San Juan 5:3 - Diósïri Karakata P´urheepecha Jimbo

³ ka jimaksï umbamukuspti uánekua p'amenchaticha, pátenharhicha, chkéjchuecha, k'urhujkurhecha (ka engaksï no úempka manakorheni. Iámenduksï ima erokorheni jarhasïremti eska manamepiringa,

San Juan 5:3 Iomraidhean Croise

San Mateo 15:30

Jimaksï uánekua andarheraspti engaksï renhejtechani ka pátenharhichani ka nunuxichani ka k'urhujkurhechani, ka máteru uánekua p'amenchatichani pákuauempka, ka Jesusi iámenduechani ambakerantaaspti.

San Mateo 4:24

Iámu Síria Jesusiri ambe mítekorhespti ka pákuasptiksï iámendu imechani engaksï mámaru ambe jimbo nósesi p'ikuarherempka: Engaksï kómu p'ikuarherempka ka iámendu jásï p'amenchatichani, ka engaksï nóambakitichani incharhekorheatini jápka, ka engaksï p'íntani jámempka ka engaksï no úempka xanharani ka Jesusi iámenduechani ambakerantaaspti.

San Lucas 7:22

Ka ánchperata úrichani arhiantaaspti: –Ni je ka Juánuni aianguntsï je ambe engajtsï exejka ka kurhani. Aiangu je eskaksï pátenharhicha exesïnga, eskaksï chkéjchuecha xánharasïnga, eskaksï xúta jukaricha ambakentasïnga, eskaksï kándicha kurhasïnga, eskaksï uarhiricha tsíntasïnga ka eskaksï nómbema jatsikorhericha ambakiti aiangperakua aiangunhantaxakaia.

San Juan 5:2

Jerusaleni, no iauani jarharetini jima inchakuarhu enga Karichicha arhinhajka, itsï jatakua ma jarhasti enga ebreo jimbo Betsata arhinhajka. Iúmu inchakua sapirhati jukaasti,

San Juan 5:4

jimboka Acheri ánjeli ma kétsesïrempka itsï manamani ka ima p'amenchati enga urheta inchamempka ambakentasïrempti ambe uéjki p'amenchakua kámani japiringa.)

Romanos 8:25

Ka engachi no mítejka ambechisï intsïnhaa, tekantani jarhasïngachi erokorheni.

Santiago 5:7

Erachicha kánekua tekaantsï je imani jurhiatekuani erokani enga Acha k'uanhatsentaaka. Exe je, na enga tarheri ma tekaantka ambakiti p'ikuntskuani erokorheni, náuejki ióndani o sóntku janintani.