San Juan 4:23 - Diósïri Karakata P´urheepecha Jimbo

²³ Ka janoxatiia jurhiata, ka iásïstia, eska ima engaksï sési jimbo k'éri ambe arhijka Táteni, sésimenduksï mintsita jinguni k'éri ambe arhiaka. Jimboka Táte imechanisï uékaani jaka engaksï ísï k'éri arhiaka.

San Juan 4:23 Iomraidhean Croise

San Juan 1:17

jimboka Moisesi íntspeska juramukuani, k'óru, xénhchperakua ka ima ambe enga ísïka Jesukristu xárhatasti.

San Juan 12:23

Jesusi arhiaspti: –Janostia jurhiata enga Acha Uájpa k'érikuarhu péranhaaka.

San Juan 16:2

Tángorhentskuarhuecharhujtsï chúnhantaaka. Ka niáraati jurhiata engaksïni jamberi ataaka uandikuni ka eratseatiksï eskaksï Diósïnisï marhuakuni jaka.

San Juan 16:32

Jurhiatachka janostia ka iásïstichkia, engajtsï cha táchantku isï etsajkamaaka ka engajtsïni jandiójku jurarkuaka. Eka úka no jandiójku jarhaska, jimboka Táte jíndeni jinguni jarhaska.

San Juan 4:21

Jesusi arhispti: –Uarhiti, jakajkucherini, jimboka janoxakaia jurhiata engajtsï cha k'éri ambe arhiaka Táteni ka no uétarheati eskajtsï ixu juuaka juátarhu níjtu Jerusaleni nirani.

San Juan 5:25

Sési jimboksïni arhixaka eska janoxakaia jurhiata, ka iásïstia, engaksï uarhiricha Diósï Uájpani kurhauaka mintsïrani; ka ima engaksï kurhaska, ambakiti tsípekuaksï jatsiati,

San Juan 5:28

Ásï nósesi exe je íni ambe, jimboka niáraaka jurhia engaksï iámendu uarhiricha imeri mintsirakua kurhauaka

Romanos 1:9

Ji Diósïni jimbo uandaxaka, jimbokani ima Uájperi ambakiti aiangperakuanisïni uandantani jámka, imanisïni mintsita jinguni marhuakujka, ka exexatirini eskaksïni kómarhijpecheni jarhasïnga,

Romanos 8:15

Jimbokajtsï no xásï ma espirituni intsïnhaska engajtsï sóntku ménderu chéni jauakia; sánderu sáni, espirituntsï imeni jásï ma intsïnhaska engajtsï úaka ísï p'ikuarherani eskajtsï uájpeska ka engachi jimbo úaka uinhachaparini arhini: ¡Abba Tate! Arhini.

Romanos 8:26

Méntkueni, Espiritujtsïni jarhuatanisï jurhajti jimbokachi no uinhapekorheska. Jimbokachi no jurhenaska néna kurhajkorheni eskachi úaka uandamukukorheni eska na sésika; ka espiritujtsïni arhijpechesïndi kómu aparini engachi uandakua jimbojku no újka arhini,

Gálatas 4:6

Iásï engajtsï chájtu uájpentakia, Diósï, uájperijtsïni Espirituni juchari mintsitecharhu pérachesti; ka inde Espiritu uandasïndi: “¡Abba! ¡Táte!”.

Efesios 6:18

ka méntku uandamukorheni ja je ka kómarhijpe je, ásï kuatantsï je Espiritu jimbo uandamukukorheni, ka iámendu Diósïrichani kómarhijpekua je.

Filipenses 3:3

Jimbokachi juchasï jindeka engachi sési jimbo ts'iuekuarhu p'ikujtsikumenhaka, engachi Espirituni jimbo Diósïni k'éri ambe arhijka ka engachi Jesukristuni jimbo tsípekorhejka, ka engachi no parhakpenirhu anapu ambe mintsikani jarhajka,

1 Pedro 2:9

Ka chájtsï sïrukua erakukateska, chájtsï sési jimbo Diósïri tátecheska, Diósïri ireta erakukata, kaxumbiticha, engajtsï úandantaaka Diósïri k'érikuani, cha engaksïni Diósï pájpakandekuarhu uératini ióarhintaaka ka imeri t'ímarhandekuarhuksïni pérani.