San Juan 3:5 - Diósïri Karakata P´urheepecha Jimbo

⁵ Jesusi arhispti: –Sési jimbokini arhisïnga eska ne enga no itsï ka espiritu jimbo andajpenuska, no úsïnga Diósïri Irechekuarhu inchani.

San Juan 3:5 Iomraidhean Croise

San Mateo 18:3

ka uandaspti: “Sési jimboksïni arhixaka, ekajtsï cha no sapini jáxentaska, nójtsï inchaaka auandarhu anapu irechekuarhu.

San Mateo 19:24

Ménderuksïni arhixaka eska kameiu ma p'ikukueri p'orhojchakuarhu isï sánderu sóntku parhijchakuaaka, eska jatsikorheri ma Diósïri irechekuarhu inchani.”

San Mateo 21:31

¿Náki úski ambe enga tátjemba uékani jápka?” Ka imaksï arhispti eska k'éri. Ka Jesusi arhiaspti: “Sési jimboksïni arhixaka, eskaksïni urhechepaaka inchani Diósïri auandarhu anapu irechekuarhu; tumina tánaticha ka uarhiti ísku jándicha.

San Mateo 28:19

Ísï jimbo, ni je ka iámendu iretechani jurhengorheri ua je, itsï atajtsïkpe je Táteri ka Uájperi ka Espiritu Sántueri jakangurhikua jimbo.

San Mateo 3:11

Jíksïni sési jimbo itsï jimbojku itsï atajtsïkuxaka, eskajtsï móataaka, ka ima engarini chúxapuni jaka, engani ji no jukanchaka kuarhachichani p'ikuani, ima sánderu k'éri ambesti. Imaksïni Espiritu Sántuni ka chpíri jimbo itsï atajtsïkuati.

San Mateo 5:20

“Ísï jimboksïnisï arhini jaka, ekajtsï cha no sánderu sési jámaska eskaksï fariseuecha ka eskaksï juramukua jurhentpiricha, eska Diósï na uéjka, nójtsï inchaaka Diósïri irechekuarhu.”

San Marcos 10:14

Enga Jesusi exeapka eskaksï xukaaxapka, ikiatintku arhiaspti jurhengorherichani: –Jurajkua je sapichani, ásï p'íngua je engajtsïni andarherajka, jimboka Diósïri juramukua imecheriska engaksï indeni járhaka.

San Marcos 16:16

Ka ne eka jakajkuaka ka itsï atajtsïni, p'ímutantskateuati; ka ne enga no jakajkuaka, tsînchetini pakaraati.

San Marcos 9:47

Ekakini chéti éskua nósesi ambe úni terungutaraska, p'itanharhi; sánderu sésiuati engari ma éskua jinguntku inchaaka tsípekuarhu, ka nóri chpírirhu k'uanijpanhani tsimani erhakua éskua jinguni,

San Lucas 13:24

–Jángorhentsi je jimesï inchani enga no kómukurhaka, jimbokaksïni arhixaka eskaksï uánekua inchakuekaaka, ka nóksï úati.

San Lucas 13:3

Aianguxakaksïni eska no ísïska; ka ekajtsï chájtu Diósïni no andarhentaska, chájtujtsï uarhiaka.

San Lucas 13:5

Aianguxakaksïni eska no ísïska ka ekajtsï chájtu Diósïni no andarhentaska, chájtujtsï uarhiaka.”

San Juan 1:13

Ka Diósï uájpestiksï, no jimbokaksï ísï andajpenuka, ka níjtu jimboka k'uiripu erakuaska, sánderu sáni, jimboka Diósï kuerauaska.

San Juan 3:3

Jesusi arhispti: –Sési jimbokini arhixaka eska ne enga no ménderu uéntaska andajpenuni, eska ima no úsïnga Diósïri Irechekuani exeni.

San Juan 3:4

Nikodemu kurhamarhespti: –¿Ka néna ua ma ménderu andajpenuni enga t'arhepeakia? ¿Andi ua ma nánde jémbani ménderu inchaakuntani, ka ménderu uéntani andajpenuni?

Hechos 2:38

Ka Pédru arhiaspti: –Diósïni andarhentsï je ka Jesukristuni jimbo itsï atajtsï je, ka k'amanharhintskuechantsï púamenhantaaka, ka Espiritu Sántuntsï p'iuaka.

Hechos 3:19

Ísï jimbo, Diósïni andarhentsï je ka k'amanharhintskuechantsï nóteru míamenhani jauakia [enga Acheri jurhiatekua niáraaka enga ima mintsitechani karhuantspeantauaka.]

Romanos 14:17

Jimboka Diósïri irechekua no t'irekua o kauikueska, sánderu sáni, sési jakuesti ka sési pájperakuesti ka Espiritu jinguni tsípekuesti.

Romanos 8:2

Jimbokakini juramukua tsípeti Espiritueri enga Jesukristuni jimboeka, p'ímutantastikini engakini k'amanharhintskua ka uarhikua juramucheni jápka.

1 Corintios 15:50

Erachicha k'óruksïni arhixaka: K'uiripekua enga iurhirika ka k'uiripeteni Diósïri irechekuaksï no p'iuati: Jimboka ambe enga terejka, no úati imentu enga no terejka.

1 Corintios 2:12

Ka juchachi no parhakpeni anapu espiritu intsïnhaska, Diósïjtsïnisï íntskuti imeri Espirituni engajtsïni kurhakuntarajka, na engajtsïni Diósï xáni kóndentaka.

1 Corintios 6:11

Ka chájtsï máru urhetku xárhatispka, k'órujtsï iásï sési jajkunhantaskia ka pímbinhajkunhantaskajtsïa, ka kaxumberanhantaskajtsïa Acha Jesukristueri jakangurhikua jimbo, ka ístu juchari Diósïri Espirituni jimbo.

Gálatas 6:15

Nómbe ma jimbo marhoasïndi mínda jukani o no jukani, imasï marhuajti enga ma jimbanhetaaka.

Efesios 5:26

Íni ambe ísï ústi imerirakorheni ka imeri uandakua jimbo pímpinhajkuntasti,

1 Pedro 1:2

jimboka Diósï Táte ísï eratsetixapka, Espiritu pímpinhaxetpiri jimboksïni erakusti, eskajtsï Jesukristuni kurhajchaaka ka imeri iurhiriksïni pímbinhajkuntaati. Eskajtsï kánekua kóndenhaaka ka eskajtsï sési jauaka.

1 Pedro 3:21

ka ima itsï, iásï itsï atajtsïkua arhikuekaxati engaksïni p'ímutantani jaka, ka no juparhekorhentskuesti, jinisï arhikuekajti eska sési jáxentaakia Diósïni japarini, Jesukristueri tsíntskua jimbo,

1 Juan 2:29

Ekajtsï mítetini jaka eska Jesukristu kaxumbeska, mítetini jakajtujtsï eska Diósï uájpeska ne engaksï kaxumbeka.

1 Juan 5:1

Ne engaksï jakajkuka eska Jesusi Krístueska, imaksï Diósï uájpesti; ka ne enga tátjembani xénhchkajka, tátjemberi uájpechantu xénhchaasïndi.