Inpaspasing 1:15 - Dibshon Mengi-kan Ni Pansigshan

¹⁵ Idi edabas i pigen akew, ẃaray esa‐nop pa sandasos tan showen polo ja emati son Jesus. Jet nontan, dimayat si Pedro shi sango‐an sha jet nan‐esel,

Inpaspasing 1:15 Iomraidhean Croise

San Mateo 13:31

Wara pay i sakey ya arig ja inkowan nen Jesus son si‐kara ja kowan to ey, “Say pantoshayan nen Apo Shiyos, may‐eshig nodta botil ni sakey ya kalasin mola ja ootilik.

San Lucas 22:32

Mebedin na ma‐adilaw ka Simon, ni sanka‐atikan, nem inshawat ko son Apo Shiyos ey eg mekolpin onkapoy i pamatim. Jet no may‐odi mowan i pamatim son si‐kak, si‐kam ngoy pekedsang so ni kait mo.”

San Juan 14:12

“Kinapodpodno iya ikowan ko son si‐kayo. Sota memati son si‐kak, dag‐en to ngoy inges ni dingdingkak ja kaskasshaaw. Jet sotan na dag‐en to, ebadbadeg ey say sota dingkak, ta si‐kak, on‐oli‐ak son Amak.

San Juan 21:23

Jet sajay ya inkowan nen Jesus pangkep so nonta sakey ya apostol, shinemag ira nonta eshom ma emati, jet say ẃared nemnem sha, kowan sha ey eg metmetey sota sakey ya apostol. Nem si Jesus, aliẃen sotan i olog nonta inkowan to, no diket say inkowan to, no bilang ey piyan ton manbiyag sotan na apostol ingkatod imotok to mowan ali, enshiy naybiyangan nen Pedro.

Inpaspasing 10:23

Jet si Pedro, ineẃis to ira ja ma‐okip ira nin ni sandabi nodta kad‐an to. Jet nonta eẃa‐ẃa, ekidaw si Pedro son si‐kara, jet ẃara pay i eshom ma a‐aki shi pamati ja i‐Jopa ja ekidaw son si‐kato.

Inpaspasing 11:1

Jet nontan, sota ira apostol tan sota ira emati ja ẃared Jodia, shinemag sha ey sota ira toon aliẃen Hodiyos ket ineẃat sha ngoy esel nen Apo Shiyos nonta intoro nen Pedro.

Inpaspasing 11:12

Jet sota Ispirito Santo nen Apo Shiyos, inkowan to son si‐kak ey ekak manshowashowa ja mekidaw son si‐kara. Jet siya, angken saja enem ma a‐aki tayo shi pamati ja i‐Jopa, ekidaw ira son si‐kak, jet si‐kamin emin i dimaw shi baley nen Cornelio.

Inpaspasing 11:26

Idi simbi to si Saulo, in‐ilaw tod Antiok, jet makatawen shen nantoro so nonta ira eshakel la emati. Jet shi Antiok i pilmiron nanshogi‐an ni kowan sha ey Kristiyano i ngaran ni emati son Cristo.

Inpaspasing 11:29

Jet nontan ma, sota ira emati, ninemnem ni sakey tan sakey son si‐kara ey ipakat shay kabaalan sha ja mengi‐kan ni tolong sha so nonta kakaasin a‐akira shi pamati ja ẃared Jodia.

Inpaspasing 12:17

Nem si Pedro, sininjasan to ira ey on‐eg‐eket ira, jet inistoriya to sota inpasing nen Apo ja engibo‐day son si‐kato shi badoran. Jet inbilin to ey ikowan sha sotan na epasemak so nen Santiago, tan so nonta ira eshom ja a‐akira shi pamati. Jet nontan ma, indekjas to ira ja dimaw shi apil la ili.

Inpaspasing 14:2

Nem sota ira Hodiyos ja eg memati, apil mowan i shaka isodsodsod so nonta toon aliẃen Hodiyos pangkep so nen Pablo tan si Bernabe, pati sota ira badon emati, jet nakol ni ngimaaw ngo may dekna nonta ira aliẃen Hodiyos son si‐kara.

Inpaspasing 15:1

Nem nontan, ẃaray daleki ja edapod Jodia ja dimaw shi Antiok, jet say kowan sha so nonta ira ematid man ja aliẃen Hodiyos, kowan sha ey eg mebedin kono ja maysedekan ira, no eg sha onoren sota sigod ja ogadi ni Hodiyos ja tineẃid sha so nen Moises, ja kowan sha ey kogit.

Inpaspasing 15:3

Sajay iren inbetkag sha, nanshalan ira shi Ponisia, tan shima Samaria, jet inistoriyara so ni totood man i inpamati ira nonta toon aliẃen Hodiyos son Cristo. Idi intenengan sha iyay, ebadeg i imdeng ira nonta a‐aki shi pamati ja ẃara nodtan na dogad.

