San Juan 3:16 - Diósïri Karakata P´urheepecha Jimbo

¹⁶ “Jimboka Diósï parhakpeni anapuechani xáni xénhchaaska jimbosï jamberi Uájpani íntspeti, imani enga májkueka, eska ne enga imani mintsikajka no uarhiaka, eska méntku isï anapu tsípekua kámaaka.

San Juan 3:16 Iomraidhean Croise

San Mateo 9:13

Ni je ka jurhengorhe je ambe enga arhikuekajka “P'amojperakuasïni uéjka ka no parhandikua kéjtsïtakua ambe.” Jimbokani ji no kaxumbitichanisï ióarhiantaani juka, k'amanharhintstichanisïni juka ióarhiataani.

San Marcos 12:6

“Máterkuni nótki axaxapti: Uájpani, enga ima xáni xénhchempka. Ka k'amarani jámani imani axaspti, ísï eratseparini: ‘Jucheti uátsïni k'óruksï janhanharhiati.’

San Lucas 2:14

“¡Jini auandarhu k'éri t'íntskua Diósïristi! ¡Ka parhakpeni Diósïri xénhchakatecha, sési pájperanhe!”

San Juan 1:14

Ima enga Uandakueka parhakpeni anapu úkorhesti ka jucha jinguni irekaspti. Ka imeri t'íntskuachi xériskia, enga tátjemba íntskuka, jimboka imajkusï Diósï Uájpeka, engamendu k'amak'amasï sésika eska néka ka enga xénhchpirika.

San Juan 1:18

Nónema exesti Diósïni, nómeni; Uájpajtsïnisï mítetarati, enga Tátjemba jinguni májkuentatini jaka, Ima mítetarpesti.

San Juan 1:29

Pauandekuarhu, Juánu exespti Jesusini eska andarheraxapka, ka uandaspti: “¡Exe je, indesï Diósïri Karichiti, enga k'amanharhintskuechani euarhpeantajka!

San Juan 10:28

Ji tsípekua méntku isï anapu íntsaasïnga, ka nómenksï uarhiaati ka nójturini nema euajkuauati.

San Juan 3:15

ka eska ne enga imani mintsikaaka, méntku isï anapu tsípekua jatsiati.”

San Juan 3:18

“Ne enga Diósï Uájpani jakajkujka, no k'amanharhiranhantaati; k'óru ima enga Diósï uájpani enga jandiójkueka no jakajkujka, k'amanharhirantskatestia jimboka no jakajkukusïnga.

San Juan 3:36

Ne enga Uájpani mintsikajka, méntku isï anapu tsípekua jatsistia, ka ima enga Uájpani no uéjka mintsikani, imeni jásï tsípekua no intsïnhaati, ka Diósï ikimestia.”

San Juan 6:40

Jimboka Jucheti Táteri eratsekueska, eska ne engaksï míteaka Diósï Uájpani ka mintsikanksï, eskaksï méntku isï anapu ambakiti tsípekua intsïnhaaka; ka eskani ji k'amarhuni jámani tsítantauaka.

Romanos 5:10

Jimboka engachi Diósïni ikiakuempka, ka útasïjtsïni imeri Uájperi uarhikua jimbo sési arhintani; iásï enga ima irekani jaka sánderuchi p'ímutanhantaka jimbokachi Diósï jingunintaskia.

Romanos 5:8

Ka Diósï k'órujtsïni xarhatechesti na engajtsïni xáni xénhchajka, jimboka Krístu jiáni uarhiska juchantsïni jimbo engachi k'amanharhintstipka.

Romanos 8:32

Diósï, enga uájpani jamberi no p'amojkuka juchantsïni jimbo íntspeni, ¿Nénajtsïnisï no tsípekua jinguni íntskua iámendu ambe ima jinguni?

Efesios 2:4

K'óru Diósï enga xáni tekaatspentajka, ka xáni engajtsïni xénhchajka,

2 Tesalonicenses 2:16

Eska Acha Jesukristu ka juchari Diósï Táte, engajtsïni xénhchaka, ka engajtsïni méntkisï anapu sési p'ikuarherakua íntskuka, ka engajtsïni imeri p'amojkperakua jimbo aiacheka eskachi erokorheni jauaka,

Tito 3:4

K'óru enga Diósï p'ímutantspiriri xarhatatspeka p'amojperakua ka xénhchperakua,

Hebreos 2:9

Ka imani enga sánderu kétsekua péraka eska ánjelichani, Jesusini; exexakachi eska t'íntskuarhu jarhaska ka eska k'érikuarhu jarhaskia, jimboka úska uarhikuani uérakuni, jimbokajtsïni Diósï xáni kóndentaska, jimbosï uékati eska iámenduecheri jimbo uarhipiringa.

1 Juan 3:1

Exe je na engajtsïni Táte xáni xénhchaka; jamberi úeksïndi eskachi Diósï uájpa arhinhaaka, ka jindeskachi. Jimbojtsïnisï parhakpeni anapuecha no míteti, jimbokaksï ima Diósïni no míteska.

1 Juan 4:19

Juchachi xénhchpesïnga jimbokajtsïni Diósï urheta xénhchaska.

Apocalipsis 1:5

ka ístu Jesukristueri enga mintsinharhikueka ka enga urheta tsíntaka, enga iámendu irechechani íni parhakpeni k'érikuaani jaka. Ka engajtsïni xénhchajka ka imeri iurhiri jimbo k'amanharhintskuechantsïni kénditacheani,