Inpaspasing 1:6 - Dibshon Mengi-kan Ni Pansigshan

⁶ Jet nonta esa‐nop ira sota apostol, inbag‐an sha si Jesus ja kowan sha ey, “Apo, aliẃen niman ayay pengisaad mo so ni epokaw den gobirno ni Israel?”

Inpaspasing 1:6 Iomraidhean Croise

San Mateo 17:11

Simongbat si Jesus ja kowan to ey, “Owen, agpayso ja si Elias nin aliy mepangdo jet si‐katoy mengi‐odi nonta kimapoy ya pamati ni totoo say onkedsang ma.

San Mateo 20:21

Jet si Jesus, kowan to son si‐kato ey, “Ngantoy ibagam son si‐kak?” Simongbat sota bii ja kowan to ey, “Pangaasim, ikowan mo niman ey no mantoshay ka, mekitoshay ngo ira ja showen anak ko. Sota sakey, ontongaw shi petek ni kanawan mo et sota sakey, ontongaw shi petek ni kanigid mo.”

San Mateo 24:3

Idi pinsak ja ẃares Jesus ja timongaw shima shontog ja kowan sha ey Olibas, jet dimaw ira di sota too to ni abos sha, jet kowan sha son si‐kato ey, “Piyan min amta‐an no pigan ali ita kowan mo. Jet nganto pay i amta‐an mi so nem pigan aliy idaw mo mowan ja mo pengisaad ni pantoshayan mo? Tan nganto pay i amta‐an mi so ey shanshanin mantepos i dobong?”

San Marcos 9:12

Simongbat si Jesus, ja kowan to ey, “Owen, agpayso ja si Elias nin aliy mepangdo jet si‐katoy mengi‐odi nonta kimapoy ya pamati ni totoo say onkedsang ma. Nem ima pay i sakey ya padto maypangkep nonta kowan sha ey Anak ni Too: mesepol konon da‐kaman toy eshakel la digat tan dedamsis ni totoo.

San Lucas 17:20

Sota ira Parisiyo, inbag‐an shes Jesus nem pigan aliy panshoki ni pantoshayan nen Apo Shiyos. Nem say insongbat nen Jesus son si‐kara, kowan to ey, “Aliẃen en ondaw alin ẃaray amta‐an jo so.

San Lucas 19:11

Nonta ẃares Jesus shi Jiriko ja nay‐esop shi Jerusalem, kowan ira nonta karakdan na totoon emengitneng son si‐kato ey no onmotok si Jesus shi Jerusalem, mayshoki ma sota pantoshayan nen Apo Shiyos. Nem say kowan to son si‐kara, eg nin metongpal sota namnama sha. In‐arigan to ira, ja kowan to ey,

San Lucas 22:29

Si Apo Shiyos ja Amak, inkesheng to ey si‐kak i mantoshay ni ka‐onoran alin akew, jet si‐kak ngoy mengigsheng ey mekitoshay kayo ali.