San Juan 16:10 - Diósïri Karakata P´urheepecha Jimbo

¹⁰ ka jísïni kaxumbitika, engani Táte jinguni nirani jámka, ka nóterujtsïni exeakia;

San Juan 16:10 Iomraidhean Croise

1 Pedro 3:18

Jimboka Krístujtu, engajtsïni Diósï jinguni páka, juchari k'amanharhintskuechani jimbo, ma xanharkusï uarhika, ima enga no k'amanharhintstika, k'amanharhintstichani jimbo uarhisti, uándikunhasti ka espirituni jimbo tsíntasti.

2 Corintios 5:21

Ima enga nómeni k'amanharhintstipka iámu juchari ambe k'amanharhitanhantaspti, ka Diósïjtsïni imeri Uájpa jimbo puáchentastia.

1 Timoteo 3:16

Indeni jimbochisï jucha Diósïni íntskukorhentajka irekani, ka enga xáni k'éka inde enga ísïka engachi iásï xarhatamenhani jaka: Krístu k'uiripu úkorhesti, ka Espiritu Sántu jimbo andani uerasti, ka ánjelichaksï exesti, ka imeri ambe iámu parhakpeni mítekorhesti, ka iámenduechaksï jakajkusti, ka t'ímarhandekuarhu eronhantasti.

1 Corintios 1:30

Imaksïnisï Krístu Jesusi jingunitarati, imesti juchari mímixekua engajtsïni Diósï íntskuka, juchari kaxumbekua ka pimbinhaxekua ka p'ímutantskua,

Hechos 3:14

Chájtsï no jiójkorheska imani enga Kaxumbitipka ka sési jásï k'uiripueni, ka uandikpitintsï ma jurajkutarkorheska.

Gálatas 5:5

Juchachi Espirituni jimbo mintsikasïnga eskajtsïni jakajkukua jimbo Diósï kaxumberantaaka.

Romanos 1:17

jimboka ísïsï xarharajka ambe enga Diósï uékajka, eska sánderu jakajkupanhaaka ísï eska karakata na arhijka: “Kaxumbiti, jakajkukua jimbosï sési irekaati.”

Hechos 17:31

jimboka ima, jurhiatekua ma pératixaka enga imeri míndakata jimbo, parhakpeni anapuechani arhinharhikuauaka jimboka imeri míndakatani tsítantatini xérpeska.

Hechos 7:52

¿Chári tátechaksï náki Diósïri uandarini no atakuekaski? Uándikuastiksï imani engaksï uandantaka Kaxumbitiri jukuani, imani engajtsï cha iásï intsïnharhitpeka ka uandikuntsï.

Hechos 2:32

Ka Diósï Jesusini tsítantasti, ka indeni ambe jucha exekorheska.

San Juan 5:32

Jarhasti k'óru máteru enga jucheti jimbo uandantajka, ka ji míteska eska ima jucheti ambe jurhimbitku uandantasïnga.

San Juan 3:14

Ka ísï eska Moisesi na akuitseni iótakuarhu tarhatapka jima enga nónema irekaka, Acha Uájpajtu ísï tarhatanhaati,

San Juan 7:33

Jimajkani Jesusi uandaspti: –Sánderkusïni chánksïni jinguni jauakia, ka tátsekua k'uanhatsentaaka imani jinguni engarini axaka.

San Juan 16:5

Ka iásï imani jinguni niántaxamka engarini axaka, ka nónemarini sáni kurhamarhesïndi ji nani niraxamki;

San Juan 16:28

Táteni uéakuska ka parhakpeni jurhaska. Ka iásï ménderuni uéjpentaaka Táte jinguni niántani.”