San Juan 8:12 - Diósïri Karakata P´urheepecha Jimbo

¹² Tátsekua Jesusi ménderu uéntaspti arhijpeni: –Parhakpeni anapuecha jinguni jísïni t'íntskueka, ne engarini chúxapuska, intsïnhati t'íntskua enga tsípekua íntskuaka, ka nómeni p'ájpakandu jámaati.

San Juan 8:12 Iomraidhean Croise

San Mateo 5:14

“Chájtsï íni parhakpeni anapu erajkutakueska; k'éri ireta ma enga juátarhu karhakua jarhajka no úsïndi no xarharani.

San Lucas 2:32

Erajkutarakua enga ma parhakpeni t'íntskaraaka ka enga chéti ireta Israeli k'érika.”

San Juan 12:35

Jesusi arhiaspti: “Sónderku, nóteru iónia, eramarhandekua cha jinguni jámaxati. Xánhara je iásï engajtsï útasï eramarhandekuani jatsika, eskaksïni no pájpakandekua andanguaka; ne enga pájpakandu xanharajka, no mítesti nanisï nirajki.

San Juan 12:36

Engajtsï útasï eramarhandekuani jatsika jakajkuku je, ka eramarhandekuajtsï uájpeuaka.” Enga na ísï uandapka, Jesusi jarhareaspti ka jirikorhekuani.

San Juan 12:46

Ji eramarhendekueska, parhakpeni jurhaska eskaksï iámendu ima engajtsïni míntsïkaska nóteru pájpakandu jámaakia.

San Juan 14:6

Jesusi arhispti: –Ji xanhariska, ka imeska enga ísïka, ka tsípekueska. Nónema andarhentasïndi táteni enga no jíndeni jimboejka.

San Juan 3:19

Ima engaksï no jakajkujka, k'amanharhiranhantastiksïa, jimbokaksï nósesi ambe úsïrempka. Jiájkani enga parhakpeni anapu eramarhandekua juka, pájpakandekuanksï erakusti ka nóksï eramarhandekuani erakuni.

San Juan 7:17

Enga nema uéjka Diósïri eratsekua úni, exeati eka Diósïrika jucheti jurhentperakua o ekani újtsïkorheni jaka.

San Juan 9:5

Engani jámberi íni parhakpeni jámani jaka, parhakpeni anapu erajkutarakueska.

Hechos 13:47

Jimbokajtsïni Acha ísï juramucheska: No judiuecheri erajkutarakuenkini axaska, eskari p'ímutantskuani ma parhakpeni páaka.

Hechos 26:23

Eska Krístu uarhipiringa ka eska ima uénapiringa tsíntani ka ísï judiuechani ka no judiuechani erajkutaapiringa.”

2 Pedro 2:17

Indeksï jurhentpiri eratakorhecha, ísïsti eskaksï itsarhuecha engaksï k'arhingukia, ka eskaksï janikuecha enga akuitse janikua pájka, indeksï sánderu kánekua pájpakandekua patsamenhaxati.

2 Pedro 2:4

Diósï imani ánjelichani jamberi no púakuantaasti engaksï k'amanharhintapka, sánderu jamberi iauani kénhekua uekanhaaspti ka pájpakandu mínhaani, jima jatsiani imani jurhiatekua jamberi enga arhinharhikperanhaaka.

1 Juan 1:6

Ekachi uandaparini jámka eskachi ima jinguni májkuentatixaka, ka jinichi p'ájpakandu irekani jarhani, chkuándirasïngachi ka nóchi ísï irekaxaka eska néka.

Judas 1:13

Japunderi k'érati jenguerakuenksï jáxesti, engaksï k'uratsekua ambe k'uruarhekorhejka; jóskuenksï járhasti engaksï jini ka jini jámka, ka méntkisï anapu pájpakandekuaksï patsamenhaxati.

Judas 1:6

Ka ístu ánjelichani engaksï no uékapka jima jarhani engaksï péranhapka, ka sánderuksï imecheri irekuarhu kéndikusti. Diósï jima jatsiasti enga méntkisï pájpakandeka, tiámu jimbo jójkuatini, erokorheni ima jurhiatekuani enga arhinharhikperanhaaka.

Apocalipsis 21:24

Ka iretechaksï imeri eramarhandekuarhu xanharaati, ka parhakpeni anapu irechecheri k'érikuaksï imani k'érikua íntskuntaati.