San Juan 6:7 - Diósïri Karakata P´urheepecha Jimbo

⁷ Felipe arhispti: –Témbeni ekuatse jurhiatekua andakata jimbo t'irekua piákata no andangupirindi ka útasï sánhantku intspeparini.

San Juan 6:7 Iomraidhean Croise

San Mateo 18:28

Ka jántspiri irecho uéntatini, exentaspti pámpiri jémbani ma enga iúmu ekuatse taiakata kánguempka, ka mápchakuspti arhini: ‘Juángia tuminani.’

San Marcos 6:37

Ka Jesusi arhiaspti: –Cha t'irerpe je. Ka imaksï arhispti: –Xáni uáni t'irerpeni, jukari terujkani uéxurhini ánchekorheteri andakata uétarhesïndi, ¿Nénarisï uéjkia eskani jucha t'irerpeaka?

San Juan 1:43

Pauandekuarhu, Jesusi eratsespti Galilea isï nirani. Felipeni jima xéntaspti ka arhini: –Chúxapurini.

San Juan 1:44

Ima Felipe, Betsaida anapuespti, jima engajtu Andresï ka Pédru anapuepka.

San Juan 1:45

Felipe, Natanaelini niraspti jirinhantani, ka arhispti: –Xéntaskachi imani enga Moisesi juramukuarhu arhijka, imani engaksï Diósïri uandarichajtu karaka. Jesusini, Jose uájpani, Nasareti anapu.

San Juan 1:46

Natanaeli uandaspti: –¿Andi ua Nasareti nema sáni ambakiti ambeni uérani? Felipe arhispti: –Ju exekorheni.

San Juan 1:48

Natanaeli kurhamarhespti: –¿Nénarini jámani mítespkia? Jesusi arhispti: –T'uínkini xéspkia engakini Felipe nótki jamberi uandajpani jápka, engari jígusïrhu jandukutini jápka.

San Juan 12:5

–¿Andi no sánderu sésipirini eska inde p'untsumekua ataranhantapiringa, enga sáno ma uéxurhini ánchekorhekata jukaparhaka, ka no jatsikorherichani íntsani?