San Juan 14:2 - Diósïri Karakata P´urheepecha Jimbo

² Jucheti Táteo kánekua ambandesti; enga no ísïpiringa, nóksïni aiangupiringa eskaksïni ambantskaracheni niraxamka.

San Juan 14:2 Iomraidhean Croise

San Lucas 14:22

Tátsekua jántspiri uandasptiteru: Tata, juájpeskia eskarini na arhika, ka útasï ambandesti.

San Juan 13:33

“Jucheti uátsïticha, sánderkusïni cha jinguni jauakia. Chájtsïni jirinhantaaka, ka májkueni eskani judiouechani na arhiaka, eska jima engani ji nirani jámka, chájtsï no úaka nirani, ka chánksïntu májkuenksïni arhixaka.

San Juan 13:36

Simoni Pédru arhispti: –Tata, ¿Andi naniri niraxamki? Jesusi arhispti: –Iásïrini no úaka chúxapani jima engani ji nirani jámka; tátsekuarini chúxapaakia.

San Juan 14:28

Kurhariskajtsï engani ji uandaka: ‘Níntaaka ka junguaaka chánksïni jinguni.’ Ekajtsïni xénhchapiringa, chájtsï tsípepiringa engani Táte jinguni níntapiringa, jimboka Táte jíndeni jinguni sánderu k'ériska.

San Juan 16:4

Íni ambeksïni arhixaka, uékani eska enga na niáraaka jurhiata ka ísï úkorheni, eskajtsï miántaaka eskaksïni aianguspkia. “Íni ambeksïni no arhixapka jimbokani cha jinguni jámaxapka.

San Juan 17:24

“Táte, imecha engarini t'u íntsaaka, uéksïnga eskaksï imajtu jima jauaka engani ji jauaka, eskaksï exembeaka jucheti k'érikuani engarini t'u íntskuka, jimbokarini t'uíni xénhchasïrempkia enga parhakpeni jamberi nótki jápka.

Hechos 9:16

jimbokani ji exeraaka na enga jucheti jakangurhikua jimbo xáni nósesi nitamanchakorheaka.”

2 Corintios 5:1

Jimbokachi mítetixaka eska, eka i juchari irekorhetarakua k'amakurhiaka, jatsikorhetixakachi enga Diósïrika: Irekorhekua enga méntkisïuaka, engaka no parhakpeni anapu úka, ka enga auandarhu jaka.

1 Tesalonicenses 5:9

Jimbokajtsïni Diósï no erakuska juchantsïni eskachi ikiamenhaaka, sánderu sántsïni erakusti eskachi Acha Jesukristueri jimbo p'íjpanhantaaka.

Tito 1:2

Méntkisï anapu tsípekua mintsikaparini, engajtsïni Diósï aiacheka, enga no chkuándirajka, ka engatsïni ióntki aiachekia.

Hebreos 11:10

Jimboka ima k'éri iretani enga pítsekua sési jukaka mintsikaxapka, enga Diósï úka ka eratseka néna enga jáxepiringa.

Hebreos 13:14

jimbokachi ixu parhakpeni no májku k'éri iretani jatsikorheska, sánderu sánichi imanisï jirinhani jámani jaka enga jimbanhe ireteuaka.

Hebreos 6:20

jima enga urheta Jesusi inchaka juchantsïni urhechepani, májkueni eska Melkisedeki, enga méntkisï táta k'érika.

Hebreos 9:8

Espiritu Santu indeni jimbo jánhastpesïrempti eska santisimurhu nótki mítakorhesïrempka jiájkani jámberi enga útasï japiringa tiósta enga urhetipka.

Apocalipsis 1:5

ka ístu Jesukristueri enga mintsinharhikueka ka enga urheta tsíntaka, enga iámendu irechechani íni parhakpeni k'érikuaani jaka. Ka engajtsïni xénhchajka ka imeri iurhiri jimbo k'amanharhintskuechantsïni kénditacheani,

Apocalipsis 21:2

Ka Jerusaleni jimbanheni exespka, ireta erakukatani enga auandarhu uératini kétseni jápka, jini uératini enga Diósï jaka. Sési xukuparhantatini eska tembunha ma enga tembuchani nirajka kúmani.

Apocalipsis 3:12

Ne enga andaaka, ji anhandakua úntaaka jucheti Diósïri k'umanchekuarhu, ka jima pakaraati méntkisï, ka jucheti Diósïri jakangurhikuani ka ístu jucheti Diósïri iretani jima karaaka, enga jindeka Diósïri jimbanhe Jerusaleni enga auandarhu uératini kétsejka, ka jucheti jimbanhe jakangurhikua karaaka.

Apocalipsis 3:21

Ne enga andaska, íntskuaka sésikua k'éri uaxantskuarhu jarhani jíndeni jinguni, ísï eskani jíjtuni na andaka ka jucheti Táteni jinguni imeri irechekuarhu uaxakaska.