San Lucas 1:2 - Diósïri Karakata P´urheepecha Jimbo

² ísï eskajtsïni na aianguka ima engaksï exekorheka uénani jámani, ka engaksï tátsekua uandakuani aiangpentani ánchekorheni p'ika.

San Lucas 1:2 Iomraidhean Croise

San Marcos 1:1

Jesukristueri ambakiti aiangperakua ísï uénasïndi, [ima enga Diósï uájpeka.]

San Marcos 16:20

Ka jurhengorherichaksï niraspti iápuru isï ambakiti aiangperakua aiangpeni, ka Acha jarhuatapasïrempti, jimbokaksï uandakuani milagruechani jimbo tsïrimerapasïrempka.]

San Marcos 4:14

Tríju jatsikuti, uandakua aiangpitisti.

San Lucas 24:48

chájtsï íni ambesï uandantaaka.

San Juan 15:27

Ka chájtujtsï xárhataaka, jimbokajtsï uénani jámantki ji jinguni jamaxaka.

San Juan 16:4

Íni ambeksïni arhixaka, uékani eska enga na niáraaka jurhiata ka ísï úkorheni, eskajtsï miántaaka eskaksïni aianguspkia. “Íni ambeksïni no arhixapka jimbokani cha jinguni jámaxapka.

Hechos 1:3

Ísï tátsekua enga xáni nósesi kánhapka ka uándikunhani, tsípiti xarhakuantaaspti ka sési exeraaspti eska tsípiti jámaxapka, ka tsimani ekuatse jurhiatekuaksï exentaspti, ka ima Diósïri irechakueri ambe uandaxekuasïrempti.

Hechos 1:8

k'óru jiájkani engajtsï p'iuaka Espiritu Sántueri uinhapekua, engaksïni andajtsïkueraaka, Jerusaleni ka iápuru Judea ka Samaria ka ma parhakpentsï uandantaaka ambe engajtsï jucheti ambe exeka.

Hechos 14:25

Ka Pérgaksï uandakuani aiangpentaspti ka jima uératinksï Atalia kétsemaspti.

Hechos 16:6

Frígiaksï parhikuspti ka Galasia isï, jimboka Espiritu Sántu no jiáretaaspka eskaksï Ásia uandakuani arhijtsïkpepiringa.

Hechos 17:11

Jima anapuechaksï sánderu ambarhati k'uripuespti eskaksï Tesalonika anapuecha, ka uandakuanksï mintsita jinguni p'irasïrempti. Mándani pauanksï jángorhentasïrempti karakatecharhu jirinhantani ambe engaksï xáni aiangunhantempka.

Hechos 26:16

K'óru anhaxurhintsï; xarhacheskakini eskari jucheti jántspiriuaka ka eskari jucheti ambe uandantaaka engari exeka ka ambe engaterukini exeraaka.

Hechos 4:20

Jimbokani jucha no úaka no uandantani indeni ambe engachi jucha xékorheka ka kurhaakorhenchi.

Hechos 8:4

Ka ima engaksï etsakurhitini jámani jápka iápuru ísïksï ambakiti aiangperakuani uandantapaxapti.

Romanos 15:16

Jesukristunisïni jántspekuni jámka. Diósïri ambakiti aiangperakuani aiangpesïnga ísï eska táta ma. Ka no judiouechani jurhendaaxaka, eska Diósï ísï jámani kéjtsïtakueni jiókorheauaka judiouechani engaksï arhutakata jaka Espiritu Sántuni jimbo.

1 Corintios 4:1

Ka ísï jimbo, chájtsïni Krístueri jántspirintku exe je, ísï eskaksï ima engaksï patsajka ka jurhetpeni Diósïri no mítekata ambe.

Hebreos 2:3

¿Juchachi nénasï púamenhantaia engachi xáni k'éri p'ímutantskuani no patsapatsandakorhejka? Ima p'ímutantskua enga Acha uénaka uandantani, ka engajtsïni tátsekua ima ts'ïrimeracheka engaksï kurhajchakorheka,

1 Pedro 5:1

Achamasï urhejtsïkurichani arhiaxaka, ísï uandaxaka jimbokani jíjtuni urhejtsïkuriska, ka xékorheska Krístu na enga úkorhenchaka, ka jíjtuni p'iuaka imani t'íntskuani enga xarharani jámkia.

2 Pedro 1:16

Engaksïni aianguntaka eska Acha Jesukristu uinhapekua jinguni junguaka, jucha nómbema újtsïkorheska, jucha Jesusiri k'érikuani xékorheska.