Inpaspasing 1:16 - Dibshon Mengi-kan Ni Pansigshan

^16-17 ja kowan to ey, “A‐akik shi pamati, sota insolat nen Ari David nonta bayag da ja inshalan ni Ispirito Santo nen Apo Shiyos, etongpal da nonta inpangdo nen Judas Iskariote sota ira makakontra son Jesus ni in‐eshel sha so. Jet sajay ya si Judas i istay sakey son si‐kamin pinidi nen Jesus ja meki‐obda son si‐kamin apostol to nontan. Sajay i edaga ta mesepol la metongpal sota naypadto.

Inpaspasing 1:16 Iomraidhean Croise

San Mateo 26:14

Sota sakey so nonta sampolo tan showen apostol nen Jesus, ja si Judas Iskariote i ngaran to, dimaw so nonta ira apo ni papashi ni Hodiyos,

San Mateo 26:47

Idi maramen eman‐a‐sel si Jesus, si Judas Iskariote ja sakey so nonta ira sampolo tan showa ja apostol nen Jesus, engolop ali ni eshakel la too. Sota eshom, nan‐etak ira, tan sota ira eshom, ẃaray peg‐as sha. Sajay iren too, inbetkag ira nonta apo ni papashi tan pangolo ni Hodiyos.

San Mateo 26:54

Nem no sotan i dag‐en ko, eg metongpal sota esel nen Apo Shiyos ja naysolat nonta bayag da ja naypadto. Isonga sajay niman i medeka.”

San Mateo 26:56

Nem mesepol la sajay i medeka ta say metongpal sota insolat ni para padto nonta bayag da.” Kowan nen Jesus. Jet emin ira sota too to, namtik ira jet indekjas shes Jesus.

San Marcos 12:36

Ta angken si Ari David shorog, inkowan to ey pangolo to sota mengisedakan ali. Intorong met ni Ispirito Santo nen Apo Shiyos si David nonta engikowanan to ey, ‘Si Apo Shiyos, inkowan to so nonta pangolok ey ontongaw si‐kato shi apit ni kanawan to, ingkatod enshiy mebedin nonta kabakal to, ja ẃara ma ired shalokap ni shapan to.’

San Marcos 14:43

Idi maramen eman‐a‐sel si Jesus, si Judas Iskariote ja sakey so nonta ira sampolo tan showa ja apostol nen Jesus, engolop ali ni eshakel la totoo. Sota eshom, nan‐etak ira, tan sota ira eshom, ẃaray peg‐as sha. Sajay iren too, inbetkag ira nonta apo ni papashi, mamaistoro ni dinteg, tan pangolo ni Hodiyos.

San Lucas 22:47

Maramen eman‐a‐sel si Jesus ey onmotok aliy eshakel la totoo. Si Judas Iskariote, ja sakey so nonta ira sampolo tan showa ja apostol nen Jesus, si‐katoy engibalnay so ira nonta eshakel la totoo. Insopan nen Judas si Jesus, ja kowan to ey to ongo‐an.

San Juan 10:35

Sotan na inkowan nen Apo Shiyos ja naysolat, eg mebedin na mesa‐datan ta si Apo Shiyos i engikowan. No inkowan nen Apo Shiyos nonta bayag da ey singa shiyos ngo ira sotan na inkowanan to so,

San Juan 13:18

“Sajay ya naka pan‐ikowan, aliẃen na para son si‐kayon emin, ta amtak i itsora jon apostol ko ja pinidik. Nem mesepol la metongpal sota padto nonta bayag da ja naysolat ja kowan to ey, ‘Sota pinekan ko, si‐kato et ngo mowan i nanbalin na makakontra son si‐kak.’

San Juan 17:12

Nonta ẃara‐ak son si‐kara, inajowanan ko ira iya in‐awat mo son si‐kak, jet inosal koy panakabalin mo. Ekak ira in‐oway, jet enshiy en epokaw son si‐kara, malaksig bengat sota sakey ya si Judas. Sajay ya too, kenshat ta epokaw, ta mesepol la metongpal sota naysolat ja esel mo nonta bayag da.

San Juan 19:36

Eg kinetdo ira nonta solsharo i sedi nen Jesus, ta naypadto nonta bayag da ey angken sakey ya pokel to ket enshiy en ma‐an‐ano.

Inpaspasing 1:20

“Nonta bayag da, ẃaray naysolat shi dibsho ni Salmo ja kowan to ey, ‘Kari, manbedin i baley to ni diyasang jet enshi may man‐iyan.’ Tan ẃaray naysolat pay ey, ‘Sota istay obda to, elbaten ni eshom.’

Inpaspasing 13:15

Jet nonta naksheng nga engibasa ira sota pangolo ni Hodiyos shiman nonta dinteg nen Moises, tan sota insolat ni para padto nen Apo Shiyos nonta bayag da, inkowan sha so nen Pablo nen Bernabe ey si‐kara ngoy maysa‐dat ja man‐a‐sel, no ẃaray ikowan shen togon so nonta ira totoo.

Inpaspasing 13:38

Isonga si‐kayon kait ko, mesepol la amta‐an jo ey, say mebedin ja memekawan ni basol, si Jesucristo, jet si‐kato iya mika pan‐itoro son si‐kayo.

