San Juan 16:3 - Diósïri Karakata P´urheepecha Jimbo

³ Ka ísïksï jámaati jimbokajtsïni Táteni ka jíndeni nótki mítesïnga

San Juan 16:3 Iomraidhean Croise

San Lucas 10:22

“Jucheti Táterini iámu ambe íntskusti. Nónema mítesti nésï uájpe, Tátejku; ka nónema mítesti nésï Táte, Uájpajku ka imajku enga Uájpa uékaaka mítetarani.”

San Juan 15:21

Eka úka, jíndeni jimboksïnisï ísï kámaati, jimbokaksï no míteska imani engarini axaka.

San Juan 15:23

Né engarini jíndeni kurhunhejka, jucheti Tátentu kurhunhesïndi.

San Juan 17:25

Táte terujkani anhaxurhiri, parhakpeni anapuechaksïni nótki mítesïndi, k'óru jíkini míteska ka indeksï mítestia eskarini t'u axaska.

San Juan 17:3

Indesï méntkisï anapu irekueti: Eskaksïni t'úngeni míteaka, májku Diósïni engamendu ísïka, ka Jesukristuni engari axaka.”

San Juan 8:19

Ka kurhamarhesptiksï: –¿Andi chéti táte nani jarhaski? Jesusi arhiaspti: –Chájtsïni no míteska, níjtujtsï jucheti Táteni míte; engajtsïni mítepiringa jíndeni, jucheti Tátenijtujtsï mítepiringa.

San Juan 8:55

Enga úka, chájtsï no míteska. Ji míteska; ka ekani no míteni uandapiringa, jíjtuni májkueni chkuándirapiringa eska cha. Ka sési jimbo ji míteska, ka kurhandirakusïnga imeri uandakuani.

Hechos 3:17

“Tatecha ka nanecha, ji mítetixaka eskajtsï cha ka ima engaksïni chánksïni k'érichejka no mítetini nósesi úska.

1 Corintios 2:8

enga nóma iásï anapu juramuti kurhangujka; ekaksï kurhangupiringa, nóksï cháparhatapirindi Achani enga t'ímarhandekueka.

2 Tesalonicenses 1:8

Ima junguaati maiampetaraani iámendu imechani engaksï Diósïni no jiókorhejka ka engajtuksï juchari Acha Jesusiri ambakiti aiangperakuani no kurhandirakujka.

1 Timoteo 1:13

Nájkirukani ji urhetku ísï Jesukristuni uánekua ambe arhiparhatempka ka ístuni jámsïrempka jupikatarkorheni, k'órurini Diósï p'amojkusti jimbokani ji no mítespka ambesïni xáni nósesi ambe úempki engani nótkini jakajkuempka.

1 Juan 2:23

Ne enga Uájpani no jiókorhejka, Táteni no kángorhesïndi; ka ne enga uandakorhejka eska Uájpa jinguniska, ima Tátentu kángorhesïndia.

1 Juan 3:1

Exe je na engajtsïni Táte xáni xénhchaka; jamberi úeksïndi eskachi Diósï uájpa arhinhaaka, ka jindeskachi. Jimbojtsïnisï parhakpeni anapuecha no míteti, jimbokaksï ima Diósïni no míteska.

1 Juan 4:8

Ne enga no xénhchpejka, Diósïni nótki mítesïndi, jimboka Diósï, xénhchperakueska.

1 Juan 5:20

Míteskajtuchi eska Diósï Uájpa jurhaska ka eskajtsïni kurhangutarakua íntskuska engachi jimbo Diósïni míteaka, imani enga ísïka. Juchachi imani jinguni jarhaska enga ísïka, Uájpa Jesukristuni; imasï Diósïti enga ísïka ka enga méntkisï tsípekueka.