San Juan 2:11 - Diósïri Karakata P´urheepecha Jimbo

¹¹ Indeni jimbo, enga jini Kana Galilea Jesusi úpka, uénaspti milagru xarhatani enga jimbo k'érikua xérpepka ka engaksï jimbo jurhengorheri jémbecha mintsinharhipka.

San Juan 2:11 Iomraidhean Croise

San Juan 1:14

Ima enga Uandakueka parhakpeni anapu úkorhesti ka jucha jinguni irekaspti. Ka imeri t'íntskuachi xériskia, enga tátjemba íntskuka, jimboka imajkusï Diósï Uájpeka, engamendu k'amak'amasï sésika eska néka ka enga xénhchpirika.

San Juan 1:17

jimboka Moisesi íntspeska juramukuani, k'óru, xénhchperakua ka ima ambe enga ísïka Jesukristu xárhatasti.

San Juan 1:43

Pauandekuarhu, Jesusi eratsespti Galilea isï nirani. Felipeni jima xéntaspti ka arhini: –Chúxapurini.

San Juan 1:50

Jesusi arhispti: –¿Andi imani jimbojkurini jakajkuchexaki engakini arhika eskakini jígusïrhu jandukutini exespka? Sánderuri k'éri ambeterurisï exeaka.

San Juan 10:41

Uánekuaksï andarheraspti ka uandasïremptiksï: –Sési jimbo, náuejki Juánu nóma milagru úka, eska xáni íni achetiri ambe uandantapka, ísïspti.

San Juan 11:15

Ka tsípexaka engani no jima jápka, jimboka chári jimbo sánderu sésiska, eskajtsï ísï jámani jakajkuaka. Jútkiru je exenia.

San Juan 11:47

Ka fariseouechaksï ka táta urhejtsïkurichaksï k'éri tángorhekua jatsipti, ka uandasptiksï: –¿Nénachisï jámaia? Ima acheti uánekua ambe xarhataxatiia.

San Juan 12:18

Jimbojtusï uéranhapti Jesusini kúmanhani, jimbokaksï kurhajchpespka eska imasï ísï ambe xarhatapka.

San Juan 12:37

Ka nóksï jakajkukusïrempti, náuejki xáni k'érati ambe xarhatakuapka;

San Juan 12:41

Isaiasï ísï uandaspti jimboka exekuspka t'íntskua ka jimbosï imeri ambe uandapti.

San Juan 14:13

Ka ji úaka iámendu ambe engajtsï jucheti jimbo kurhajkorheaka, ka eska ísï jámani Uájpani jimbo Táte k'éri ambe arhinhaaka.

San Juan 16:27

Táteksïnisï xénhchakorhejti jimbokajtsïni cha jíndeni xénhchasïnga ka jimbokajtsï jakajkuska eskani ji Diósï uéjtateska.

San Juan 16:30

Kurhanguskachia eskari iámendu ambe míteska ka eskari mítetini jarhasïngia amberisï kurhamarhenhaa náuekiksïni nótki ambe ma kurhamarheni jarhani. Indeni jimboksïni jakajkuchesïnga eskari Diósï uéjtateska.

San Juan 2:1

Tanimu jurhia jimbo, Kana, jini Galilea anapu ma iretarhu, tembuchaku ma úkorhespti. Jesusiri nánde jémba jima jámaxapti,

San Juan 2:23

Enga Jesusi, páskueri k'uínchekuarhu Jerusaleni jámani jápka, milagruechanksï exearini uánekua jakajkukuspti.

San Juan 3:2

Ima chúrekua niraspti Jesusini p'urhembeni, ka arhispti: –Jurhentpiri, míteskachi eskakini Diósï axaska jurhentpeni, jimboka nónema úpiringa xárhati milagru úani ísï eska t'u na úajka, enga Diósï no ima jinguni japiringa.

San Juan 4:3

Enga Jesusi aiangunhapka eskaksï fariseouecha mítespkia, Judea uéakuntaspti ka Galilea k'uanhatsentani.

San Juan 4:46

Jesusi k'uanhatsentaspti Kana, Galilea, jima enga itsïni kauikua úntapka. Ka irecheri jántspiri urhejtsïkuri ma, uájpani Kafarnaumi p'amenchataxapti.

San Juan 4:54

Jesusi, íni tsimani úni jámani milagru úspti, enga Judea uéntatini Galilea janonguapka.

San Juan 5:23

eskaksï iámenduecha májkueni k'éri ambe exeaka Uájpani eska Tátjembani. Ne enga no k'éri exejka Uájpani, nójtu k'éri exesïndi Tátjembani enga axaka.”

San Juan 6:14

Jimajkani kóru ísï exénhatini ambe enga Jesusi xarhatapka, uandanhaspti: –Ístia sési jimbo ima Diósïri uandari enga parhakpeni jupiringa.

San Juan 6:2

Uánekuaksï chúxapaxapti, jimbokaksï exespka eska xáni ambe xarhatempka p'amenchatichani ambakerantaani jámani.

San Juan 6:26

Jesusi arhiaspti: –Jíksïni sési jimbo arhixaka eskajtsïni cha jirinhantaxaka no jimbokajtsï kurhangukia milagruechani sánderu sáni jimbokajtsï niáchantaska t'ireni.

San Juan 6:30

Ka ménderuksï kurhamarhespti: –¿Ambejtsïni ua xarhatacheni, eskaksïni jucha imani exerini jakajkucheaka? ¿Amberisï úaia?

San Juan 7:31

Uánekuaksï jakajkukuspti, ka uandasïremptiksï: –Enga ambe Krístu jurhaska ¿Imaxamu sánderu k'érati milagruechani úaua?

San Juan 9:16

Máruksï fariseouecha uandasïrempti: Ne emanga ísï niátaka, no Diósïristi, jimboka no janhanharhisïnga sábadu jurhiatekuani. Ka máteruksï undasïrempti: –¿Nénajtu úpirini indeni járhati milagru xarhataani enga k'amanharhintstika? Ísïksï arhijperaparini arhukurhispti,

2 Corintios 3:18

Jimajkani juchachi p'enonharhitanhaskia ka Acheri t'íntskuanchi t'ínharhixakaia, Espiritujtsïni sánderu ka sánderu imeni jájkupaxati.

2 Corintios 4:17

I nósesi nitamakorhekua enga nitamamaaka, eskachi na sánderu úkorhenchapajka, ísïchi sánderu kánekua k'érikua intsïnhasïnga,

2 Corintios 4:6

Jimboka ima Diósï enga uandaka eska pájpakandu t'ímarhandepiringa, juchari mintsitechantu t'ímarhandu pérasti, ka ísï jámanchi sési kurhanguni Diósïri k'érikuani enga Krístu uénharhimajka.

1 Juan 5:13

Íni ambeksïni karachexaka chánksïni engajtsï jakajkujka Diósï Uájpani, eskajtsï míteaka, eskajtsï méntkisï anapu irekuani jatsikorhetixaka.