Filemon 1:8 - Dibshon Mengi-kan Ni Pansigshan

⁸ Si‐kak, ẃaray kanebengan kon mengikowan ni mesepol la dag‐en mo, ta apostol towak nen Cristo,

Filemon 1:8 Iomraidhean Croise

2 I-Korinto 10:8

Nem si‐kak, ẃaray nandasinan ni saad ko. Isonga angken bilang ey ẃaray edabas ja naka ikowan pangkep niya saad kon in‐awat nen Apo Jesus son si‐kak, agpayso. Say kowan nen Apo Jesus ey dag‐en ko, sota ontolong son si‐kayo say onkedsang i pamatiyo, aliẃen sota peneshal son si‐kayo.

2 I-Korinto 11:21

No sotan i kowan jo ey itsora ni apostol nen Cristo, agpayso sota kowan sha ey ekapoyak, ta ekak kabaalan na dag‐en sota shaka dagdag‐a son si‐kayo! Ikowan ko mowan ey si‐kak, singa ẃaray kolkolang ko, nem mesepol ngon mandastogak. No sota eshom ket etoled iren idastog sota kowan sha ey ẃaray nandasinan sha, mebedin ngon etoleshak ja mandastog ni inges nonta kowan sha.

2 I-Korinto 3:12

Jet niman, ta ẃara iyay ya namnama mi, marinel kamin mengikowan ni koskosto;

I-Ipiso 5:4

Tan pan‐anad kayo pay ni pesing jon mekitbal. Baka ẃaray ngaaw wa esel ja onbo‐day shi bongot jo, ono esel la enshiy silbi to, ono solsolog ja nayda‐kad. Ta aliẃen anam jon mandeka niyay. Say mesepol et mango, sota pan‐iyaman ni olay so nen Apo Shiyos.

1 I-Tisalonika 2:2

Nonta inpanshalan mid Pilipos ja ondaw shita kad‐an jo, ngaaw i inpaspasing ni tood man son si‐kami; binebaingan shakami. Nem amtayo, in‐aknan shakami nen Apo Shiyos tayo ni toled ja mengikowan son si‐kayo nonta mapteng nga shamag ja edapo so nen si‐kato. Eshakel shitan i makakontra son si‐kami maypangkep ni mika pan‐ikowan, nem angkena.

1 I-Tisalonika 2:6

Aliẃen sota pengiredjaw jo son si‐kami i mika kamkamkami nonta ẃara kami shita kawad‐an jo, ono sota pengiredjaw ni eshom.