Filemon 1:14 - Dibshon Mengi-kan Ni Pansigshan

¹⁴ Nem enshi, ekak koston ipeked, ta eg taka nin inbag‐an, ta say eg ka mepidit ta mengaasi son si‐kak, no diket dag‐en mo koma ja mandepod nemnem mo.

Filemon 1:14 Iomraidhean Croise

1 I-Korinto 9:17

No sajay ket dingkak ja nandapo bengat shi nemnem ko, mebedin na ẃaray idastog ko. Nem aliẃen nemnem ko iyay, no diket si Apo Shiyos i emili son si‐kak, jet inpiyal to iyay ya obda son si‐kak.

1 I-Korinto 9:7

Sipay inon‐an jon solsharo ja emekikobat ey si‐kato shorog i mankastos ni mesepol to? Sipay inon‐an jon nanmola jet eg to ninamtan sota apit to? Sipay inon‐an jon nanpastol ni animal, ja eg to ninamtan i katas nontan na pinastol to? Si‐kak i kabol la emati‐an ni eshakel la totoo, nem angken nganto, enshiy nak kinshaw son si‐kara.

2 I-Korinto 1:24

Eg jo koma nemnemen ey nayda‐kad i nak pemidin son si‐kayo. Enshi, no diket mikejoka pantodongi say man‐imdeng kayo. Eg mesepol la itorayan takejon pasiya ta kosto met i pamatiyo.

2 I-Korinto 8:12

ta no mapiyan kayon mengi‐kan ni tolong, si Apo Shiyos, eẃaten to sota ẃaren may‐ekan; eg to toy‐an.

2 I-Korinto 9:5

Isonga ninemnem kon mapmapteng emo no mepangdo ira jay den a‐aki shi pamati, say olnongen shen mareng sota alos jo ja inkari jo asanak da motok. Say no onmotokak da, esagana ja ẃara. Nem karejo nemnemen ey kapiditan iyay; say piyan ko, sota nemnem jo ngon mengi‐kan, si‐kato.

2 I-Korinto 9:7

Nem enshiy memidit son si‐kayo. Isonga eg kayo koma onkotot pangkep niyay ya alos. Emin sota masi‐met ja mengi‐kan, nemnemen to no pigay i‐akan to jet si‐katoy i‐akan to. Ta si Apo Shiyos, pipiyan to sota man‐imdeng ja mengi‐kan.