Filemon 1:10 - Dibshon Mengi-kan Ni Pansigshan

^10-12 Jet iyay sota kowan ko ey sheẃaten ko son si‐kam. Si Onisimo, ibetkag ko la ja on‐oli son si‐kam jet pangpangaasim, awat mo la koma. Si Onisimo, inbilang ko men singa anak ko med pamati, manipod niman na naybaloshak shiya badoran. Nontan da, mebedin na kowan mo ey enshiy silsilbi nen Onisimo son si‐kam, nem niman, mebedin na ibilang mo ey epateg, kasta met son si‐kak, ta ẃaray mebedin na itolong to. Singa entapik den mengibetkag son si‐kato,

Filemon 1:10 Iomraidhean Croise

San Marcos 9:17

Imesel may sakey ya toon ẃara nodtan na karakdan, ja kowan to ey, “Apo, in‐ilaw ko ali son si‐kam iya anak kon daki, ta ẃaray dimonyon kaonsabi son si‐kato ni olay et si‐katoy kabol la eg to pan‐a‐selan.

I-Roma 12:1

Jet niman si‐kayon a‐akik shi pamati, kinaasi‐an shakejo nen Apo Shiyos; isonga iyay i kekshawen ko son si‐kayo. Niman na ẃara kayod biyag pay laeng, i‐kan jon mismo i biyag jo son Apo Shiyos ja singa daton jo son si‐kato, jet si Apo Shiyos ni olay i nemnemnemen jo. Sajay i dag‐en jo ni olay, ta sajay i mengi‐kan ni pan‐imdengan to. Sajay i koskoston pesing nga manshedjaw son si‐kato, ta eg mayba‐ba‐ngat.

1 I-Korinto 4:14

Say insolatan ko so niyay son si‐kayo, aliẃen piyan kon say mebebaingan kayo, no diket say kowan ko ey metod‐an kayo. Ta singa annak takejod pamati.

1 I-Korinto 4:15

Angken bilang ey eshakel i emengitosho son si‐kayo maypangkep ni pamati son Cristo, saksakey bengat i may‐eshig ey amejo. Jet si‐kak sotan, ta si‐kak i intenengan jo so ni mapteng nga shamag pangkep so nen Cristo Jesus.

I-Galasia 4:19

Ara! Singa mesepol mowan na mandikatak ja mengi‐odi son si‐kayo nodta sigod ja pinatiyo. Piyan kon pasiya ja si Cristoy mengitoshay son si‐kayo. Si‐kayon naka ikarin annak ko shi pamati,

I-Kolosas 4:9

Si Onisimo i kadẃa to da, ja kaidiyan jo ngo met laeng. Sajay den too, emepiyal ngo, tan ensemek tayon agi shi pamati. Sajay ya shadẃen too, si‐karay mengikowan ni emin na shamag ded jay.

Tito 1:4

Sajay ya solat ko, ondaw son si‐kam Tito, ja naka ikari ey podnon anak ko pangkep ni pamati ten showa. Jet say shawat ko son Apo Shiyos, sapay koma ta sota kaasi tan talna, ja edapo met laeng son si‐kato ja Ametayo, tan si Cristo Jesus ja mengisedakan son si‐katejo, si‐katoy ma‐shoman.

Filemon 1:13

ta piyan ko komen kadẃa‐en, ta ẃara pay i itolong to son si‐kak niman na kawashak shiya badoran. Amtak ey angken si‐kam ket baka kowan mo ngo ey angken meki‐iyan nin si Onisimo son si‐kak say ẃaray menodong son si‐kak tep amtam ey say kabol la naybaloshan ko ket sota naka pengitosho nonta mapteng nga shamag pangkep so nen Jesucristo.

3 San Juan 1:4

Enshiy eshom ma mengi‐kan ni ebadeg ga pan‐imdengan ko nem eg sota intenengan kon shamag maypangkep son si‐kayon annak kod pamati, ja kowan sha ey kayoka memati ni podno.