San Juan 8:44 - Diósïri Karakata P´urheepecha Jimbo

⁴⁴ Chári táte nóambakitisti; chájtsï imeriska, ka jángorhesïngajtsï imani ambe úni enga ima uéjka. Nóambakiti uénani jámantki uandikpitisti. No méni jurhimbekua jingunisti, ka méntkisï chkuándirasïndi. Enga chkuándirajka, imanisï uénhejti enga jatanheka; jimboka chkuándireska ka ima sánderu k'éri chkuadirakuesti.

San Juan 8:44 Iomraidhean Croise

Hechos 13:10

arhispti: –¡T'u, chkuándira, ka nósesi ambe úri, nóambakiti uájpa, t'u engari no uéjka eska Diósï na uéjka!, ¿Acheri sési jásï xanharichandi na jatini jamberi nósesi jántskaraani jaua?

1 Juan 3:12

Ju je no Kainini jámani, ísï nóambakiti uájpeni, erachi jémbani atasti uándikuni. Ka ¿Andisï uandikupkia? Jimboka ima nósesi ambe niátasïrempka ka jimboka erachi jémba sési ambe úsïrempka.

2 Corintios 11:3

Ka chéxaka eskajtsï tsîjpekia ka nóterujtsï Krístuni erokorheni jarhania, ísï eska Ébani akuitse tandojchpiri na támisï pápka,

Apocalipsis 12:9

Ísï jimbo t'arhe k'éri kakoni, akuitse enga iónikia, enga Nóambakitika ka Satanasi arhinhajka, enga ma parhakpeni terungutpejka auandarhu pétanhantaspti imeri ánjelichani jinguni ka parhakpenirhuksï k'uanijpanhaspti.

San Juan 8:38

Ji imani ambesïni uandajka engarini Táte jucheti exeraka; chájtu méntkueni imani ambe u je engajtsï chári táteni kurhajchaka.

San Juan 8:41

Chájtsï májkueni ambe úsïnga eska chári táte. Imaksï arhispti: –¡Jucha no ísku jándi uájpeska; Diósïjkusï Táteti!

1 Juan 3:15

Ne enga erachi jémbani ikimchajka atajpitisti, ka mítetixakajtsï eska nóma atajpiti sési jásï tsípekua intsïnhaaka.

San Mateo 13:38

Ka echeri enga tríju k'uájpanhajka, parhakpenisti; ambakiti tríju, irechekua uájpesti, ka tríju jeramba nóambakiti uájpesti.

Judas 1:6

Ka ístu ánjelichani engaksï no uékapka jima jarhani engaksï péranhapka, ka sánderuksï imecheri irekuarhu kéndikusti. Diósï jima jatsiasti enga méntkisï pájpakandeka, tiámu jimbo jójkuatini, erokorheni ima jurhiatekuani enga arhinharhikperanhaaka.

1 Juan 2:4

Ne enga uandajka: “Ji Diósïni míteska” ka jini no kurhandirakuni imeri juramukuechani, chkuándiresti ka ima ambe enga ísïka no ima jinguni jámaxati.

Apocalipsis 21:8

K'óruksï chémsïcha ka no jakajkuticha ka nósesi irericha ka uándikpiticha ka ísku jándicha ka sïkuamecha ka engaksï úkatechani diósïrajka ka iámendu chkuándirechaksï chpíriri japundarhuksï k'uanimanhaati, jima enga janhajanhajkundini jaka, jimasï tsimani úni jámani uarhinhajti.”

1 Pedro 5:8

Jinguntku ja je ka míani ja je. Nóambakiti engajtsïni ikiachejka, ísï jurhani jarhasïndi eska púki, karuchantani jarhasïndi jirinhantani nénisï ántaa.

Apocalipsis 9:11

Ka ánjeli jauanhekuarhu anapunksï irecheni jatsikorhespti, enga Abadoni jakangurhinhajka ebreo jimbo, enga xerendurhijpiti arhikuekajka.

Hechos 5:3

Ka Pédru arhispti: –Ananiasï, ¿Andirisï jurajkutakorhe eskakini nóambakiti mintsitani manatachepiringa, ka ísïri Espiritu Sántuni chkuándirakuni engari tuminani engari echeri jimbo maiamunhaka sáni arhutakorheka?

San Juan 6:70

Jesusi arhiaspti: ¿Andi nóksïni ji chánksïni témbeni tsimani erakuski? Ka náuejki isï, cha ma isïjtsï nóambakitiska.

Apocalipsis 2:10

Ásï jáma chéni ekari nósesi nitamanchaaka. Era, Nóambakitiksïni máru chánksïni k'ataperakuarhu incharaati, ka jimajtsï témbeni jurhia ts'éjkunhaaka. T'u uarhikuarhu jamberi sési mintsika, ka jíkini tsípikueri kanakua íntskuaaka.

2 Pedro 2:4

Diósï imani ánjelichani jamberi no púakuantaasti engaksï k'amanharhintapka, sánderu jamberi iauani kénhekua uekanhaaspti ka pájpakandu mínhaani, jima jatsiani imani jurhiatekua jamberi enga arhinharhikperanhaaka.

Apocalipsis 13:14

ka parhakpenirhu anapu k'uiripuni imani míndechani jimbo tandonhastaani, enga sésikua intsïnhapka nósesi jásï tsípitini marhuakuparini, arhiaparini parhakpeni anapuechani eskaksï nósesi jásï tsípitini eratakua ma úkupiringa, enga atajpetarakua uarhomuti jimbo atakata jápka ka ménderu tsíntani.

Apocalipsis 22:15

K'óruksï nósesi úricha uérakua pakaraati, ka sïkuamecha ka ísku jándicha, ka uándikpiticha, ka ima engaksï úkata eratakatechani diósïrajka, ka ne uéjki enga chkuándireuaka.

San Mateo 12:34

¡Akuitseni járhaticha! ¿Néna jimbojtsïsï no ambakeparini sési ambe uandajki? Ambe enga mintsitarhu jatanhenhajka ima ambe uandanhasïndi.

San Mateo 13:15

Jimboka i ireteri mintsita chuperi úkorhetixaka, ka mínharhikorhestiksï jimbokaksï no uékasïnga exeni, ka níksï mintsita jinguni kurhangukuekajki, jimbokajtsïni no uékasïnga andarhentaani, ka ji no úaka ambakerantaani.’”

San Juan 7:17

Enga nema uéjka Diósïri eratsekua úni, exeati eka Diósïrika jucheti jurhentperakua o ekani újtsïkorheni jaka.

San Juan 8:55

Enga úka, chájtsï no míteska. Ji míteska; ka ekani no míteni uandapiringa, jíjtuni májkueni chkuándirapiringa eska cha. Ka sési jimbo ji míteska, ka kurhandirakusïnga imeri uandakuani.

1 Juan 1:8

Engachi uandajka eskachi k'amanharhintskua nóma jukaraska, jandiojkuchi tandosï úkorhesïnga ka ima enga ísïka no jucha jinguni jarhasti,

1 Juan 2:21

Nóksïni karachexaka jimbokajtsï no míteska imani enga ísïka, sánderu sánksïni karachexaka jimbokajtsï míteskia; ka jimbokajtsï míteska eska nóma chkuándirakua imeriska enga ísïka.

Hechos 24:9

Ka judiuechaksï Tértulu jingunispti, uandaxaptiksï eska ima ambe ísïspka.