San Juan 7:1 - Diósïri Karakata P´urheepecha Jimbo

¹ Ísï tátsekua, Jesusi Galilea isï jámaxapti. No uéksïrempti Judea jámani jarhani, jimbokaksï judiouecha uándikukuekaxapka.

San Juan 7:1 Iomraidhean Croise

San Mateo 10:23

Engaksïni ireta ma jimbo atakuekaaka, máteru iretarhu ni je sïpakorheni. Sési jimbochkaksïni arhixaka eska Acheti Uájpa junguaka engajtsï nótki iápuru Israeli anapu iretecharhu nirani jauaka.”

San Mateo 21:38

Ka tarherichaksï uájpani exerini arhijperaspti: I jurajkumenhaati echerini, ju je uándikuni ka inderi echerinchi jucha pakataaka.

San Marcos 11:18

Engaksï tátecheri juramuticha ka juramukua jurhentpiricha íni ambe kurhapka, uénasptiksï jirinhakuntani nénaksï atapirini uándikuni Jesusini, jimbokaksï chérhesïrempka enga imeri jurhentperakua jimbo iámenduecha ísku pakaranhempka.

San Juan 1:19

Engaksï judiouecheri urherukuticha, tátechani ka lebitechani Jerusaleni uératini axaapka, eskaksï nipiringa Juánuni kurhamarheni ima néspki,

San Juan 4:3

Enga Jesusi aiangunhapka eskaksï fariseouecha mítespkia, Judea uéakuntaspti ka Galilea k'uanhatsentani.

San Juan 4:54

Jesusi, íni tsimani úni jámani milagru úspti, enga Judea uéntatini Galilea janonguapka.

San Juan 6:1

Tátsekua enga na ísï ambe úkorhepka, Jesusi Galilea anapu japundarhu niraspti, enga Tiberiasi arhinhajka,

San Juan 7:11

Judiouechaksï k'uínchekuarhu jirinhantaxapti, ka uandasïremptiksï: –¿Nanixamu jámani jaki ima acheti?

San Juan 7:13

Enga úpka, k'uiripuni japarini nónema tekaasïrempti imeri ambe uandani jimbokaksï judiouecheri achamasïchani chérheasïrempka.

San Juan 7:19

“¿Andi nóksïni Moisesisï juramukuani íntsku? Ka k'órujtsï nónema kurhandirakusïnga. ¿Andijtsïnisï uandikukuekajki?”

San Juan 7:25

Máruksï Jerusaleni anapuecha uandani uénaspti: –¿Andi nóksï ínisï jirinhantani jaki uándikukuekani?

San Juan 7:35

Judiouechaksï jimajkani uénaspti kurhamarhperani: –¿I nanixamu xáni iauani niua, engachi no úaka xéntani? ¿Óxamu judiouecha jinguni niua engaksï máteru iretecharhu irekaka ka no judiouechani jurhendaani?

San Juan 8:37

Míteska eskajtsï Abraniri sïrukueska; ka k'órujtsïni uéksïnga atani uándikuni jimbokajtsï jucheti uandakuani no jiókorhesïnga.

San Juan 8:40

K'óru, náuejkiksïni aiangunia engarini Diósï jurhendaka enga ísïka, chájtsïni uéksïnga atani uándikuni. ¡Abrani nómeni ísï jámasti!

Hechos 10:38

Na enga Diósï Espiritu Sántueri uinhapekuani íntskupka Jesukristu Nasareti anapuni, ka na enga ima jámempka sési ambe úparini, ka ambakerantaaparini imechani enga nóambakiti nósesi kántauempka, jimboka Diósï Jesusi jinguni jarhaspka.