San Juan 3:2 - Diósïri Karakata P´urheepecha Jimbo

² Ima chúrekua niraspti Jesusini p'urhembeni, ka arhispti: –Jurhentpiri, míteskachi eskakini Diósï axaska jurhentpeni, jimboka nónema úpiringa xárhati milagru úani ísï eska t'u na úajka, enga Diósï no ima jinguni japiringa.

San Juan 3:2 Iomraidhean Croise

San Mateo 22:16

Ka máru imecheri jurhengorherichanksï erodiasïcheri jinguni axaaspti, eskaksï Jesusini arhipiringa: “Jurhentpiri, míteskachi eskari kánekua tsitisïnga jurhimbekua ambe, ka eskari sési jimbo Diósïri xanharini jurhentpesïnga eska néka, ka ískuri kurhachpesïnga ambe enga xáni uandanhani jarhajka, jimbokari t'u no k'uiripunisï sési pakarakuni jámka.

San Mateo 23:7

Ka eskaksï xanhari jimbo sési uandajpanhaaka, ka eskaksï: Tata jurhentpiri, arhiauaka.”

San Mateo 23:8

“Cha ásï uéka je eskaksïni: Jurhentpiri, arhiaka, jimbokajtsï cha márkueska, chári jurhentpiri májkuesti.

San Marcos 12:14

Ka niáratinksï arhispti: –Jurhentpiri, míteskachi eskari imani ambe uandasïnga enga ísïka, náuejkiri ménderueni uandamenhantani, jimbokari t'u nónemani sési pakarakuxamka. T'úri sési jimbo jurhentpesïnga Diósïri xanhari. Ka arhijtsïni sáni: ¿Sési jarhaski eskani jucha maiampeaka engajtsïni Roma anapu juramuticha kurhachejka? ¿Íntspeachi ochi ua no íntspeni?

San Juan 1:38

Jesusi eraparhasti, ka enga exepka eskaksï chúxapaxapka kurhamarheaspti: –¿Ambejtsï jirinhantasïnki? Imaksï arhispti: –Jurhentpiri, ¿Naniri irekaski?

San Juan 10:38

Ka ji náuejki engani irekajka, ásïjtsïni jíndeni jakajkuche je, imani ambe jakajku je engani újka, ísïjtsï méntku míteaka eska Táte jíndeni jinguni jarhaska ka eskani ji Táte jinguni jarhaska.”

San Juan 12:37

Ka nóksï jakajkukusïrempti, náuejki xáni k'érati ambe xarhatakuapka;

San Juan 14:10

¿Nóri jakajkusïnki eskani ji Táte jinguniska ka eska Táte jíndeni jinguniska? Engani xáni ambe uandajka, no p'itsïkorhesïnga uandani; Táte enga jíndeni jinguni jaka imasï mámaru sési ambe újti.

San Juan 15:24

Ekani nómbema úpiringa imani ambe engani imechani japari úka, nóksï k'amanharhintapirindi; ka iásïksï exeristia, ka náuejki isï, jíndeni ka jucheti Tátentsïni kurhunhesïndi.

San Juan 2:11

Indeni jimbo, enga jini Kana Galilea Jesusi úpka, uénaspti milagru xarhatani enga jimbo k'érikua xérpepka ka engaksï jimbo jurhengorheri jémbecha mintsinharhipka.

San Juan 20:16

Jesusi arhispti: –¡Maria! Ima p'irhipakurhispti ka ebreo jimbo arhini: –¡Rabuni! (Enga “Jurhentpiri” arhikuekajka)

San Juan 3:26

ka Juánuniksï niraspti arhini: –Jurhentpiri, ima enga t'u jinguni jámani jápka Jordani iurhekuarhu parhikutini, ima engari aiangpekuntaka, imajtu itsï atajtsïkpexati ka iámenduksï chúxapasïndi.

San Juan 4:31

Enga nótki niaranhani jápka jurhegorherichaksï arhisïrempti Jesusini: –Jurhentpiri, a sáni ambe.

San Juan 5:36

Ka ji jatsiska k'óruni máteru xérpekua enga sánderu sési ambeka eska Juánueri uandantskua. Ambe engani ji újka, engarini Táte arhijka eskani úpiringa, inde jimbo xarharasïndi eskarini sési jimbo Táte axaska.

San Juan 6:2

Uánekuaksï chúxapaxapti, jimbokaksï exespka eska xáni ambe xarhatempka p'amenchatichani ambakerantaani jámani.

San Juan 7:31

Uánekuaksï jakajkukuspti, ka uandasïremptiksï: –Enga ambe Krístu jurhaska ¿Imaxamu sánderu k'érati milagruechani úaua?

San Juan 9:16

Máruksï fariseouecha uandasïrempti: Ne emanga ísï niátaka, no Diósïristi, jimboka no janhanharhisïnga sábadu jurhiatekuani. Ka máteruksï undasïrempti: –¿Nénajtu úpirini indeni járhati milagru xarhataani enga k'amanharhintstika? Ísïksï arhijperaparini arhukurhispti,

Hechos 10:38

Na enga Diósï Espiritu Sántueri uinhapekuani íntskupka Jesukristu Nasareti anapuni, ka na enga ima jámempka sési ambe úparini, ka ambakerantaaparini imechani enga nóambakiti nósesi kántauempka, jimboka Diósï Jesusi jinguni jarhaspka.

Hechos 2:22

Kurha je íni ambe Israeli anapuecha, engani uandani jámka: Jesusi Nasareti anapu imesti, engaksïni Diósï erakucheka, ka imaksïni Diósïni jimbo, k'éri ambe, ka míndechani ambe xarhatachesti eskajtsï cha na mítetini jáka;

Filipenses 1:14

Ka uánekua erachicha isï exerintsïni na engani jamani jaka, ts'iuentastiksï ka indejtuksï sánderu tsípekua jinguni íni ambe uandantaxati.