San Lucas 3:16 - Diósïri Karakata P´urheepecha Jimbo

¹⁶ Ka Juánu iámendu arhiaspti: “Sési jimbo jíksïni itsï jimbojku itsï atajtsïkuxaka; k'óru jurhaxati ma engaksïni Espiritu Sántu ka chpíri jimbo pímbinhajkuntaaka. Ima jíndeni jinguni sánderu k'éri ambesti, xáni k'éristi engani jamberi no nitatarheka imeri kuarhachichani kuerandukuani.

San Lucas 3:16 Iomraidhean Croise

San Mateo 3:11

Jíksïni sési jimbo itsï jimbojku itsï atajtsïkuxaka, eskajtsï móataaka, ka ima engarini chúxapuni jaka, engani ji no jukanchaka kuarhachichani p'ikuani, ima sánderu k'éri ambesti. Imaksïni Espiritu Sántuni ka chpíri jimbo itsï atajtsïkuati.

San Mateo 3:12

K'arhojpatarakuani jupikatixati enga tríjuni kátakutarantaaka. Tríjuni, jatakuarhu incharantaati ka sïnhakini chpírirhu kuanijpaati jima enga nómeni pójpeaka.”

San Juan 1:26

Juánu arhiaspti: –Ji itsï jimbo itsï atajtsïkpexaka; k'óru cha jinguni jámaxati ma engajtsï cha no míteka

San Juan 1:27

engarini chúxapuni jaka, enga jíndeni jinguni t'uínipkia, engani ji no jamberini nitatarheka kuarhachichani kuerandukuani.

San Juan 1:33

Ji nótkini mítesïrempka néspki; ka ima engarini axaka itsï jimbo itsï atajtsïkpeni, arhistirini: ‘Néni engari exejka eska Espiritu andajtsïkueraska imasï Espiritu Sántuni jimbo itsï atajtsïkpejti.’

San Juan 7:38

ne engarini mintsikajka. Eska na jataka Karakatarhu: Imeri inchanhetinksï itsï tsípiti iurhekuecha iurheati.

Hechos 1:5

Sési jimbo, Juánu itsï jimbo itsï atajtsïkpesti, ka chájtsï nóteru ióndani Espiritu Sántuni atajtsïkunhaaka.

Hechos 10:44

Enga Pédru íni ambe uandani jápkateru, Espiritu Sántu iámenduechani andajtsïkueraspti engaksï kurhani jápka.

Hechos 2:33

Enga Diósï Jesusini p'íkuntapka, t'irejkandani pérasti, ka ima p'irasti Espiritu Sántuni enga Tátjemba íntskupka ka Jesusijtsïni juchantsïni andajtsïterasti, indesti engajtsï exeni jaka ka kurhani jaka.

1 Corintios 12:13

Ka iámenduchi májku Espiritu jimbo itsï atajtsïkunhantaska, ka ísïchi májku anhanhatakua ukorhentani, nájkirukachi máru judioueka ka máteruechaksï no judioueni, ka máruksï jántspirini ka máruksï no jántspirini; iámenduechantsïni májku Espiritu kueraasti.