Filemon 1:4 - Dibshon Mengi-kan Ni Pansigshan

⁴ No mansheẃatak so nen Apo Shiyos, takaka ida‐da‐kam ni olay; naka man‐iyaman son si‐kato ni olay pangkep son si‐kam,

Filemon 1:4 Iomraidhean Croise

I-Roma 1:8

Iyay nin i ikowan ko son si‐kayo. Naka man‐iyaman son Apo Shiyos pangkep so nen si‐kayo, ta eshakel la dogad i engamta ey emati kayo so nen Cristo. Jet say ikowanan ko so ni iyaman ko para son Apo Shiyos, si Jesucristo.

I-Ipiso 1:16

naka man‐iyaman ni olay son Apo Shiyos pangkep son si‐kayo, tan naka ishawshawat pay son si‐kato i pansigshan jo.

I-Pilipos 1:3

Si‐kayon tood Pilipos, eg takejo dibdibkan. Isonga no nemnemen takejo, naka man‐iyaman son Apo Shiyos ja naka shedjawa, ni maypangkep son si‐kayo,

I-Kolosas 1:3

No timpo ni mika pansheẃat son Apo Shiyos, ja Ama nen Jesucristo, kamika man‐iyaman ni olay ni maypangkep son si‐kayo,

1 I-Tisalonika 1:2

No mansheẃat kami son Apo Shiyos, mikejoka ida‐kam ni olay et kamika man‐iyaman pay son Apo Shiyos ja Ametayo maypangkep son si‐kayon emin shitan. Ta ebadeg i nanpa‐no‐an ni pamatiyo, tan mapiyan kayo ma ja ontolong, ta ẃara may semek jo ni kait jo. Tan eki‐det pay ita namnama jo so nen Jesucristo ja Apo tayo.

2 I-Tisalonika 1:3

A‐aki mi shi pamati, mika nemnema ni olay ey mesepol la man‐iyaman kami son Apo Shiyos ni maypangkep son si‐kayo. Anam ton man‐iyaman kami, ta say pamatiyo, emanba‐deg ga pasiya et angken sota semek jo ni sakey tan sakey, emanba‐deg ngon pasiya.

2 Timoteo 1:3

Naka man‐iyaman son Apo Shiyos, ja Shiyos met laeng ira da nonta ap‐apok. Etopog ga sota pansilbik son si‐katoy naka nemnemnema ja inges toy inpansilsilbi ira nonta ap‐apok nonta bayag da. No mansheẃatak son Apo Shiyos, takaka ida‐kam ni olay.

Filemon 1:5

ta shinemag ko ey ebadeg i semek mo so nonta ira kait mon emati, tan ebadeg pay i pamatim so nen Apo Jesus.