San Juan 20:22 - Diósïri Karakata P´urheepecha Jimbo

²² Ka enga ísï uandapka, p'unijtsïkuaspti ka arhiani: –P'i je Espiritu Sántuni.

San Juan 20:22 Iomraidhean Croise

Hechos 19:2

ka kurhamarheaspti: –¿P'iraskijtsïa Espiritu Sántuni jiájkani engajtsï jakajkupka? Ka imaksï arhintaspti: –Nómbe, jucha nómeni kurhaska eska Espirtu Sántu jarhaska.

Hechos 8:15

Ka engaksï ima niárapka, kómarhijpekuasptiksï eskaksï Espiritu Sántuni p'ipiringa.

Hechos 2:38

Ka Pédru arhiaspti: –Diósïni andarhentsï je ka Jesukristuni jimbo itsï atajtsï je, ka k'amanharhintskuechantsï púamenhantaaka, ka Espiritu Sántuntsï p'iuaka.

Hechos 2:4

Iámenduechani Espiritu Sántu andajtsïkueraaspti, ka uénasptiksï máteru uandakuechani jimbo uándani, ísï eska Espiritu na uandarauempka.

San Juan 7:39

Indeni uandakua jimbo, arhikuekaxamempti eska ne enga imani mintsïkapiringa Espirituni intsïnhapiringa; ka jimbokachka Espiritu Sántu nótki íntspenhasïrempka, jimboka Jesusi nótki uarhixapka ka tsíntani.

Gálatas 3:2

Ma ambejkujtsïni arhi je: ¿Cha espirituni juramukuani jimbo intsïnhaski? O ¿Jimbokajtsï jakajkuska imani engajtsï aiangunhaka?

Hechos 4:8

Jiájkani Pédru, Espiritu Sántuni uinirhekorhetini arhiaspti: –Iretarhu anapu urhejtsïkuricha, ka Israeli anapu tatecha:

Hechos 10:47

Jiájkani Pédru arhiaspti: –¿Andi nema no jiáretaua íchani eskaksï íjtu itsï atajtsïkunhaaka engaksï Espiritu Sántuni p'ikaia ísï eskachi jucha?

San Juan 15:26

Enga uinhaperpentsti na juuakia, engani jucha Táteni jinguni axaaka, Espiritu enga isïkamendu, enga Táteri uéjtateka, ima jucheti ambe uandantaati.

San Juan 14:16

ka ji Táteni Espiritu Sántuni kurhakuaka, enga méntkisï cha jinguni jauaka,

San Juan 16:7

Ka jíksïni imanisï arhini jaka enga ísïka: Chári jimbo sánderu sésisti eskani ji níntaaka. Jimboka ekani no níntaska, Espiritu Sántu no juuati chánksïni jinguni jarhani; ka ekani ji niraska, jíksïni axacheaka.

San Juan 20:21

Ka Jesusi ménderu arhiaspti. –¡Cha jinguni jaue sési jakua! Eskarini jíndeni Táte na axaka, jíjtuksïni chánksïni axaxaka.

San Juan 20:23

Néni enga xáni cha puákuantaska, púamenhantaatiksï; ka ne enganijtsï no puákuntaska, nóksï púamenhantaati.