Inpaspasing 16:2

Saja si Timoteo, emin ira sota emati shi Listra tan shi Ikoniom, enshiy shaka bedawa son si‐kato.

Inpaspasing 16:40

Jet si Pablo nen Silas, indekjas sha sota badoran jet dimaw ira shi baley nen Lydia. Inon‐an shen emin ira sota a‐akira shi pamati, jet tinokon sha ira, asan shaka ira ilekjas.

Inpaspasing 17:10

Jet idi edabi, sota ira a‐aki shi pamati shi Tisalonika, inkowan sha ey angken idekjas nen Pablo nen Silas ira ja angken ondaw ired Biria. Jet idi mimotok ired man, dimaw ira shima baley ya sa‐nopan ni Hodiyos.

Inpaspasing 17:14

Nem sota ira emati nodtan na dogad, inkowan shen shagos son Pablo ey onbetik koma shima baybay ja en mandokan shi barko. Jet si Silas tan si Timoteo, si‐karay ebay‐an.

Inpaspasing 17:6

Nem idi eg sha simpol si Pablo nen Silas, si Jason i sinodngan shen inbo‐day, pati sota ira eshom ma emati nodtan na baley, jet inkoyod sha iren inparang so nonta ira toray, ja kowan sha ey, “Sajay iren too ket ireka emengi‐kan ni kolo shi emin na dogad, jet iyay ira di shiya ili tayo!

Inpaspasing 18:18

Si Pablo, nan‐iyan nin ni pigen akew shi Korinto. Jet idi naksheng iyay, si Pablo tan si Akila ja san‐aseẃa, indekjas sha sota ira a‐aki shi pamati shi Korinto jet nandogan ira shi barko jet dimaw ired Siria. Nem si Pablo nonta ẃared Sinkria, kinoskosan to may toktok to, ta naksheng nga dingka to sota kari to son Apo Shiyos.

Inpaspasing 18:27

Nontan ma, si Apolos, ninemnem to ja ondaw shi Akaya. Idi inamta‐an nonta ira a‐aki shi pamati shi Ipiso, kowan sha ey, “Siya, mapteng itan na planom.” Jet nansolat ira so nonta kait shen emati shi Akaya, ja kowan sha ey, “Iyay da si Apolos son si‐kayo. Jet no onmotok da, awat jo.” Jet idi mimotok si Apolos shi Akaya, ebadeg i intolong to so nonta ira ematid man ja kinaasi‐an nen Apo Shiyos.

Inpaspasing 21:17

Jet idi mimotok kamid Jerusalem, sota ira a‐aki mi shi pamati, ireka eman‐imdeng ja engawat son si‐kami.

Inpaspasing 21:20

Jet idi intenengan sha iyay ya inkowan nen Pablo, si Apo Shiyos i nan‐iyamanan sha, jet kowan sha son Pablo ey, “Agi, amtam met ey diniboy Hodiyos ja emati son Cristo, nem sota sigod ja bilin na nay‐awat son Moises i shaka on‐onora pay laeng ja pasiya.

Inpaspasing 21:7

Jet si‐kami, manshokid Tira, intoloy mi jet mimotok kamid Tolimaida. Nonta ẃara kamid man, dimaw kamid ma kad‐an ira nonta emati, ja mi ira inon‐an, jet eki‐iyan kamid man ni san‐akew.

Inpaspasing 22:5

Sota kangeto‐an na pari, tan sota ira kait ton toray, amtara iyay ya dingkak, jet mebedin na peneknekan sha iyay, ey saja naka pan‐ikowan niman ket podno. Ta si‐kara pay ya mismo i engamag nonta ira solat ja para so nonta ira kait shen pangolo ja ẃared Damasko. Kowan sha nodta solat sha ey ipalobos sha sota ira emati son Jesus shi Damasko ja a‐shelen ko ira, jet i‐ilaw ko ira did jay kono, jet shiyay i keshosa‐an sha.

Inpaspasing 28:14

Jet ẃaray simbi mid man na a‐aki mi shi pamati, jet ineẃis shakamid man na meki‐iyan nin son si‐kara ni piton akew, asan kamika edaw shi Roma.

1 I-Korinto 15:6

Jet nanpa‐sas ni pinsak so nonta ira dimen dasos ja kait tayod pamati. Jet karakdan so ira niyay ja engasas ket, ẃara pay laeng ired biyag niman.

Inpa-Amta Nen Jesucristo 11:13

Jet nontan met laeng nga oras, ẃaray makedsang nga jegjeg et sota inkasampolon sakop nontan na siyodad, esharal et piton dibon too i etey nodtan. Sota ira eshom ma too, ontakot iren pasiya et kowan sha ey, “Niman amta tayo ma ey si Apo Shiyos ja ẃared dangit i makabalin niyay!”

Inpa-Amta Nen Jesucristo 3:4

Nem ẃaray eshom son si‐kayo shita Sardis ja eg to dino‐shis i baro to. Si‐karay maykeshi ja odopen ko et panbeshok ira ni empoti.