San Juan 4:10 - Diósïri Karakata P´urheepecha Jimbo

¹⁰ Jesusi arhispti: –Engari mítepiringa ambe enga Diósï íntspejka, ka ekari mítepiringa nékinisï itsï kurhacheni jaki, t'úrisï itsï kurhakupiringa, ka imakini itsï tsípiti íntskupirindi.

San Juan 4:10 Iomraidhean Croise

San Lucas 11:13

Nándijtsï chéia engajtsï no ambarhaka, jurhenaskajtsï chári sapichani sési ambe íntsaani, ¡Na xáni no Diósï auandarhu anapu Espiritu Sántuni íntsaua imechani engaksï kurhakuaka!”

San Juan 16:3

Ka ísïksï jámaati jimbokajtsïni Táteni ka jíndeni nótki mítesïnga

San Juan 17:3

Indesï méntkisï anapu irekueti: Eskaksïni t'úngeni míteaka, májku Diósïni engamendu ísïka, ka Jesukristuni engari axaka.”

San Juan 3:16

“Jimboka Diósï parhakpeni anapuechani xáni xénhchaaska jimbosï jamberi Uájpani íntspeti, imani enga májkueka, eska ne enga imani mintsikajka no uarhiaka, eska méntku isï anapu tsípekua kámaaka.

San Juan 4:14

ka ne enga imani itsïmaska engani ji íntskuaka, nóteru méni k'arhichaatia. Jimboka itsï engani ji íntspejka, méntkisï anapu itsï uérati újpentasïndi, enga tsípekua méntkisï anapu íntspejka.

San Juan 6:35

Ka Jesusi arhiaspti: –Jísïni t'irekueka enga ambakiti tsípekua íntspejka. Ne engarini andarhentajka, nómeni k'arhimaati; ka ne engarini míntsikajka, nómeni k'arhichaati.

San Juan 6:51

Ji ima tsípiti t'irekueska enga auandarhu uératini andajpenuka; ne enga arhaska indeni t'irekuani, méntku isï ambakiti tsípekua jatsiati. T'irekua engani ji íntspeaka jucheti kuiripuekuesti. Engani ji iámenduechani jimbo íntspeaka.”

Hechos 9:11

Ka Acha arhispti: “Jauara ka ni ambukutarhu enga jurhimbitku arhinhajka, ka Júdasïo kurhangorhe acheti Társu anapuni ma enga Sáulu arhinhajka. Jimboka ima uandamukukorhexaka,

Romanos 8:32

Diósï, enga uájpani jamberi no p'amojkuka juchantsïni jimbo íntspeni, ¿Nénajtsïnisï no tsípekua jinguni íntskua iámendu ambe ima jinguni?

1 Corintios 1:30

Imaksïnisï Krístu Jesusi jingunitarati, imesti juchari mímixekua engajtsïni Diósï íntskuka, juchari kaxumbekua ka pimbinhaxekua ka p'ímutantskua,

1 Corintios 10:4

ka iámenduechaksï imeri espiritu itsïmaspti, jimbokaksï itsïmasïrempka k'erenderi espirituni enga imechani pánbeauenka, ka k'erenda Krístuespti.

2 Corintios 9:15

¡Diósïmaiamu arhinhe, jimboka kánekua kóntpesïnga!

Efesios 2:8

Cháchkajtsï Diósïri kóntperakuani jakajkutini p'ímutantskorheska; chájtsï no jandiojku jatini p'ímutantskorheska, jinisï Diósïri kóntperata méti;

Hebreos 6:4

Jimbokaksï no úsïnga ima engaksï tsántsïmapkia, ima engaksï ts'émupkia néneski auandarhu anapu ambe ka engaksï Espiritu Sántuni p'itipkia.

1 Juan 5:20

Míteskajtuchi eska Diósï Uájpa jurhaska ka eskajtsïni kurhangutarakua íntskuska engachi jimbo Diósïni míteaka, imani enga ísïka. Juchachi imani jinguni jarhaska enga ísïka, Uájpa Jesukristuni; imasï Diósïti enga ísïka ka enga méntkisï tsípekueka.

Apocalipsis 21:6

Ka arhisptiterurini: “Iámendu ambe úkata jarhastia. Jísïni Alfaeka ka Omegeni, uénakuaka ka k'amarhukuani; Ne enga k'arhichaaka ji itsïarhu anapu itsï tsípekueri intsïmataaka.

Apocalipsis 22:17

Ka Diósïri espiritu ka Karichiri tembunha uandasïndi: “¡Junguaia!” Ka ne enga kurhani jaka uande: “¡Jungua ia!” Ka ne enga k'arhichani jaka, andaparhakuere; ka ne engateru xáni tsípentajka p'itakorhe itsï tsípekueri.

Apocalipsis 7:17

jimboka Karichi enga terujkani k'éri uaxantskuarhu jaka kuájchakuaxati ka itsï tsípekueri uérakuarhu páuati, ka Diósï imecheri uekua kutsunharhikuauati.