiyos i in‐aknan jo so, jet siya, kinosto‐an nen Apo Shiyos tep sotan na dingkayo, in‐anam jo nodta piyan ton dag‐en ni too to.

I-Pilipos 4:6

Angken ngantoy mepesamak, eg kayo manshanag, no diket panshawat kayo et so nen Apo Shiyos ni emin na kasapolan jo, tan si‐kato pay i pan‐iyamanan jo.

Hodiyos 13:16

Tan say sakey pay ya daton ja piyan nen Apo Shiyos, sota pandeka ni mapteng so ni sakey tan sakey, tan sota penodong ni eshom. Karejo diẃayan ja dag‐en iyay, karejo ikotan i ẃara son si‐kayo ja mebedin na itolong jo shi eshom.

Hodiyos 6:10

Waray namnama mi son si‐kayo, ta sigoradon si Apo Shiyos i ẃara son si‐kayo. Si Apo Shiyos, sota koskosto i toka pesing jet amta to sota maypangkep ni mapteng nga dingkayo ni intolong jo so ira nonta kait jon emati, pangkep ni semek jo son si‐kato. Sajay met laeng i joka dagdag‐a ingkato niman.

Inpa-Amta Nen Jesucristo 8:4

Sota asok nonta insinso, ja takshol nonta shawat ira nonta emin na emati, dimowet nodta inegni‐an ni anghil shi sango‐an nen Apo Shiyos.