Inpaspasing 10:15 - Dibshon Mengi-kan Ni Pansigshan

¹⁵ Jet ẃaray simongbat ja kowan to ey, “Sota banag ja kowan nen Apo Shiyos ey edinis, karam ikowan ey ensekig.”

Inpaspasing 10:15 Iomraidhean Croise

San Mateo 15:11

Kowan ira nonta Parisiyo ey basol kono no eg kito manbodo asan mangan ja si‐katoy ondogit so ni nemnem. Nem aliẃen sota ikem‐ot jod bongot ja tetdenen jo i ondogit son si‐kayo, no diket sota kaonbo‐day ali shi bongot ja mandepod nemnem jo, si‐katoy kaondogit son si‐kayo.”

San Marcos 7:19

Tep eg met manshedan shi poso, no diket say daẃan to, shi ekes, jet onbo‐day met laeng.” (Say sakey ya kaytoshongan niyay den inkowan nen Jesus, eg mesepol la mengidin i angken nganton mekan.)

Inpaspasing 10:16

Jet sotan na banag, emintedo ja dimespag ali so nen Pedro, ja etaksholan ni esel, asan ka‐oli mowan da shi dangit.

Inpaspasing 10:28

Jet si Pedro, kowan to son si‐kara ey, “Si‐kayo, amtayo met ey say ogadi ni si‐kamin Hodiyos ket eg mebedin na mekigajem kami ni toon aliẃen Hodiyos ono ondaw shi balbaley sha. Nem si Apo Shiyos, inkowan to son si‐kak ey enshiy nak ibiyang nga too ja okesen ko, ja angken ngantoy katoo to.

Inpaspasing 11:9

Nem ẃaray songbat ja edapod dangit ja kowan to ey, ‘Sota banag ja kowan nen Apo Shiyos ey edinis, karam ikowan ey ensekig.’

Inpaspasing 15:20

Nem say isolat tayo et mango bengat son si‐kara, ibilin tayo ey eg ira mengan nonta apag ni animal ja naydaton shi sinan shiyos, ta ensekig tayon Hodiyos sotan, tan eg ira pay mengan ni animal ja epososan, ono mengan ni shala; tan isolat tayo pay ey eg ira memii ono mekileki.

Inpaspasing 15:29

Jet say ikowan mi bengat son si‐kayo, karejo kenen i apag ni animal ja naydaton shi sinan shiyos, karejo kenen i shala, karejo kenen i apag ni animal la epososan, tan karekayo memii ono mekileki. No sajay ya inkowan mi ket pati‐en jo, mapteng i panpa‐no‐an jo; eg shakejo bedawen ni kait min Hodiyos. Siya, sajay bengat da.” Sajay i naysolat nodta solat ja dimaw so ni aliẃen Hodiyos.

Inpaspasing 15:9

Siya, nan‐i‐inges i toka pesing so ni Hodiyos tan aliẃen Hodiyos: pinekawanan toy basol sha nonta emati ira son Cristo, ja inges toy inpamakaẃan to son si‐katejo.

I-Roma 14:14

Amtak ey mapteng nga emin i angken nganto; enshiy mesepol la en ngidinen. Jet naka pati‐a ey sajay ngoy kowan nen Apo Jesus. Nem ẃara iray eshom ma too ja say ẃared nemnem sha, kowan sha ey ẃara konoy singa ensekig jet shaka ngidinen kenen ono dag‐en. Jet siya, sota toon sajay i ẃared nemnem to, kosto sotan na panngidin to.

I-Roma 14:20

Kareka memasig ja mengan ni piyan mo, no sotan i meneshal ni pamati ni eshom, ta sota pamatira, obda met laeng nen Apo Shiyos. Angken nganto, mebedin na mekan ja eg bedawen nen Apo Shiyos, nem aliẃen mapteng i pengan ni angken nganto, no si‐katoy kabol la kedismaya‐an ni eshom shi pamati to.

1 I-Korinto 10:25

Sajay i inkowan ko la pangkep ni pengan nonta apag ja naydaton shi sinan shiyos. Nem no shima dako‐an, angken ngaranton apag ja dako, mebedin jon tongkalen ja kenen, jet eg mesepol la jo pay laeng ibaga no ngarantoy ka‐apag to. Eg mesepol la mepnek kayo ja mengamta.

Tito 1:15

Sota ira maronong, ja mapteng i ẃared nemnem sha, mapteng ngon emin i pangkep sha. Nem sota ira ngaaw i ẃared nemnem sha, ja eg memati son Cristo, ngaaw ngon emin i pangkep sha, ta eg sha mala idasin i kosto tan ngaaw.

Inpa-Amta Nen Jesucristo 14:20

Sota ira dames ni obas, epespes ira shima dasin ni siyodad, jet bimo‐day aliy shala nodta pespesan. Jet say karokey ni dinedjos nonta shala, epat ta dasos ja kilomitro, tan dimen piya i ka‐oneg ni debeng to.