Inpaspasing 15:13

Jet idi naksheng iren nan‐esel, naysa‐dat ngos Santiago ja nan‐esel. Kowan to ey, “A‐akik shi pamati, nemnem jo kari iyay.

Inpaspasing 15:7

Jet sota kowan ni eshom ey pilit i pengonod ni ogadi ni Hodiyos, asdeg ton nansosongbatan sha. Idi ebayag malen ireka mansosongbat, dimayat si Pedro, jet inkowan to son si‐kara ey, “A‐akik shi pamati, amtayo met ey nonta epangdon akew da, si‐kak i pinidi nen Apo Shiyos ja mengikowan ni mapteng nga shamag pangkep son Jesus so ni toon aliẃen Hodiyos, say amta‐an sha, tan say memati ira ngo.

Inpaspasing 2:23

Sigod ja amta nen Apo Shiyos i mepesamak ali son Jesus shiya dobong tep plano to ngoreshan na sigod. Jet siya, intolok ton metey si Jesus. Nem si‐kayon Hodiyos i mismo emono son si‐kato! Inpabonoyo so nonta ira i‐Roma ja nankekedsel jet indansara shi koros.

Inpaspasing 2:37

Jet idi intenengan sha iyay, nandaringit ira, ja kowan sha so nen Pedro tan sota eshom ma apostol ey, “A‐aki, ngaranto ngarod i pesing mi?”

Inpaspasing 22:1

Jet kowan to ey, “A‐aki, a‐ama, itnengi jo iya idawag ko son si‐kayo!”

Inpaspasing 23:1

Jet si Pablo, diritson insi‐ning to ira sota toray jet kowan to son si‐kara ey, “Si‐kayon a‐akik, amta nen Apo Shiyos ey mapteng i ẃared nemnem ko ingkato niman; enshiy amtak ka basol kon kebistigalan kod jay.”

Inpaspasing 23:6

Nem si Pablo, idi inamta‐an to ey sajay iren too ket Sadosiyo i eshom, tan ẃara pay iray Parisiyo, inkedsang toy esel to, ja kowan to ey, “Si‐kayon a‐akik, si‐kak, Parisiyo‐ak, tan mismon anak towak ni Parisiyo! Jet niman, iyayak shiyay ya emankebistigal pangkep nonta pamatik ey say nanketey, manbiyag mowan!”

Inpaspasing 28:17

Idi ẃaray tedon akew nen Pablo shiman, inpa‐odop to ira sota pangolo ni Hodiyos shiman, jet idi esa‐nop ira, nan‐esel si Pablo ja kowan to son si‐kara ey, “Si‐kayon kait ko ja Hodiyos, enshiy amtak ja nak dingka ja maykontra so ni kait tayon Hodiyos, ono maykontra so nonta ogadi ira ni amma tayo da nontan. Nem say inpasing sha son si‐kak, inshel sha‐ak shi Jerusalem. Jet in‐awat sha‐ak so ni i‐Roma.

Inpaspasing 28:25

Jet nontan ma, sajay iren emati tan eg emati, eg ira man‐inawatan, jet indekjas shes Pablo. Nem inkowan nen Pablo nin ey, “Nayto‐to‐ẃa niman sota intorong ni Ispirito Santo nen Apo Shiyos ja inkowan ni para padto ja si Isaias so nonta ira ammayo da, ja kowan to ey,

Inpaspasing 7:2

Nem si Esteban, eg to sinongbatan sota salodsod, no diket say inkowan to son si‐kara, kowan to ey, “A‐akik, a‐amak, nemnem jo kari iya inpaspasing nen Apo Shiyos son si‐katejon Hodiyos manipod nonta timpon Abraham ingkato niman. Si Apo Shiyos ja Kangeto‐an, nanpa‐sas son Abraham ja apo tayo, nonta ẃara pay laeng shi Misopotamia ni eg to nin indaw shi Haran.

1 San Pedro 1:11

Sota ira para padto nonta bayag da, pineshas shen pasiya ja inashal sota maypangkep ni inpa‐amta ni Ispirito Santo nen Cristo son si‐kara, tep eg sha ineẃatan sotan na inpa‐amta to, ja ipadtora. Inpa‐amta ni Ispirito Santo son si‐kara ey ẃara diy ibetkag nen Apo Shiyos ja mengisedakan, nem kowan to ey manda‐kam nin ni digat asan ka‐oli shi dangit. Piyan ira nonta para padto ja amta‐en no pigan i ketongpal niyay ja inpadtora, tan no sipa sotan na ibetkag to ali.

2 San Pedro 1:21

Ta sajay ya toro, aliẃen edapod nemnem ni too bengat, no diket si Apo Shiyos met laeng. Jet sajay, inpa‐amta to so nonta ira para padto nonta bayag da jet si‐karay engisodat, ja intorong nonta Ispirito Santo nen Apo Shiyos.

2 San Pedro 2:21

Istay mapmapteng koma no sajay iren too ket eg sha inamta‐an i maypangkep ni mapteng nga ogadin ka‐aporbali nen Apo Shiyos. Ta kimawas sota inpangamtara nonta bilin nen Apo Shiyos ja naykowan son si‐kara nontan, no on‐oli mowan ira nodta sigod.