San Lucas 8:10 - Diósïri Karakata P´urheepecha Jimbo

¹⁰ Ima arhiaspti: “Chánksïnksïni Diósï imeri irechekuarhu anapu ambe mítetaraxati enga nótki nema mítejka, ka máteruechani uandantskua terukutarantskuechani jimbojku aianguasïndi, eskaksï ísï jámani no exeaka, náuejkiksï xáni éskani jarhani, ka náuejkiksï xáni kurhani jarhani eskaksï no kurhanguaka.”

San Lucas 8:10 Iomraidhean Croise

San Mateo 11:25

Imani jurhiatekuechani jimbo, Jesusi uandaspti: “Táte, auanda ka parhakpeniri Acha, k'éri ambekini arhisïnga, jimbokari mímixetichani ka jánhaskatichani íni ambe jískakuaska, ka sapirhatichandi xarhatakuaska.

San Mateo 16:17

Ka Jesusi arhintaspti: “Tsípe t'u, Simoni Jonasi uájpa, jimbokakini nónema aianguska, jucheti Táte auandarhu anapukinisï aianguntati.

San Marcos 4:11

Ka Jesusi arhiaspti: “Chájtsï mítetaranhaxaka Diósïri juramukua, enga nónema míteka, ka imechani engaksï uérakua jaka, terukutarantskuechani jimbojkuni aianguauaka.

San Marcos 4:12

Ka náuejkiksï jángorhentani jarhani uékani exeni, nóksï exeati, ka náuejkiksï jángorhentani jarhani kurhani, nóksï úati kurhanguni; ásïksï imajtu andarhente Diósïni ka púamenhantanksï.”

San Juan 12:40

Pátenharhitaasti, mintsita chuperakuasti; eskaksï no úaka exeni, ka eskaksï no úaka mintsita jinguni kurhanguni, ka nóksï jimbanhentani, ka ji ambakerantaani.

Romanos 16:25

K'éristi Diósï, engaksïni ambakiti aiangperakuani ka Jesukristueri jurhentperatani úka sési jánhastani, engaksïni aianguka, inde ambe enga xáni ióni patsakata jápka

1 Corintios 12:11

Ka májkuesti Espiritu enga jimbo újka iámendu inde ambe únhani, ka enga Espiritu mándani arhini kóntpejka, eska ima na uéjka ka ne engani uékaka.

Colosenses 2:2

uéksïnga eskajtsï karhoanhantaaka, ka eskajtsï méntkisï sési xénhchperaaka, ka ísï jámantsï Krístuni sési kurhanguaka, ísï eska Diósï na eratsetini jápka,

1 Timoteo 3:16

Indeni jimbochisï jucha Diósïni íntskukorhentajka irekani, ka enga xáni k'éka inde enga ísïka engachi iásï xarhatamenhani jaka: Krístu k'uiripu úkorhesti, ka Espiritu Sántu jimbo andani uerasti, ka ánjelichaksï exesti, ka imeri ambe iámu parhakpeni mítekorhesti, ka iámenduechaksï jakajkusti, ka t'ímarhandekuarhu eronhantasti.