Inpaspasing 10:31 - Dibshon Mengi-kan Ni Pansigshan

³¹ jet kowan to ey, ‘Cornelio, si Apo Shiyos, intenengan toy shawat mo, tan eg to dibkan sota mapteng nga tolong mo so ni maligdigat.

Inpaspasing 10:31 Iomraidhean Croise

San Lucas 1:13

Nem kowan nonta anghil son si‐kato ey, “Kareka ontakot Sakarias. Si Apo Shiyos, intenengan toy shawat mo et si aseẃam ma Elisabet, on‐anak ali ni daki. Jet say ingaran mo di son si‐kato, Juan.

Inpaspasing 10:30

Jet si Cornelio, insodsod to ja kowan to ey, “Nonta epat den akew wa dimabas, inges niyay ya oras nonta naka mansheẃat son Apo Shiyos ni alas tris ni mama‐shem, jet bigla ja ẃaray toon nanbaro ni emenenili ja dimayat shi sango‐an ko,

Inpaspasing 10:32

Isonga niman, pangibetkag ka shi Jopa ni en mengodop so nonta toon manngeshan ni Simon ono Pedro, ja eman‐iyan shima kilig ni baybay shi baley nen boloy ton si Simon, ja para amag ni kolti.’ Kowan nonta too son si‐kak.

Inpaspasing 10:4

Si Cornelio, mimorag ni takot to so nonta anghil, ja kowan to ey, “Apo, ngantoy ikowan mo son si‐kak?” Jet sota anghil, simongbat ja kowan to ey, “Si Apo Shiyos, intenengan toy shawat mo, tan amta toy mapteng nga tolong mo so nonta ira maligdigat. Isonga ninemnem toka.

I-Pilipos 4:18

Sota tolong jo son si‐kak ja inpaw‐it jo ali so nen Ipaprodito, ineẃat ko, jet sotan na in‐akan jo son si‐kak, imanay shi kasapolan ko, jet simobda pay. Sotan na dingkayo, singa may‐eshig ey si Apo Shiyos i in‐aknan jo so, jet siya, kinosto‐an nen Apo Shiyos tep sotan na dingkayo, in‐anam jo nodta piyan ton dag‐en ni too to.

Hodiyos 6:10

Waray namnama mi son si‐kayo, ta sigoradon si Apo Shiyos i ẃara son si‐kayo. Si Apo Shiyos, sota koskosto i toka pesing jet amta to sota maypangkep ni mapteng nga dingkayo ni intolong jo so ira nonta kait jon emati, pangkep ni semek jo son si‐kato. Sajay met laeng i joka dagdag‐a ingkato niman.

Inpa-Amta Nen Jesucristo 5:8

Jet idi inda to sotan na ekopikop pa papil, sota epat ta palsowa, tan sota showen polo tan epat ja singa pangolo ni emati son Cristo, nantalimokod ira shi sango‐an nonta Kalniro. Jet emin ira jay ja singa pangolo ni emati, engegshi ira ni sanseskey ya kalshang, tan ẃara pay iray malokong shen balitok ja napno ni kowan sha ey insinso. Saja insinso, say olog to, sotan i shawat ira nonta emati ja timorong son Apo Shiyos.