San Juan 7:13 - Diósïri Karakata P´urheepecha Jimbo

¹³ Enga úpka, k'uiripuni japarini nónema tekaasïrempti imeri ambe uandani jimbokaksï judiouecheri achamasïchani chérheasïrempka.

San Juan 7:13 Iomraidhean Croise

San Juan 19:38

Ísï tátsekua enga na ísï úkorhepka, Jose Arimatea anapu enga Jesusiri jurhengorheripka, Pilatuni arhispti sésekua kurhakuni eska jiáretapiringa Jesusini pántani, k'óru sïpatekuarhku jimboka judiouechani chérheasïrempka. Ka Pilatu jiáretaspti. Niraspti ka pántasptia.

San Juan 20:19

Imani jurhiatekua, domingu xatini engaksï jurhengorhericha minhakorhetini jápka judiouechani chérheani; Jesusi jima teruakuni xarhakuaspti ka arhiani: ¡Cha jinguni jaue sési jakua!

San Juan 3:2

Ima chúrekua niraspti Jesusini p'urhembeni, ka arhispti: –Jurhentpiri, míteskachi eskakini Diósï axaska jurhentpeni, jimboka nónema úpiringa xárhati milagru úani ísï eska t'u na úajka, enga Diósï no ima jinguni japiringa.

San Juan 7:1

Ísï tátsekua, Jesusi Galilea isï jámaxapti. No uéksïrempti Judea jámani jarhani, jimbokaksï judiouecha uándikukuekaxapka.

San Juan 7:11

Judiouechaksï k'uínchekuarhu jirinhantaxapti, ka uandasïremptiksï: –¿Nanixamu jámani jaki ima acheti?

San Juan 7:15

Judiouechaksï ísku pakareratini uandasïrempti: –¿Néna jámani i xáni uáni ambe míteski, nándi no jurhengua p'iti?

San Juan 9:22

Tátjembechaksï chéta jimbo ísï uandaspti, jimbokaksï judiouecha arhijperatixapka eskaksï petantapiringa tángorhentskuarhu néni enga jiókorhepiringa eska Jesusi Krístuespka.

San Juan 9:34

Ísï jimboksï arhispti: –¿Tekaasïnijtsïni juchantsïni t'u xukani? Engari iámu k'amanharhintatini kángorhenhaka. Ka tángorhentskuarhuksï petantaspti.

Apocalipsis 2:13

Ji míteska nani engari irekaka, jimini enga k'éri uaxantskua Nóambakitiri jaka. T'úri k'óru jucheti jakangurhikuani mintsikaxakateru, ka nóri uandaxaka nóterurini jakajkunia, ni jimajkani enga jucheti ambakiti jántspiri Antipasï uándikunhapka, jimini Nóambakiti jarhasti.