Filemon 1:5 - Dibshon Mengi-kan Ni Pansigshan

⁵ ta shinemag ko ey ebadeg i semek mo so nonta ira kait mon emati, tan ebadeg pay i pamatim so nen Apo Jesus.

Filemon 1:5 Iomraidhean Croise

Inpaspasing 20:21

Inkowan ko so ni Hodiyos, tan toon aliẃen Hodiyos, ey manbebawi ira ni basol sha et si Apo Shiyos i toshongen sha, tan inkowan ko son si‐kara ey pati‐en sha si Jesucristo, ja Apo tayo.

I-Roma 12:13

Mesepol la ontolong kayo nodta kait jon ẃaray mesepol to. Tan sintil jon kosto sota eshom ja onmotok shi baley jo.

1 I-Korinto 16:1

Niman, iyay i pesing jo nonta alos ja itolong jo so nonta ira kait tayon emati shi Jodia. Onoshiyo sota inkowan ko so nonta ira emati shi Galasia ja pesing sha.

I-Galasia 5:6

Jet no memati kito son Cristo, say epateg bengat ja nemnemen tayo, sota pamati son si‐kato. Ta sotan na pamati, si‐katoy kedepo‐i ni semek. No sota maypangkep ni pengonod nonta bilin ni Hodiyos, enshiy to naykamitan shi pamati son Cristo.

I-Ipiso 1:15

Isonga nonta shinemag ko sota maypangkep ni ebadeg ga pamatiyo so nen Apo Jesus, tan kowan sha ey ebadeg konoy semek jo so ni emin na kait jon ememati,

I-Kolosas 1:4

ta shinemag mi ey ebadeg i pamatiyo son Cristo Jesus, tan ebadeg i semek jo so ni emin na kait jon emati. Nonta pilmiro, intenengan jo iya esel nen Apo Shiyos pangkep so nen Jesucristo, ja podno, jet pinatiyo jet amtayo ma niman ey ẃaray kon‐oren jo la ja i‐akan nen Apo Shiyos ali shi dangit. Isonga niman ẃara ma i ebadeg ga semek jo tan pamatiyo.

1 I-Tisalonika 3:6

Nem niman, ta imoli ali si Timoteo ja edapo son si‐kayo, na‐kepak, ta mapteng i shamag ja inkowan to maypangkep son si‐kayo. Kowan to ey ebadeg i pamatiyo tan semek jo so ni sakey tan sakey jet kowan to pay ey kanayon na jokamika nemnemnema, ja piyan jo ngon pasiyen asen jokami, ja inges toy mika dekna‐a ngo.

Filemon 1:7

Ebadeg i imdeng kon pasiya pangkep son si‐kam, agi Filemon, ta moka pekedsang i nemnem ira nonta kait mon emati, ja si‐katoy moka pengipa‐sas ni semek mo son si‐kara. Pati si‐kak pay ket kimedsang ngoy nemnem ko ni intenengan ko so niya maypangkep son si‐kam.

1 San Juan 3:23

Jet say bilin nen Apo Shiyos, kowan to ey mesepol la pati‐en tayo i ngaran nonta Anak ton si Jesucristo, tan mesepol la ensemek tayoy kait tayo. Jet angken si Cristo, sajay met laeng i inbilin to son si‐katejo.