San Juan 8:51 - Diósïri Karakata P´urheepecha Jimbo

⁵¹ Sési jimboksïni arhixaka, ne enga kurhandirakuska jucheti uandakuani, no uarhiati.

San Juan 8:51 Iomraidhean Croise

San Mateo 16:28

Sési jimboksïni arhixaka máru engajtsï ixu jaka, nótkijtsï uarhini jauaka engajtsï no urheta exeaka Acheti Uájpani jurhani irechetspeni.”

San Lucas 2:26

ka aianguspti eska nótki uarhini japiringa eska urheta Krístuni exepiringa.

San Juan 14:23

Jesusi arhintaspti: “Ekarini nema xénhchka, kurhandirakuati jucheti uandakuani, ka jucheti Táte xénhchaati ka jucha andarheraaka, ka ima jingunichi irekaaka.

San Juan 15:20

Mía je engaksïni arhika: Jántspiri no sánderu ambesïndi eska ánchetpiri jémba. Engajtsïni jíndeni atani kámaka, chánksïntuksïni atani kámaati; ka ekajtsïni jíndeni kurhajchajka, chánksïnijtuksïni kurhajchaati.

San Juan 17:6

“Parhakpeni anapuechani xéraaska na engari jáxeka, imechani engarini t'u íntsaaka. Chétisptiksï ka t'úrini íntsaaska; ka chéti Uandakuanksï kurhandirasti.

San Juan 5:24

“Sési jimboksïni arhixaka eska ne enga sési kurhajtsïtani jaka engani ji uandani jaka ka enga jakajkuska imani engarini axaka, ambakiti tsípekua méntku isï anapu p'itixatiia; ka no k'amanharhiranhantaati, jimboka uarhikuarhu uératini ambakiti tsípekuarhu niáraskia.

San Juan 6:50

ka ji imani t'irekuasïni uandani jaka enga auandarhu uératini jurhajka; ne enga imani arhajka, no uarhisïndi.

San Juan 8:12

Tátsekua Jesusi ménderu uéntaspti arhijpeni: –Parhakpeni anapuecha jinguni jísïni t'íntskueka, ne engarini chúxapuska, intsïnhati t'íntskua enga tsípekua íntskuaka, ka nómeni p'ájpakandu jámaati.

San Juan 8:52

Judiouechaksï ménderu arhispti: –Iásï k'óruchi sánderu sési jánhaskaskia eskari nóambakitini kámaxaka. Abrani, ka iámenduksï Diósïri uandaricha uarhisti, ka t'úri uandasïnga: “Ne enga kurhandirakuska jucheti uandakuani, no uarhiati”

San Juan 8:55

Enga úka, chájtsï no míteska. Ji míteska; ka ekani no míteni uandapiringa, jíjtuni májkueni chkuándirapiringa eska cha. Ka sési jimbo ji míteska, ka kurhandirakusïnga imeri uandakuani.

Hebreos 11:5

Ka jakajkukua jimbo, Enoki tsípiti pánhantasti, eska no mítepiringa néneski uarhini, jimbosï nómeni xénhantapti imeri anhanhatakua, jimboka Diósï pántaska. Karakatarhu arhisïndi eska Diósïni jaiapanherantasïrempka.

Hebreos 2:9

Ka imani enga sánderu kétsekua péraka eska ánjelichani, Jesusini; exexakachi eska t'íntskuarhu jarhaska ka eska k'érikuarhu jarhaskia, jimboka úska uarhikuani uérakuni, jimbokajtsïni Diósï xáni kóndentaska, jimbosï uékati eska iámenduecheri jimbo uarhipiringa.