Inpaspasing 1:20 - Dibshon Mengi-kan Ni Pansigshan

²⁰ “Nonta bayag da, ẃaray naysolat shi dibsho ni Salmo ja kowan to ey, ‘Kari, manbedin i baley to ni diyasang jet enshi may man‐iyan.’ Tan ẃaray naysolat pay ey, ‘Sota istay obda to, elbaten ni eshom.’

Inpaspasing 1:20 Iomraidhean Croise

San Lucas 20:42

Ta angken si Ari David shorog, inkowan tod dibsho ni Salmo ey, ‘Si Apo Shiyos, inkowan to so nonta pangolok ey ontongaw si‐kato shi apit ni kanawan to,

San Lucas 24:44

Jet kowan to son si‐kara ey, “Say inkowan ko nonta ẃara‐ak pay laeng son si‐kayo, emin sota naysolat ja maypangkep son si‐kak nonta bayag da shi bilin nen Moises tan shi solat ira nonta para padto, tan shi dibsho pay ni Salmo, mesepol la metongpal.”

Inpaspasing 1:16

ja kowan to ey, “A‐akik shi pamati, sota insolat nen Ari David nonta bayag da ja inshalan ni Ispirito Santo nen Apo Shiyos, etongpal da nonta inpangdo nen Judas Iskariote sota ira makakontra son Jesus ni in‐eshel sha so. Jet sajay ya si Judas i istay sakey son si‐kamin pinidi nen Jesus ja meki‐obda son si‐kamin apostol to nontan. Sajay i edaga ta mesepol la metongpal sota naypadto.

Inpaspasing 13:33

tinongpal to niman son si‐katejo ni inpan‐ongal to so nen Jesus. Sajay i kaytoshongan nonta naysolat shi maykadẃen salmo ja kowan to ey, ‘Si‐kam i anak ko, jet niman si‐kak ma i amam.’