San Lucas 24:44 - Diósïri Karakata P´urheepecha Jimbo

⁴⁴ Tátsekua Jesusi arhiaspti: –Imani ambesïni úkorhenchaka engaksïni aiangupkia engani útasï chánksïni jinguni jámani jápka: Eska iámu ambe jatsipiringa úkorheni eska jima Moisesiri juramukuarhu ka Diósïri uandaricheri karakatecharhu ka pirekuecharhu jucheti ambe na karakata jaka.

San Lucas 24:44 Iomraidhean Croise

San Mateo 1:22

Iámendu i ambe ísï úkorhesti eskamendu Acha imeri uandarini jimbo na uandarini jápka:

San Mateo 16:21

Jiájkani uénani Jesusi jurhengorheri jémbechani aianguantaaspti eska k'uanisïrempka eska Jerusaleni nipiranga, ka eska jini kánekua nósesi nitamanchapiringa, jimbokaksï achamasïcha ka tátecheri urhejtsïkuricha ka juramukua jurhentpirichaksï nósesi kámapiringa, ka eskaksï uándikupiringa ka eska tanimu jurhiatekua jimbo tsíntapiringa.

San Mateo 26:54

¿Ka néna úkorhea enga karakata arhijka eska k'uanisïnga ísï úkorheni?”

San Mateo 26:56

K'óru i ambe úkorhexati jimboka jatsiska ísï úkorheni, eskaksï Diósïri uandaricha na karaka.”

San Marcos 9:31

jimboka imeri jurhengorherichani jurhendapaaxapka. Ka arhiasïrempti: –Acheti Uájpa jupinhaati ka atanhaati uándikunhani ka tanimu jurhia jimbo tsíntaati.

San Lucas 21:22

Jimbokari imani jurhiatechani k'amanharhiranhantaaka eska karakatarhu námendu arhijka.

San Lucas 22:37

Jimbokaksïni aianguxaka eskani jatsiska ísï úkorhenchani eskaksï karakatecha na arhijka: Ka nósesi járhatichani jinguni miuinhantasti. Jimboka iámu ambe enga jucheti ambe xáni karakata jaka jatsiska úkorheni.

San Lucas 24:46

ka arhiaspti: –Karakata jarhasti eska Krístu uarhipiringa, ka eska tanimu jurhia jimbo tsíntapiringa,

San Lucas 9:22

Ka tátsekua Jesusi arhiaspti: –Acheti Uájpa jatsisti kánekua kómu nitamani, ka achamasïcha ka tátecheri urhejtsïkuricha ka juramukua jurhentpirichaksï no xénhchaati. Uándikuatiksï, k'óru tanimu jurhia jimbo tsíntaati.

San Lucas 9:44

–Sési kurha je íni ka ásï mirikurhi je: Acheti Uájpa parhakpeni anapuechani intsïnharhitanhaati.

San Juan 3:14

Ka ísï eska Moisesi na akuitseni iótakuarhu tarhatapka jima enga nónema irekaka, Acha Uájpajtu ísï tarhatanhaati,

San Juan 5:39

Chájtsï karakatechani kánekua sési exeparini jurhengorhesïnga, jimbokajtsï méntku isï anapu irekuani jima xéntskuekasïnga; ka imaksï karakatecha jucheti ambesï uandantajti.

San Juan 5:46

Jimboka enga cha Moisesini jakajkukupiringa, jíndenijtujtsïni jakajkuchepiringa, jimboka Moisesi jucheti ambesï karaka.

Hechos 13:33

Diósïri aiatsperakuanchi jucha intsïnhaska, Jesusini tsítantatini, juchachi ima uájpeska; eska pirekuecharhu na arhijka: “T'úeskari jucheti Uátsïti; ka iásï ji chéti táteskia.”

Hechos 13:40

Jinguntku ja je eskaksïni no chánksïni janocheaka ambe engaksï Diósïri uandaricha uandaka:

Hechos 2:27

jimbokari no uarhiricha jinguni jurajkuaka, ka no jurajkuati eska chéti erakukata teretseaka.

Hechos 3:18

K'óru Diósï úxati ambe enga imeri uandarichani jimbo aiatspetini jápka: Eska imeri Krístu uarhipiringa.

Hechos 7:37

Ísti Moisesi enga Israeli anapuechani arhiapka: ‘Diósï chári erachini ma imeri uandari úati, ísï eska jíndeni ka imantsï kurhajchaaka’.

Hebreos 10:1

Moisesiri juramukua k'umandajkuespti imani juramukueri enga jupiringa, no ísïsptimendu, nómeni úati iámu séserantaani imechani engaksï andaparhakuentajka imani jimbojku enga mándani uéxurhini aiatspenhantajka.

Hebreos 3:5

Diósïri k'umenchekuarhu Moisesi kurhandiraspti, jántspiriparini, ka uandantapasïrempti ambe enga xáni Diósï uandempka.

Hebreos 7:1

Ka Melkisedeki, enga Salemi ireta irechepka ka Diósï auandarhu anapueri táteni, ima enga Abranini nípka kúntani, ka újchakurani, jiájkani enga junguani jápkia irechechani andaarini.

Hebreos 9:8

Espiritu Santu indeni jimbo jánhastpesïrempti eska santisimurhu nótki mítakorhesïrempka jiájkani jámberi enga útasï japiringa tiósta enga urhetipka.

1 Pedro 1:11

Diósïri uandarichaksï jángorhekuntaspti mítekuekani, ambe jurhiatekua ka nénasï Krístueri Espiritu arhiani jápi enga imecha jinguni jámani jápka, na enga jatini Krístu xáni nósesi nitamanchapiringa ka enga tátsekua k'érikuarhu péranhapiringa.

Apocalipsis 19:10

Ka ánjelini k'éri ambe arhini tinguixurhikuspka, ka imarini arhispti: “Ásï ísï jáma, jíjtuni májkueni Diósïri jántspiriska eska t'u, ka eska chéti erachicha engaksï Jesusiri uandakuani p'itini jaka. Diósïndisï k'éri ambe arhiaka.” Jimbokaksï Jesusiri uandakuechasï, uandakua párichani uandarajka.