San Lucas 11:4 - Diósïri Karakata P´urheepecha Jimbo

⁴ K'amanharhintskuechantsïni púacheantsï, ísï eskani juchajtuni na púakuantajka iámendu imechani engajtsïni jánhechejka. Ásïjtsïni jiáreta eskachi nósesi jásï ambe únhchaaka, [sánderu sáni, nóambakitintsïni kénditache.]

San Lucas 11:4 Iomraidhean Croise

San Mateo 18:35

Ka Jesusi útasï uandasptiteru: “Májkuenksïni kántaati mándani arhini jucheti Táte enga auandarhu jaka, ekajtsï cha mintsita jinguni chári erachini no púakuantaska.”

San Mateo 26:41

Tsínharhitini ja je ka kómarhini ja je, ásïksïni nósesi jásï ande. Sési jimbo espiritu uékaxati, k'órujtsï cha no úsïnga p'íngukorheni.”

San Lucas 11:5

Jesusi arhiasptiteru: –Ju je eranhaskani eska cha ma ísï p'íchpirini ma kámsïnga, ka eskaksïni ima terujkani chúrekua uámutachesïnga ka arhinksïni: P'íchpiri, tanimu echakua kurhindarini p'ítseta,

San Lucas 13:4

¿O cha jakajkuxaki eskaksï Jerusaleni ima témbeni iúmu tanimu sánderu k'amanharhintaspka enga ísï Siloeri k'umanchekua iótati jatajchakuapka?

San Lucas 22:46

ka arhiaspti: –¿Andijtsïsï k'uíni jaki? Jauara je ka uandamukukorheni je, ásïksïni terungutpiri ande.

San Lucas 8:13

Ima namoni tríju enga tsakapendu andatseraka; imechani arhiaxati engaksï aiangperakuani kurhajka ka tsípekua jingunksï jiókorheni, k'óruksï no kánekua sïrangua pásïndi; namoni jurhiajkuksï jakajkusïndi, ka nóksï úsïndi jima engaksï ts'éjkunhajka.

San Juan 17:15

Nókini arhixaka eskari parhakpeni p'íjpantauaka, sánderu sánikini arhixaka eskari Nóambakitini kénditakuauaka.

1 Corintios 10:13

Chájtsï nóma ts'ejperata nitamanchaska engajtsï no úaka jakukuni; ka Diósïni mintsikaxaka eskaksïni no jurajkuaka eskajtsï jukari jamberi ts'éjkunhaaka, eskaksïni jarhuataaka tekantani ka sóntkujtsï uérakuni ekajtsï ts'éjkunhaaka.

Colosenses 3:13

Ekajtsï arhirperata ambe jatsitsperaka tekatsperantsï je ka púatsperantsï je. Ekaksïni Acha puáchentakia chájtuchka ísï púatsperantsï je,

2 Tesalonicenses 3:3

Acha no méni jurajkpiristi; imajtsïni uinhaperaati ka exentsïni jarhani eskajtsïni Nóambakiti nómbema úcheaka.

2 Timoteo 4:18

Acharini métku ísï kuájpeati, ka p'ímutantatirini ka imeri t'ímarhandekuarhurini péraati. ¡Eska ima méntku ísï k'ériuaka! Eska Ísïuaka.

Santiago 2:13

Jimbokaksï ima engaksï no p'amojpejka, Diósïjtu no p'amojkuantauati arhinharhikuani. ¡P'amojkperakua andaati jiájkani enga arhinharhikperanhaaka!

Apocalipsis 2:10

Ásï jáma chéni ekari nósesi nitamanchaaka. Era, Nóambakitiksïni máru chánksïni k'ataperakuarhu incharaati, ka jimajtsï témbeni jurhia ts'éjkunhaaka. T'u uarhikuarhu jamberi sési mintsika, ka jíkini tsípikueri kanakua íntskuaaka.

Apocalipsis 3:10

Jimbokari jucheti uandakuani mintsikaska, jíjtukini patsaaka ima jándu enga ts'éjkukua janoaka, ka iápuru enga xáni irenhaka janoati, jimbokaksï iámenduecha ts'éjkunhaaka.