San Juan 17:1 - Diósïri Karakata P´urheepecha Jimbo

¹ Enga na ísï ambe uandapka, Jesusi erancheparini uandaspti: “Táte iásïstichkia; chéti Uatsïtini k'érikuarhu péra, eskakini ísï jámani indejtu túngeni k'érikarhu péraaka.

San Juan 17:1 Iomraidhean Croise

San Marcos 14:41

Tanimu xanhari k'uanhatsentatini arhiaspti: –¿Andi útasterujtsï k'uíxaki? ¿Andi útasterujtsï mintsikorhexaki? ¡Sésku jarhastia! Iásïsï Acheti Uájpa k'amanharhintsticheri jájki jimbo íntspenhantaatia.

San Lucas 18:13

Ka tumina tánati iauani tátsepani uératini no jamberi tekaasïrempti erancheni, sánderu uánhesïrempti, ka uandasïrempti: ‘¡Tata Diósï, p'amojkurini jíndeni engani k'amanharhintstika!’

San Lucas 22:53

Mándani pauani k'éri tiósïo chánksïni jinguni jámaxaka, ka nójtsïni méni jupikaska. K'óru i jándu cháristi, enga pájpakandeni jarhajka.

San Juan 11:4

Enga Jesusi aiangunhapka, uandaspti: –Ima indeni p'amenchakua jimbo no uarhiati, ka sánderu sáni, marhuauati eska Diósïri uinhapekua xarharaaka, ka eska ísï jámani Diósï uájpa k'éri xénhaaka.

San Juan 11:41

Tsakapunksï kénditaspti, ka Jesusi erancheparini uandaspti: –Táte, diósmaiamukini arhixaka engarini kurhaka.

San Juan 12:23

Jesusi arhiaspti: –Janostia jurhiata enga Acha Uájpa k'érikuarhu péranhaaka.

San Juan 13:1

Páskueri k'uínchekua andamutani, Jesusi mítetini eska ixu parhakpeni jurhiata janokuspkia uéjpentani ka Táte jinguni níntani, xénhchaaspti parhakpeni anapuechani engaksï imani chúxapempaka, ka k'amarhuni jamberi xénhchaasti.

San Juan 16:32

Jurhiatachka janostia ka iásïstichkia, engajtsï cha táchantku isï etsajkamaaka ka engajtsïni jandiójku jurarkuaka. Eka úka no jandiójku jarhaska, jimboka Táte jíndeni jinguni jarhaska.

San Juan 7:30

Jimajkanksï jupikani uékaspti, k'óru nónema tekaaspti, jimboka nótki niárakusïrempka jurhia.

San Juan 7:39

Indeni uandakua jimbo, arhikuekaxamempti eska ne enga imani mintsïkapiringa Espirituni intsïnhapiringa; ka jimbokachka Espiritu Sántu nótki íntspenhasïrempka, jimboka Jesusi nótki uarhixapka ka tsíntani.

San Juan 8:20

Ísï ambe uandaspti Jesusi Tióstarhu jurhentpeni jatini, jima engaksï k'éjtsïtatarakuecha jápka. Ka nónema jámaspti jupikakuekani, jimboka nótki niaranchasïrempka.

Hechos 3:13

Abraniri Diósï ka Isakiri ka Jakobueri, ima engajtu juchari tua anapuecheri Diósïka, jántspiri jémba Jesusini k'éri ambe ústi; imani engajtsï cha intsïnharhitpeka ka Pilatuni jáparinijtsï no jiókorheni enga ima jurajkukuekani jápka.

1 Pedro 1:21

chájtsï Krístuni jimbo Diósïni mintsikasïnga, enga uarhiricha jinguni tsíntantaka ka enga k'érikua íntskuka, jimbojtsïsï cha Diósïni jakajkujka ka mintsikani.