Inpaspasing 10:11 - Dibshon Mengi-kan Ni Pansigshan

¹¹ Inon‐an toy dangit ja edo‐katan, jet ẃara aliy ekalbot ja nay‐oy‐oy son si‐kato, ja epat i nay‐iket ta ẃanet nodta shogo to.

Inpaspasing 10:11 Iomraidhean Croise

San Mateo 8:11

Ikowan ko son si‐kayo, eshakel aliy medepod emin na sakop niya dobong, ja angken aliẃen Hodiyos, jet si‐karay ontongaw wa mekilikob so nen Abraham, si Isaac, tan si Jacob shima pantoshayan nen Apo Shiyos.

San Lucas 3:21

Idi sakey ya akew, ja naksheng iren emin sota totoo ja nanpabonjag, nanpabonjag ngos Jesus so nen Juan. Idi naksheng, nanshawat si Jesus son Apo Shiyos, jet idi maramen emansheẃat, edo‐katan i dangit.

San Juan 1:51

Kinapodpodno to iya ikowan ko son si‐kam. Asen jo i dangit ja medo‐katan, jet asen jon ẃaray anghil nen Apo Shiyos ja ondespag ali son si‐kak jet on‐oli mowan shi dangit, ta si‐kak sota kowan sha ey Anak ni Too.”

San Juan 11:52

jet aliẃen si‐kara bengat, no diket angken pay sota ira emin na annak nen Apo Shiyos ja nayẃaris shi intiron dobong, say manseksekey ira ja memati son Jesus.)

San Juan 12:32

No meksheng nga maykedjangak ja maydansa, si‐kak met laeng i mengeẃis ni toon ondaw ali son si‐kak ja memati.”

Inpaspasing 10:12

Jet nodtan, ẃaren emin i kalasin animal, titit, tan angken pay sota emankoshap shi bo‐day.

Inpaspasing 11:5

“Nonta ẃara‐ak shi Jopa ja emansheẃat son Apo Shiyos, ẃaray inpa‐sas to son si‐kak. Inpa‐sas toy ekalbot alid dangit ja na‐iktan ni ẃanet sota epat ta shogo to; jet dimespag ali son si‐kak.

Inpaspasing 7:56

Jet kowan to ey, “Tangkak kayo! Inon‐an kon edo‐katan i dangit, jet sota kowan sha ey Anak ni Too, dimayat shi apit ni kanawan nen Apo Shiyos!”

I-Roma 1:16

Ta angken towen dogad ja daẃan ko, ekak ibaing ja mengikowan nonta mapteng nga shamag maypangkep so nen Jesucristo, ta sajay ya mapteng nga shamag i kawad‐an ni panakabalin nen Apo Shiyos. No pati‐en ni too iyay, si‐katoy kaysedakan sha. Jet say pilmiro nin ja insalakan nen Apo Shiyos, sota kait kon Hodiyos jet niman ma, angken si‐kayon aliẃen Hodiyos.

I-Roma 9:4

Si‐kara sota sigod ja too nen Apo Shiyos jet ebadeg i kaasi to son si‐kara: si‐karay inpanbalin ton annak to, naytakshol pay son si‐kara sota emenenili ja emengipa‐sas ni kawasha to son si‐kara; nay‐awat pay son si‐kara sota bilin to; inkari to pay son si‐kara ey si‐karay ibilang ton too to, tan ẃara pay i eshom ma inkari to son si‐kara; tan naypiyal pay son si‐kara sota koston pesing shen manshedjaw son si‐kato.

I-Galasia 2:15

Si‐kami, nay‐anak kamin Hodiyos, aliẃen inges mi ira sota toon aliẃen Hodiyos ja enshiy Shiyos sha.

I-Galasia 3:28

Isonga si‐kayon ẃara son Cristo, nansaksakey kayod pamati; enshiy en nandasinan ni sakey tan sakey — Hodiyos man ono aliẃen Hodiyos, baga‐en man ono aliẃen baga‐en, daleki ono bibii.

I-Ipiso 1:10

tep sotan may koston timpo. Jet say plano tod nemnem to, emin sota ẃared dangit, tan saja ẃared ja dobong, manseksekey ira so nen Cristo.

I-Ipiso 3:6

Jet sotan na plano to, si‐katoy nayda‐kaman ira nonta aliẃen Hodiyos ni kari to ja inkowan to nonta bayag da so nonta ira too to. Nayda‐kam ira ta emati ira son Cristo Jesus ni inteneng sha so nonta mapteng nga shamag pangkep son si‐kato. Jet niman, naykasakey ira ma so nonta ira sigod ja too nen Apo Shiyos.

I-Kolosas 3:11

Isonga niman ma, enshiy en nandasinan ni angken sipen too ja binado‐an nen Apo Shiyos. Nan‐i‐inges i toon aliẃen Hodiyos ono sota Hodiyos, nan‐ashal ono eg nan‐ashal, baga‐en ono aliẃen baga‐en. Nan‐i‐inges ta say menemnem ma, si Cristo i ẃara son si‐katejon emin.

Inpa-Amta Nen Jesucristo 11:19

Jet sota Timplo nen Apo Shiyos shi dangit, edo‐katan et sota kakon ja naytalo‐an nonta naysolat ta bilin ton nay‐awat son Moises, ma‐sas ja ẃara nodta Timplo. Jet nontan ma, ẃara iray makedsang nga bagidat, tan makedsang nga oni ni kirol, tan jegjeg, tan nandanti pay ni kakambaleg.

Inpa-Amta Nen Jesucristo 19:11

Jet nontan, inon‐an kon singa edo‐katan i dangit et ẃaray inon‐an kon empotin kabajo. Jet ẃaray nankabajo nodtan, jet say ngaran nonta nankabajo, si Podno, ono si Panshindan. Jet say kabol ni toka pekikobati, tan sota toka pengowis, say meẃesha ni olay sota koskosto ono podno.

Inpa-Amta Nen Jesucristo 4:1

Idi enaksheng mala iyay, tinangkak koy naykayang et inon‐an koy emankepasemak shi dangit, ja singa ẃaray dowangan na edo‐katan. Jet nontan, intenengan ko mowan sota esel la singa trompitay kedsang to, ja kowan to ey, “Kaled jay et ipa‐sas ko son si‐kam sota medeka ali shi ma‐onod ja timpo.” Kowan to,