San Juan 3:3 - Diósïri Karakata P´urheepecha Jimbo

³ Jesusi arhispti: –Sési jimbokini arhixaka eska ne enga no ménderu uéntaska andajpenuni, eska ima no úsïnga Diósïri Irechekuani exeni.

San Juan 3:3 Iomraidhean Croise

San Mateo 16:17

Ka Jesusi arhintaspti: “Tsípe t'u, Simoni Jonasi uájpa, jimbokakini nónema aianguska, jucheti Táte auandarhu anapukinisï aianguntati.

San Mateo 19:24

Ménderuksïni arhixaka eska kameiu ma p'ikukueri p'orhojchakuarhu isï sánderu sóntku parhijchakuaaka, eska jatsikorheri ma Diósïri irechekuarhu inchani.”

San Mateo 21:31

¿Náki úski ambe enga tátjemba uékani jápka?” Ka imaksï arhispti eska k'éri. Ka Jesusi arhiaspti: “Sési jimboksïni arhixaka, eskaksïni urhechepaaka inchani Diósïri auandarhu anapu irechekuarhu; tumina tánaticha ka uarhiti ísku jándicha.

San Mateo 5:18

Jimbokaksïni sési jimbo arhixaka eskaksï parhakpeni ka auanda nótki k'amakurhini jauaka, ka iámendu ambe kurhadiranhaati eskamendu juramukuarhu na karakata jaka, ka iámu ambe ísï úkorheati.

San Marcos 10:14

Enga Jesusi exeapka eskaksï xukaaxapka, ikiatintku arhiaspti jurhengorherichani: –Jurajkua je sapichani, ásï p'íngua je engajtsïni andarherajka, jimboka Diósïri juramukua imecheriska engaksï indeni járhaka.

San Marcos 9:47

Ekakini chéti éskua nósesi ambe úni terungutaraska, p'itanharhi; sánderu sésiuati engari ma éskua jinguntku inchaaka tsípekuarhu, ka nóri chpírirhu k'uanijpanhani tsimani erhakua éskua jinguni,

San Juan 1:13

Ka Diósï uájpestiksï, no jimbokaksï ísï andajpenuka, ka níjtu jimboka k'uiripu erakuaska, sánderu sáni, jimboka Diósï kuerauaska.

San Juan 1:5

Ima eramarhandekua pájpakandu t'íntskarasïndi ka pájpakandekua no ústi andani.

San Juan 1:51

Jesusi uandasptijtu: –Sési jimboksïnisï arhini jaka, eskajtsï iásï uératini cha auandani mítakorhetini exeaka, ka Diósïri ánjelichantsï exeauaka engaksï kétseni ka karhanchentani jauaka Acha Uájpani andarhentani.

San Juan 12:40

Pátenharhitaasti, mintsita chuperakuasti; eskaksï no úaka exeni, ka eskaksï no úaka mintsita jinguni kurhanguni, ka nóksï jimbanhentani, ka ji ambakerantaani.

San Juan 3:4

Nikodemu kurhamarhespti: –¿Ka néna ua ma ménderu andajpenuni enga t'arhepeakia? ¿Andi ua ma nánde jémbani ménderu inchaakuntani, ka ménderu uéntani andajpenuni?

2 Corintios 4:4

indeksï no jakajkutisti, Diósï parhakpeni anapu kurhangukua pátakuasti, ka Krístueri t'íntskuanksï no exesïndi, enga jimbo újka Diósï exenhani.

2 Corintios 5:17

Jimbo, ne enga Krístu jingunikia, jimbanhe kuerakatestia; urhetku anapu ambe irekua nitamastia ka iámu ambe jimbanhentasti.

Gálatas 6:15

Nómbe ma jimbo marhoasïndi mínda jukani o no jukani, imasï marhuajti enga ma jimbanhetaaka.

Efesios 2:1

Ka chánksïni engajtsï chári no kurhandirakua jimbo ka chári k'amanharhintskua jimbo uarhirini jápka,

Tito 3:5

p'ímutantastijtsïni, no imani ambe jimbo engachi xáni sési ambe úka, sánderu sáni imeri p'amojkperakua jimbo ka íni jurhiatekua anapuecheri jimbanherantskua jimbo ka Espiritu Sántueri jimbanherantskua jimbo,

Santiago 3:17

Ka auadarhu anapu mímixekua enga sánderu pímbinhaxeka, enga kurhangutspejka ka tekaatspentani, enga kurhandirajka, enga p'amojpejka ka sési ambeni, iámenduechani májkueni káasïndi ka no chkuándirasïndi.

1 Pedro 1:3

Diósï, juchari Acha Jesukristueri Tátjemba xáni k'éristi, engajtsïni p'amojkuka ka Jesukristueri tsíntskua jimbojtsïni jimbanherantasti, ka mintsikakua tsípekuerijtsïni íntskusti,

1 Juan 2:29

Ekajtsï mítetini jaka eska Jesukristu kaxumbeska, mítetini jakajtujtsï eska Diósï uájpeska ne engaksï kaxumbeka.

1 Juan 3:9

Nónema enga Diósï uájpeka k'amanharhintasïndi, jimboka Diósï jimbanhe irekua íntskuskia; ka jimboka Diósï uájpeskia, nóteru úatia k'amanharhintani.

1 Juan 5:1

Ne engaksï jakajkuka eska Jesusi Krístueska, imaksï Diósï uájpesti; ka ne enga tátjembani xénhchkajka, tátjemberi uájpechantu xénhchaasïndi.

1 Juan 5:18

Míteskachi eska ne enga Diósïri kueraakatekia, nóteru k'amanharhintaxakaia, jimboka Diósïri Kueraakata eranguni jarhasïnga, ka Nóambakiti nóteru p'árhesïndia.

1 Juan 5:4

Jimboka ne enga Diósï uájpeka, parhakpeni anapuechani andaasïndi, ka juchari jakajkukua andaastia parhakpeni anapuechani.

Apocalipsis 3:14

Ka ísï karaku ánjelini enga Laodisea anapu tángorhekuarhu jaka: Ima enga uandantajka ambe enga ísïka, enga mintsinharhikueka ka enga no chkuándirajka, enga Acha Kuerajpiri jimbo uandaka ka iámendu ambe kueraani, arhixatikini: