San Lucas 16:2 - Diósïri Karakata P´urheepecha Jimbo

² Jatsikorheri ióarhispti jántspiricheri juramutini ka arhini: ‘¿Ambeski ima ambe engani chéti ambe aiangunhantani jaka? Aianguntsïrini nénari ánchekorhexaki, jimbokakini kénditaakia; nóteruri jucheti jántspiricheri juramutiuakia.’

San Lucas 16:2 Iomraidhean Croise

San Mateo 12:36

Ka jíksïni arhixaka eska ima jurhiatekua enga arhinharhikperanhaaka, eska táchani ísï mókukorhenhaaka ísku jásï uandakuechani jimbo enga xáni uémuskorhenhaka.

San Mateo 20:8

“Chúrekua, ima tata enga ánchekorherichani káani jápka, arhispti imani enga ánchekorherichani urhekuani jápka: ‘Imechani urheta uandajpaa ka maiamua engaksï inchatiru inchaakuka, ka xásïri imani maiamuauaka engaksï tsípku ichaakuka.’

San Lucas 12:20

Ka Diósï arhispti: ‘Inchandime, iásï chúrekuari uarhiaka, ka imani ambe engari patsani jaka, ¿Nériua?’

San Lucas 12:42

Acha uandaspti: “¿Náki jántspiricheri urhejtsïkuri mintsinharhikueski? Ima enga imeri k'umanchekuarhu anapuechani ánchetpirini jurajkukuajka eska t'irerauaka na enga jándu uétarheaka.

San Lucas 16:1

Jesusi jurhengorheri jémbechani aianguasptijtu: “Jarhaspti ma acheti jatsikorheri enga imeri jántspiricheri juramutini ma kámempka; ka nirasptiksï aianguni eska ima jántspiri jatsikorhekuani nósesi úrakuxapka.

San Lucas 16:3

Jántspiricheri juramuti eratsentani uénaspti: ‘¿Néna jámaia engarini jucheti ánchetpiri ánchekorheta euantaakia? Nóteruni jurhenaska echeri ánchetani, ka k'uratsesïnga intsïmbetkorheni jámani jarhani.

Romanos 14:12

Ka jimbo, táchantsï aianguntaaka Diósïni.

1 Corintios 1:11

Jimbokani chári ambe aiangunhaxaka, tata Kloeo anapuechajtsïni arhisti na engajtsï arhirperani jaka.

1 Corintios 4:2

Ka iásïchka, enga uetarhejka eska ma patsari ka jurhetpiri mintsinharikueuaka.

1 Corintios 4:5

Jimajkani, cha ásï urhetatapakorhe je arhinharhikpeni eroka je enga jamberi Acha janoaka. Jimboka imasï xarhataaka, ambe enga pájpakandu únhaka ka ambe enga p'ikuarhenhenhani jaka. Jiánisï Diósï mandani arhini sési arhiantauati ka intsaani ambe enga andakorhenhaka.

2 Corintios 5:10

Jimboka uétarhesïnga eskachi iámenduecha Jesukristueri juramukuarhu péranhaaka, eskajtsïni exeaka, ka eska jima táchani intsïnhaaka ambe enga parhakpeni irekorheparini andakorheka, sési ambe o nósei ambe.

1 Timoteo 4:14

Marhuata kóntperatani engari intsïnhaka, jiájkani engaksïni terujtsïkuricha Diósï jimbo uandapka ka engaksïni p'ájtsïkupka.

1 Timoteo 5:24

Máruksï ambantku xarhatakorhesïndi k'amanharhintskuechani, nájtukaksï nótku arhinharhikunhani jauaka, ka máruksï tátsekua xémenhantasïndi.

1 Pedro 4:10

Ka máteruecha jinguni sési úra je ambe engaksïni Diósï kóndeka.

1 Pedro 4:5

Imaksï Diósïni japarini uandantaati imani jimbo engaksï újka, ima enga tsípiticha ka uarhirichani k'uetsaperantajka.

Apocalipsis 20:12

Ka uarhirichantuni exeaspka engaksï k'éri ambepka, ka engaksï no k'éri ambepka, k'éri uaxantskuarhu urhepaniksï anhaxurhitin jarhani, ka karakatechaksï máru p'irakunhaspti, ka uarhirichaksï arhinharhikunhaspti eskaksï karakatecha na arhimpka, néna engaksï jámapka; ka karakata tsípekueri tátsekua p'irakunhaspti.