San Lucas 2:10 - Diósïri Karakata P´urheepecha Jimbo

¹⁰ Enga úpka, ima ánjeli arhiaspti: “Ásï che je, jimbokaksïni ambakiti aiangperakuasï juácheni juka, imani enga jimbo kánekua tsípenhaaka.

San Lucas 2:10 Iomraidhean Croise

San Mateo 14:27

K'óru Jesusi jimajku uandajpaaspti: “¡Ásï che je, jíska!”

San Mateo 28:18

Jesusi andarheraaspti ka arhiaspti: “Iámendu jásï juramukua auandarhu ka echerindu intsïnhaska.

San Mateo 28:5

Ka ánjeli uarhitichani arhiaspti: “Ásï jáma je chéni, ji mítetixaka eskajtsï Jesusini jirinhantaxaka, imani enga cháparhatanhaka.

San Marcos 1:15

Ka ísï arhijpesïrempti: “Janoxati jurhiatekua, Diósïri juramukua janoxatiia. K'uanhatsentsï je Diósïri xanharirhu, ka imeri ambakiti aiangpekuani mintsita jinguni jakajku je.”

San Marcos 16:15

Ka arhiaspti: “Iámu parhakpentsï niuaka ambakiti aiangperakuani aiangpentani.

San Lucas 1:13

Ka ánjeli arhispti: –Sakariasï, ásï jáma chéni, jimboka Diósï kurhaskia chéti uandamukukorhekua, ka chéti uarhiti Isabeli sapini ma kángorheatia; ka Juánuri arhiratarkorheaka,

San Lucas 1:19

Ka ánjeli arhispti: Ji Gabrieliska ka Diósïni marhuakusïnga, ka imarini axasti t'úngeni jinguni uandontskorheni, ka íni ambakiti aiangperakuakini juácheni.

San Lucas 1:30

Ka ánjeli arhispti: –Maria ásï jáma chéni, jimboka Diósï t'úngenimendu jinguniska.

San Lucas 2:11

Iásï Dabiri iretarhu p'ímutantspiri ma andajpenusti, enga Acha Krístueka.

San Lucas 24:47

ka eska iámendu iretecharhu imeri jakanguarhikua jimbo aiangperanhapiringa eska Diósïni andarheranhantaaka, ka eska k'amanharhintskuechani púakuantauaka. Jerusaleni uénani,

San Lucas 8:1

Tátsekua enga i ambe úkorhepka, Jesusi uánekua ireta k'ératicharhu ka ireta sapirhaticharhu jámaspti, Diósïri irechekua jimbanhe aiangperakuani arhijtsïkpeparini. Ka témbeni tsimani jurhengorherichaksï pámbetapaxapti,

Hechos 13:32

Ka juchajtuksïni ambakiti aiangperakuani aianguntaxaka engaksï juchari tua anapuecha aiamenhapka,

Romanos 10:15

Ka ¿Nénaksïsï arhijtsïkpea, enga nónema sáni axaajka aiangpentani? Eska na karakata jaka: ¡Xáni engaksï sési xanharajka ima engaksï ambakiti aiangperakuani juáni jaka! Arhini.

Efesios 3:8

Ji míndanhaska indeni kóntperakuani no judiuechani aianguantaani engani imeri erakukatecha jinguni sánderu nómbe méka, Krístueri xáni ambarhati kóntperakuechani.

Colosenses 1:23

Uétarhisïndi k'óru eskajtsï uinhamu mintsikaaka, ásï mirikurhi je ambejtsïsï piua ambakiti aiangperakua jimbo. I ambesï iápuru isï uandanhantani jati ka jíjtuni jarhopexaka uandantani.